బడికి వచ్చిన దుప్పి పిల్ల (వీడియో)

పాఠశాల గదిలో దుప్పి పిల్ల  

ఉత్తరప్రదేశ్ రాజధాని లక్నో సమీపంలోని మోర్దాబాద్‌లో ఓ  వింత సంఘటన చోటుచేసుకుంది. చిన్నారులు ఉండాల్సిన ఓ పాఠశాల గదిలోకి ఓ చిన్న దుప్పి పిల్ల ప్రవేశించింది.  తరగతి గది కిటికీ అద్దాలు పగులగొట్టుకుని లోపలికి వచ్చిన దుప్పిపిల్ల గదిలోని బ్లాక్ బోర్డు చుట్టూ కలియతిరుగుతూ కనిపించింది.  బైటికి ఎలా పోవాలో తెలియక.. గదిలోనే బిక్కుబిక్కుమంటూ తిరిగింది. ఈ దృశ్యాలన్నీ అక్కడున్న సీసీటీవీ కెమెరాలో రికార్డు అయ్యాయి. మొత్తానికి దీన్ని గమనించిన పాఠశాలయాజమాన్యం.. అటవీశాఖ అధికారులకు సమాచారం అందించారు. దీంతో వారు దుప్పిని పట్టుకుని మళ్లీ అడవిలోనే వదిలిపెట్టారు.