ఏ వయసులోనైనా ధూమపానం మానేయడం వలన మరణ ప్రమాదాన్ని గణనీయంగా తగ్గిస్తుందని పరిశోధనలు సూచిస్తున్నాయి, గతంలో ధూమపానం చేసేవారు 10 సంవత్సరాలలోపు ధూమపానం చేయని వారి మనుగడ రేటుకు చేరుకుంటారు. మూడు సంవత్సరాల కంటే తక్కువ కాలం పాటు పొగతాగడం విడిచిపెట్టిన వ్యక్తుల ఆయుష్షు కూడా పెరుగుతుంది.
ధూమపానం ఆరోగ్యానికి హానికరం. ఈ విషయం అందరికీ తెలిసినా.. దానిని మానేయడానికి ఎక్కువ మంది ఆసక్తి చూపించరు. అయితే.. ఈ ధూమపానం అలవాటును మధ్యలో మానేయడం వల్ల కూడా అనేక ప్రయోజనాలు కలుగుతాయట. 40 ఏళ్లలోపు ధూమపానం మానేసిన వ్యక్తులు ధూమపానం మానేయడం వల్ల.. అసలు ఎప్పుడూ ధూమపానం చేయని వారితో సమానంగా జీవించవచ్చని ఇటీవలి నివేదిక సూచిస్తుంది.
NEJM ఎవిడెన్స్ జర్నల్‌లో ప్రచురించిన కథనం ప్రకారం.., ఏ వయస్సులోనైనా ధూమపానం మానేసిన వ్యక్తులు 10 సంవత్సరాలలోపు ధూమపానం చేయని వారి మనుగడ రేటును చేరుకోవడం ప్రారంభిస్తారని ఈ అధ్యయనం వెల్లడించింది, కేవలం మూడు సంవత్సరాలలో సగం ప్రయోజనం గ్రహించగలుగుతారట.
టొరంటో విశ్వవిద్యాలయం డల్లా లానా స్కూల్ ఆఫ్ పబ్లిక్ హెల్త్ నుండి ప్రొఫెసర్ ప్రభాత్ ఝా ఈ పరిశోధనలపై వ్యాఖ్యానిస్తూ, "ధూమపానం మానేయడం అనేది మరణ ప్రమాదాన్ని తగ్గించడంలో ప్రభావవంతంగా ఉంటుంది. ప్రజలు ఆ ప్రతిఫలాన్ని చాలా త్వరగా పొందవచ్చు."
అని చెప్పారు.
US, UK, కెనడా , నార్వే అంతటా 1.5 మిలియన్ల మందిపై చేసిన పరిశోధనలో ఈ విషయం వెల్లడైంది. ధూమపానం చేయని వారితో పోలిస్తే 40 నుండి 79 సంవత్సరాల వయస్సు గల ధూమపానం చేసేవారు చనిపోయే ప్రమాదం దాదాపు మూడు రెట్లు ఉన్నట్లు కనుగొన్నారు, దీని ఫలితంగా సగటున 12 నుండి 13 సంవత్సరాల జీవితాన్ని కోల్పోతారు.
అయినప్పటికీ, గతంలో ధూమపానం చేసి.. తర్వాత మానేసినవారు , వారి మరణ ప్రమాదాన్ని ధూమపానం చేయని వారి కంటే కేవలం 1.3 రెట్లు ఎక్కువగా తగ్గించారు, ఇది ఆయుర్దాయంలో గణనీయమైన మెరుగుదలని సూచిస్తుంది. ఈ ధూమపానం మానేసి మూడు సంవత్సరాలు గడిచిన వారి ఆయుష్షు ఆరు సంవత్సరాలపాటు పెరుగుతుందట.
అంతేకాదు.. ఈ పొగతాగే అలవాటు మానేయడం వల్ల క్యాన్సర్ లాంటి ప్రాణాంతక వ్యాధుల బారినపడకుండా తమను తాము కాపాడుకోవచ్చట. 40ఏళ్లు దాటిన తర్వాత మానేసినా కూడా.. చాలా రకాల ఆరోగ్య సమస్యల నుంచి బయటపడే అవకాశం ఉంటుందని నిపుణులు చెబుతున్నారు. మెరుగైన జీవితం కోసం.. ధూమపానం ని ఇప్పుడే వదిలేయండి..!