Health Tips: మూత్రం ఎక్కువ సేపు ఆపుకుంటే ఏమవుతుందో తెలుసా?

చాలామంది మూత్రాన్ని ఎక్కువసేపు ఆపుకుంటూ ఉంటారు. పిల్లలు, యంగ్ ఏజ్ వారిలో ఇది ఎక్కువ. ఇలా మూత్రాన్ని ఎక్కువసేపు ఆపుకుంటే చాలా రకాల ఆరోగ్య సమస్యలు వస్తాయని చెబుతున్నారు నిపుణులు. పదే పదే ఇలా యూరిన్ ఆపుకుంటే ఎలాంటి సమస్యలు వస్తాయో తెలుసుకుందాం.

శరీరంలోని వ్యర్థాలను బయటకు పంపడం సహజమైన ప్రక్రియ. కానీ కొందరు పని, ప్రయాణం, ఇతర కారణాల వల్ల మూత్రాన్ని ఎక్కువసేపు ఆపుకుంటూ ఉంటారు. దీనివల్ల శరీరానికి చాలా రకాల నష్టాలు కలుగుతాయని చెబుతున్నారు నిపుణులు. అవెంటో చూద్దాం.

మూత్రం ఆపుకుంటే కిడ్నీ ఇన్ఫెక్షన్ వస్తుందా?

మూత్రం, మూత్రాశయంలో ఎక్కువసేపు ఉంటే, బ్యాక్టీరియా పెరుగుతుంది. దీనివల్ల కిడ్నీలో ఇన్ఫెక్షన్ వచ్చే ప్రమాదం ఉంది. మూత్రం పోసేటప్పుడు మంటగా ఉండటం, మూత్రం రంగు మారడం, మూత్రంలో ఘాటైన వాసన రావడం, కడుపు కింది భాగంలో నొప్పి రావడం లాంటివి కిడ్నీ ఇన్ఫెక్షన్ ఉన్నట్లు చెప్పే ముఖ్యమైన లక్షణాలు. 

కిడ్నీలో రాళ్లు రావడం:

మూత్రాన్ని బయటకు పంపకుండా ఎక్కువసేపు ఆపుకోవడం వల్ల కిడ్నీలో ఉప్పు, ఖనిజాలు కలిసి రాళ్లుగా ఏర్పడతాయి. కిడ్నీలో రాళ్లు పెద్దగా పెరిగితే, కడుపులో విపరీతమైన నొప్పి, వాంతులు, మూత్రంలో రక్తం లాంటి సమస్యలు వస్తాయి.

మూత్రాశయం పెద్దగా అవ్వడం:

మూత్రాశయంలో ఎక్కువసేపు మూత్రం నిల్వ ఉంటే, దాని గోడ సాగుతుంది. దీనివల్ల దాని సహజ సంకోచం తగ్గిపోతుంది. దీనివల్ల కొన్నిసార్లు మూత్రాన్ని పూర్తిగా బయటకు పంపలేము. మూత్రం పోసిన తర్వాత కూడా పూర్తిగా పోసినట్లు అనిపించకపోవడం, 
పదే పదే మూత్రం వచ్చినట్లు అనిపించడం, రాత్రిపూట పదే పదే టాయిలెట్ కు వెళ్లాల్సిన పరిస్థితి రావడం దీని లక్షణాలు.

కిడ్నీ పనితీరు దెబ్బతినడం: 

మూత్రాన్ని ఎక్కువసేపు ఆపుకుంటే, కిడ్నీపై ఎక్కువ ప్రెజర్ పడుతుంది. ఇది డయాబెటిస్, హైబీపీ, ఇతర సమస్యలను కలిగిస్తుంది. ఇదే పరిస్థితి కొనసాగితే, కిడ్నీలు పనిచేయకుండా పోయే ప్రమాదం ఉంది.

మూత్రాశయం కుంచించుకుపోవడం:

మూత్రాన్ని ఎక్కువసేపు ఆపుకోవడం అలవాటుగా మారితే మూత్రాశయం కుంచించుకుపోయేలా చేస్తుంది. ఇది మూత్రాన్ని పూర్తిగా బయటకు పంపలేని పరిస్థితికి దారితీస్తుంది. ఇది గుండె జబ్బులు, ప్రమాదకరమైన కిడ్నీ ఇన్ఫెక్షన్లు, కిడ్నీలు పనిచేయకుండా పోవడం లాంటి సమస్యలను కలిగిస్తుంది.

సాధారణంగా, ఒక వ్యక్తి 3 నుంచి 6 గంటల వరకు మూత్రాన్ని ఆపగలడు. కానీ దీన్ని అలవాటుగా చేసుకుంటే చాలా తీవ్రమైన పరిణామాలు ఉంటాయి.

మూత్రాన్ని వెంటనే బయటకు పంపడం వల్ల ఉపయోగాలు: 

* కిడ్నీ ఆరోగ్యాన్ని కాపాడుతుంది
* కిడ్నీలో రాళ్లు, యూటీఐ ప్రమాదాన్ని తగ్గిస్తుంది
* శరీరం సక్రమంగా పనిచేయడానికి సహాయపడుతుంది
* కడుపు, కింది భాగంలో నొప్పి రాకుండా చేస్తుంది

ఆరోగ్యాన్ని కాపాడుకోవడానికి మంచి మార్గాలు: 

* మూత్రం వస్తున్నట్లు అనిపించిన వెంటనే టాయిలెట్ కు వెళ్లడం ముఖ్యం.
* ఎక్కువ నీరు ఉండే ఆహారాలను తీసుకోవాలి.
* ఎక్కువగా నీళ్లు తాగాలి (రోజుకు 2-3 లీటర్ల వరకు).
* పదే పదే మూత్రం ఆపుకునే సమస్యలు ఉంటే, డాక్టర్ ను కలవాలి.