ఈ ఫ్యాన్సీ అలవాట్లు ఆరోగ్యానికి అస్సలు మంచివి కావు.. తొందరగా వదిలిపెట్టండి..

సోషల్ మీడియా యుగంలో రోజుకో కొత్త వస్తువు ట్రెండ్ అవుతోంది. ప్రస్తుతం చాలా మంది సోషల్ మీడియాను చూస్తూ ఫ్యాషన్ కు సంబంధించిన పనులనే చేస్తున్నారు. కానీ కొన్ని ఫ్యాషన్ అలవాట్లు మన ఆరోగ్యానికి అస్సలు మంచివి కావని ఆరోగ్య నిపుణులు చెబుతున్నారు.   

సోషల్ మీడియాలో రోజుకో కొత్త వస్తువు ట్రెండ్ అవుతూ ఉంటుంది. ఇది చాలా కామన్. కానీ సోషల్ మీడియాలో యాక్టీవ్ గా ఉండే వారు మాత్రం అలాంటి ట్రెండ్ ను ఫాలో కావడానికి ట్రై చేస్తుంటారు. అసలు మనకు సెట్ అవుతుందా? దానివల్ల ఏమైనా సమస్యలు వస్తాయా? అన్న సంగతిని కూడా ఆలోచించకుండా ఫాలో అవుతుంటారు. కొన్నింటినీ డాక్టర్ సలహా లేకుండా అస్సలు ఫాలో కాకూడదని ఆరోగ్య నిపుణులు చెబుతున్నారు. ఎలాంటి ఫ్యాషన్ అలవాట్లకు దూరంగా ఉండాలో ఇప్పుడు తెలుసుకుందాం..

పొడవైన గోర్లు

చేతుల పరిశుభ్రత చాలా ముఖ్యం. ఇందుకోసం చేతులను శుభ్రం చేయడంతో పాటుగా పెరిగిన గోర్లను కూడా కత్తిరిస్తూ ఉండాలి. ఎందుకంటే గోర్లలో దుమ్ము, ధూళి, సూక్ష్మక్రిములు ఉంటాయి. గోర్లు పొడుగ్గా ఉంటే ఇన్ఫెక్షన్లు వస్తాయి. గోర్లను చిన్నగా కత్తిరించి వాటి కింది భాగాన్ని సబ్బు, నీటితో తరచుగా శుభ్రం చేసుకోవాలి. పొడవైన గోర్లలో ధూళి, బ్యాక్టీరియా ఎక్కువగా ఉంటుంది. దీనివల్ల సంక్రమణ వచ్చే ప్రమాదం పెరుగుతుంది. గోరు సంక్రమణ వల్ల చర్మంలో మంట కలుగుతుంది. అందుకే గోర్లను ఎట్టి పరిస్థితిలో పెంచకండి. 

థోంగ్ పాంటీస్ 

థోంగ్ ప్యాంటీలు పత్తితో తయారు చేయరు. కానీ సింథటిక్, లేస్ వంటి ప్రత్యామ్నాయ పదార్థాలతో వీటిని తయారుచేస్తారు. కానీ ఈ పదార్థాలు చర్మానికి శ్వాస తీసుకోవడాన్ని కష్టతరం చేస్తాయి. ఇలాంటి దుస్తులు అదనపు తేమకు కారణమవుతాయి. దీంతో అక్కడ బ్యాక్టీరియా పెరుగుతుంది. అలాగే యోని పీహెచ్ సమతుల్యతను దెబ్బతీస్తుంది.  ఇలాంటి దుస్తులు దురద, చికాకును కలిగిస్తాయి. ఈ రకమైన లో దుస్తులు యోని వాపు, దురదను కలిగిస్తాయి. 

కలర్ ఫుల్ ఐ లెన్స్ 

రంగురంగుల కాంటాక్ట్ లెన్సులు మీ రూపాన్ని మార్చుతాయి. వీటిని అలంకరణ లెన్సులు అని కూడా పిలుస్తారు. ఎందుకంటే ఇవి మీ కళ్లకు వేరే రంగును ఇస్తాయి. కానీ రంగు మార్చే కాంటాక్ట్ లెన్సులు ఆరోగ్యానికి అస్సలు మంచివి కావు. ఎందుకంటే వీటిని మీరు సరిగ్గా ఉపయోగించకపోతే మీ కళ్లు దెబ్బతింటాయి. రంగురంగుల కాంటాక్ట్ లెన్సులు సాధారణ లెన్సుల కంటే మందంగా, గట్టిగా ఉంటాయి. ఇవి సంక్రమణ అవకాశాలను పెంచుతాయి. బ్యాక్టీరియా లేదా ఇతర సూక్ష్మజీవులు మీ కాంటాక్ట్ లెన్సుల కింద చిక్కుకుంటే కార్నియల్ అల్సర్ వచ్చే అవకాశం ఉంది. ఇది కెరాటిటిస్ సంక్రమణకు కూడా దారితీస్తుంది.

 హై హీల్స్

హై హీల్స్ కూడా  ఆరోగ్యానికి అస్సలు మంచివి కావు. ఎందుకంటే హై హీల్స్ ఇవి వేగాన్ని తగ్గిస్తాయి. అలాగే మడమల బలాన్ని తగ్గిస్తాయి. ఇవి వేసుకుని నడవడం వల్ల ముందుకు కదిలే శక్తి కారణంగా దాని స్థానం మారుతుంది. ఇది మంటను కలిగిస్తుంది. బిఎంసి పబ్లిక్ హెల్త్ జర్నల్ లో ప్రచురించిన పరిశోధన ప్రకారం.. ఇది కండరాల నొప్పి, చీలమండ పగుళ్ల ప్రమాదాన్ని పెంచుతుంది.