Sun Screen: ఇంట్లోనే సన్ స్క్రీన్ ఎలా తయారు చేసుకోవాలో తెలుసా?

ఎండాకాలంలో ముఖానికి సన్ స్క్రీన్ తప్పనిసరి. మరి, ఆ సన్ స్క్రీన్ ని ఇంట్లోనే ఎలా తయారు చేసుకోవాలో ఇప్పుడు తెలుసుకుందాం..  

చర్మ సంరక్షణ: ఎండాకాలంలో సన్‌స్క్రీన్ లేకుండా బయటకు వెళ్లడం మంచిది కాదు. సన్‌స్క్రీన్ చర్మాన్ని ఎండ దెబ్బ నుండి కాపాడుతుంది. సన్‌స్క్రీన్ రాసుకుంటే ఎండలోని హానికరమైన కిరణాలు చర్మాన్ని దెబ్బతీయలేవు. సన్‌స్క్రీన్ లేకుండా ఎండలో  బయటకు వెళితే చర్మం కమిలిపోతుంది, ఎండ దెబ్బ తగులుతుంది, టానింగ్ వస్తుంది. కానీ, కొన్నిసార్లు సన్‌స్క్రీన్ అయిపోతే దాన్ని వాడకుండా ఉండాల్సి వస్తుంది. అలాంటప్పుడు ఇంట్లోనే సన్‌స్క్రీన్‌ను ఎలా తయారు చేసుకోవాలో ఇక్కడ తెలుసుకోండి. కేవలం రెండు పదార్థాలతో సన్‌స్క్రీన్ తయారవుతుంది. ఈ సన్‌స్క్రీన్‌ను ముఖానికే కాకుండా చేతులు, కాళ్లకు కూడా రాసుకోవచ్చు. మీకు ఇష్టమైతే మార్కెట్లో దొరికే కెమికల్ సన్‌స్క్రీన్‌లకు బదులుగా ఈ సన్‌స్క్రీన్‌ను వాడుకోవచ్చు.

సన్‌స్క్రీన్ తయారీ విధానం

ఈ సన్‌స్క్రీన్ తయారీకి కలబంద, కొబ్బరి నూనెను ఒక గిన్నెలో కలిపి బాగా కలపాలి. మిశ్రమం క్రీమీగా అయ్యే వరకు కలపాలి. ఈ క్రీమీ మిశ్రమాన్ని సన్‌స్క్రీన్‌గా వాడుకోవచ్చు.

సన్‌స్క్రీన్ వాడకంలో ఈ తప్పులు చేయకండి

1. సన్‌స్క్రీన్ పరిమాణం చాలా ముఖ్యం. తక్కువ పరిమాణంలో రాసుకుంటే సన్‌స్క్రీన్ సరిగ్గా పనిచేయదు, ఎండ చర్మాన్ని దెబ్బతీస్తుంది.
2. ఇంట్లో కూడా ఎక్కువ వెలుతురు ఉంటే సన్‌స్క్రీన్ రాసుకోవడం మంచిది.
3. ఉదయం ఒక్కసారి సన్‌స్క్రీన్ రాసుకుంటే సరిపోదు, తరచుగా రాసుకోవాలి. ముఖ్యంగా ఎండలోకి వెళ్లే 20 నిమిషాల ముందు రాసుకోవాలి.
4. మేకప్ వేసుకున్నంత మాత్రాన సన్‌స్క్రీన్ వాడకం మానేయకూడదు. మాయిశ్చరైజర్ తర్వాత సన్‌స్క్రీన్ రాసుకుని, ఆ తర్వాత మేకప్ వేసుకోవాలి.
5. బయట ఎండ లేకపోయినా సన్‌స్క్రీన్ రాసుకోవడం మంచిది. చర్మ సంరక్షణకు, చర్మ సమస్యల నుండి రక్షణ కోసం సన్‌స్క్రీన్ వాడాలి.
6. ముఖానికే కాకుండా చేతులు, కాళ్లకు కూడా సన్ ప్రొటెక్షన్ ఉన్న లోషన్, సన్‌బ్లాక్ రాసుకోవాలి.
7. ఎండలో బయటకు వెళితే, శరీరం మొత్తం కప్పేలా దుస్తులు ధరించడం మంచిది.