Iran israel conflict: కథ మళ్లీ మొదటికి వచ్చిందా.. ట్రంప్ మాట చెల్లడం లేదా.? ఈ యుద్ధం ఆగేదెన్నడు
సారాంశం
ఇరాన్, ఇజ్రాయెల్ మధ్య నెలకొన్న ఉద్రిక్తతలకు ఫుల్స్టాప్ పడినట్లు వార్తలు వచ్చాయి. రెండు దేశాలు కాల్పుల విరమణకు అంగీకరించాయని అమెరికా అధ్యక్షుడు ట్రంప్ ప్రకటించిన విషయం తెలిసిందే.
మళ్లీ ముదురుతున్న ఇరాన్ - ఇజ్రాయెల్ యుద్ధం
ఇరాన్-ఇజ్రాయెల్ మధ్య పటిష్టంగా కొనసాగుతున్న ఘర్షణలు మళ్లీ యుద్ధరంగంలోకి దిగాయి. రెండు దేశాల మధ్య కాల్పుల విరమణ అమల్లోకి వచ్చిన కొద్ది గంటల్లోనే పరిస్థితులు తారాస్థాయికి చేరాయి. అమెరికా అధ్యక్షుడు డొనాల్డ్ ట్రంప్ స్వయంగా ఈ కాల్పుల విరమణ ప్రకటన చేసిన కొద్దిసేపటికే మళ్లీ మిస్సైళ్ల మోత మొదలైంది.
కాల్పుల విరమణ వెంటనే దాడులు
కాల్పుల విరమణకు ఇరువైపులా అంగీకార ప్రకటనలు వెలువడిన తర్వాత కూడా, ఇరాన్ తన ఆగడాలను ఆపలేదని ఇజ్రాయెల్ ఆరోపిస్తోంది. బీర్షెవా నగరంలో మూడు భవనాలపై ఇరాన్ క్షిపణులు దాడి చేశాయనీ, వాటిలో ఓ బిల్డింగ్ పూర్తిగా కూలిపోయిందని ప్రకటించింది. ఈ దాడుల్లో తొమ్మిది మంది ఇజ్రాయెల్ పౌరులు మృతి చెందినట్లు ప్రకటించారు.
హై అలర్ట్ లో ఇజ్రాయెల్ – బంకర్లకు ప్రజల తరలింపు
బీర్షెవా దాడుల అనంతరం, ఇజ్రాయెల్ దేశమంతటా హైఅలర్ట్ ప్రకటించింది. ప్రజలకు అత్యవసర బంకర్లకు వెళ్లాలని సూచించడంతో పాటు, ప్రధాన నగరాల్లో ఆర్మీ మొబిలైజేషన్ పెంచింది. మిలిటరీ వర్గాల ప్రకారం, ఈ దాడులు విరమణ ఒప్పందాన్ని ఉల్లంఘించడంతో పాటు, ఆ ప్రాంతంలో మరిన్ని విధ్వంసకర దాడులకు దారితీయవచ్చని హెచ్చరిస్తున్నారు.
ఇజ్రాయెల్ ప్రతీకారం – IDF కు దాడులకు ఆదేశాలు
ఇజ్రాయెల్ రక్షణశాఖ మంత్రి, ఇరాన్ దాడులపై తీవ్రంగా స్పందించారు. కాల్పుల విరమణ ఉల్లంఘనకు పాల్పడ్డ ఇరాన్పై తక్షణమే బలమైన ప్రతీకారం తీసుకోవాలని, IDF (ఇజ్రాయెల్ డిఫెన్స్ ఫోర్సెస్) కు ఆదేశాలు ఇచ్చారు. ఈ ప్రకటన తర్వాతే, ఇరాన్ దశలవారీగా పలు ప్రాంతాల్లో మళ్లీ దాడులకు సిద్ధమవుతోందని అంచనాలు వెలువడుతున్నాయి.
ఇరాన్ ఖండన
ఇజ్రాయెల్ చేసిన ఆరోపణలను ఇరాన్ ఖండించింది. తాము ఎలాంటి కాల్పుల విరమణ ఉల్లంఘనకు పాల్పడలేదని స్పష్టం చేసింది. కాల్పుల విరమణ తరువాత తమ వైపు నుంచి ఒక్క దాడీ జరగలేదని వెల్లడించింది. అయితే ఇజ్రాయెల్పై తమకు నమ్మకం లేదని, తమ వేళ్లు ట్రిగ్గర్పై ఉన్నాయని, మళ్లీ దాడులకు వెనుకాడమని హెచ్చరించింది.
ఇరాన్లో ప్రస్తుతం నూతన ప్రభుత్వ ఏర్పాటుకు మార్గం సిద్ధమవుతోంది. ఈ నేపథ్యంలో, ఇజ్రాయెల్ వర్గాలు – "ఇరాన్లో పాలన మారే వరకు మేము ఆగం" అంటూ తీవ్ర వ్యాఖ్యలు చేశారు. ఇది రెండోసారి ఇరాన్పై బలమైన రీటాలియేషన్కు దారి తీసే సూచనగా విశ్లేషకులు భావిస్తున్నారు.
మిడ్లీస్ట్లో మళ్లీ ఉద్రిక్తతలు
ఈ సంఘటనలతో మిడిల్ ఈస్ట్ ప్రాంతంలో మళ్లీ ఉద్రిక్తతలు పెరిగాయి. సిరియా, లెబనాన్, ఇరాక్ వంటి సమీప దేశాల్లోనూ అప్రమత్తత పెరిగింది. యుఎన్ భద్రతా మండలి ఈ విషయంపై అత్యవసర సమావేశం జరపాలని భావిస్తోంది. పరిస్థితులు మరింత దిగజారుతోన్న వేళ ఇరాన్-ఇజ్రాయెల్ మధ్య తాత్కాలిక విరామాలు కొనసాగుతాయా? లేదా ఇది మరింత పెద్ద మిలిటరీ ఘర్షణకు దారి తీయనుందా? అన్నది త్వరలోనే తేలనుంది.