Drinking Salt Water: రోజూ ఉదయాన్నే ఉప్పు నీళ్లు తాగితే ఏమవుతుందో తెలుసా?

ఉప్పు నీళ్లు తాగితే ఆరోగ్యానికి మంచిదికాదు, కిడ్నీలో రాళ్లు వస్తాయని చాలామంది అనుకుంటారు. కానీ ప్రతిరోజూ ఉదయం ఖాళీ కడుపుతో ఉప్పు నీళ్లు తాగితే ఎన్నో ఆరోగ్య ప్రయోజనాలు ఉంటాయని చెబుతున్నారు నిపుణులు. అవెంటో ఇక్కడ చూద్దాం.

శరీరానికి సరిపడా నీళ్లు తాగడం ఎంత ముఖ్యమో.. వాటిలో అవసరమైన మినరల్స్ ఉండటం కూడా అంతే ముఖ్యం. వాటిలో ముఖ్యమైనది ఉప్పు. చాలామంది ఉప్పు నీరు ఆరోగ్యానికి హానికరం అనుకుంటారు. కానీ నీటిలో సహజమైన సముద్రపు ఉప్పు, పింక్ హిమాలయన్ ఉప్పు కలిపి తాగడం వల్ల శరీరానికి ఎన్నో ప్రయోజనాలు కలుగుతాయి. ఇది కిడ్నీ ఆరోగ్యం, జీర్ణక్రియ, చర్మ ఆరోగ్యం, రోగనిరోధక శక్తి, ఒత్తిడి నియంత్రణకు చాలా మంచిదని చెబుతున్నారు నిపుణులు.

ఉదయాన్నే ఉప్పు నీరు తాగడం వల్ల కలిగే లాభాలు:

జీర్ణక్రియ పెరుగుతుంది:

ఉదయం ఉప్పు నీరు తాగడం వల్ల జీర్ణ గ్రంథులు ఉత్తేజితమవుతాయి. ఉప్పు నాలుకపై ఉండే నాళాలను ఉత్తేజపరుస్తుంది. ఇది ఆహారం త్వరగా జీర్ణం కావడానికి సహాయపడుతుంది. పేగు, మూత్రాశయ సమస్యలు, కడుపు ఉబ్బరం, మంట లాంటివి ఉన్నవారికి ఇది ఉత్తమ పరిష్కారం.

శరీరంలో నీటిని సమతుల్యం చేస్తుంది:

శరీరంలో నీరు ఎక్కువగా ఉన్నా అలసట, మైకం వస్తాయి. దీనికి కారణం శరీరానికి అవసరమైన ఎలక్ట్రోలైట్స్ లోపం. ఉప్పు నీరు తాగడం వల్ల నీటి ప్రసరణ సరిగ్గా జరుగుతుంది. కీళ్ల నొప్పులు, కండరాల బలహీనత తగ్గుతుంది. నీటి కొరత ఏర్పడకుండా నివారిస్తుంది. ఎక్కువసేపు వ్యాయామం చేసే అథ్లెట్లు, శరీరానికి ఎక్కువ శ్రమ అవసరమయ్యే వారికి ఇది ఉత్తమమైన మార్గం.

శరీర pH సమతుల్యతను ప్రోత్సహిస్తుంది:

శరీరంలో ఆమ్లత్వం పెరిగినప్పుడు వివిధ రకాల వ్యాధులు వస్తాయి. ఇందులో ప్రధానమైనవి మలబద్ధకం, చర్మ సమస్యలు. ఉప్పు నీరు తాగడం వల్ల శరీరంలోని ఆమ్లత్వం తగ్గడంతో పాటు హాని కలిగించే సమస్య తగ్గుతుంది. ఉప్పునీరు విరేచనాలను నివారిస్తుంది. ఎసిడిటీ, పేగు సమస్యలు ఉన్నవారికి ఇది మంచి పరిష్కారం.

 కిడ్నీ ఆరోగ్యాన్ని కాపాడుతుంది:

ఉప్పు నీరు కిడ్నీలో ఉండే రాళ్లను కరిగించి బయటకు పంపడానికి సహాయపడుతుంది. మూత్రాన్ని శుభ్రపరుస్తుంది. కిడ్నీ పనితీరును మెరుగుపరుస్తుంది. కిడ్నీలో రాళ్లు ఉన్నవారు, మూత్రాశయ ఇన్ఫెక్షన్ ఉన్నవారు ఉదయం గోరువెచ్చని ఉప్పు నీరు తాగవచ్చు.

డిప్రెషన్, ఒత్తిడిని తగ్గిస్తుంది:

ఉప్పు నీటిలో మినరల్స్, మెగ్నీషియం, పొటాషియం పుష్కలంగా ఉన్నాయి. ఇవి మెదడులోని నరాలను ఆరోగ్యంగా ఉంచుతాయి. మానసిక స్థితిని సరిగ్గా ఉంచడానికి, రోగనిరోధక శక్తిని పెంచడానికి సహాయపడతాయి. నిద్రలేమి, ఒత్తిడి లాంటి సమస్యలకు ఇవి చక్కని పరిష్కారం

చర్మాన్ని మెరిసేలా చేస్తుంది:

ఉప్పు నీరు శరీరాన్ని లోపలి నుంచి శుభ్రపరిచే శక్తిని కలిగి ఉంటుంది. చర్మ సమస్యలు తగ్గుతాయి. చర్మ కణాలు కొత్త అందాన్ని పొందుతాయి. సరిగ్గా నీరు అంది చర్మం మృదువుగా మారుతుంది. సహజంగా మెరిసే చర్మం పొందడానికి ఉదయం గోరువెచ్చని ఉప్పు నీరు తాగండి.

రోగనిరోధక శక్తిని పెంచుతుంది:

ఉప్పు నీరు తాగడం వల్ల ఛాతీలో కఫం, దగ్గు, గొంతు నొప్పి లాంటి సమస్యలు తగ్గుతాయి. ఊపిరితిత్తులు శుభ్రపడి కఫం బయటకు వస్తుంది. వ్యాధికారక క్రిములను నాశనం చేస్తుంది. సైనస్ సమస్యలు తగ్గుతాయి. వాతావరణం మారడం వల్ల సులభంగా అనారోగ్యం పాలయ్యేవారు దీనిని రోజువారీ అలవాటుగా చేసుకుంటే మంచిది.

ఉప్పు నీరు తయారుచేసే విధానం:

కావలసిన పదార్థాలు:
1 కప్పు గోరువెచ్చని నీరు
1/4 టీస్పూన్ సహజమైన సముద్రపు ఉప్పు లేదా పింక్ హిమాలయన్ ఉప్పు

తయారీ విధానం:

* నీటిలో ఉప్పు వేసి బాగా కలపండి.
* ఉదయం ఖాళీ కడుపుతో నెమ్మదిగా తాగండి.
* సాధారణ టేబుల్ సాల్ట్ ఉపయోగించవద్దు. సహజమైన ఉప్పు మాత్రమే ఉపయోగించాలి.