Weight loss: నడవక్కర్లేదు, పరిగెత్తక్కర్లేదు.. కూర్చొని బరువు తగ్గొచ్చు.. ఎలానో తెలుసా?

 బరువు తగ్గాలన్నా, బెల్లీ ఫ్యాట్ కరిగించాలంటే కఠిన వ్యాయామాలు చేయాలి.. వాకింగ్ చేయాలి, రన్నింగ్ చేయాలి అనుకుంటారు. కానీ, కుర్చీలో కూర్చొని కూడా పొట్ట కరిగించొచ్చు. అదెలాగో తెలుసుకుందాం..

బరువు తగ్గాలి. కానీ కష్టపడకుండా తగ్గాలి అనేది అందరి కోరిక. దీనికోసం వాకింగ్ చేయడం లాంటి సులువైన వ్యాయామాలు చేయడం కూడా చాలామందికి కష్టమైన విషయంగా ఉంటుంది. సరే డైట్ మాత్రమే చేసి బరువు తగ్గించుకోవచ్చు అంటే అది కూడా కంటిన్యూగా చేయలేము. చిన్న చిన్న వ్యాయామాలు కూడా చేయలేము. కానీ బరువును కూర్చున్న చోటే తగ్గించుకోవాలి అని అనుకునే వారిలో మీరు ఒకరైతే, ఈ ఆర్టికల్ మీకోసమే. ఇందులో ఉన్న సులువైన పద్ధతులు చేసి చూడండి. కచ్చితంగా బరువు తగ్గుతారు.

కూర్చున్న చోటే బరువు తగ్గడానికి మార్గాలు:

1. పొట్ట కండరాలను బిగించడం:

ఇది సులువుగా ఆఫీసులో లేదా ఇంట్లో చేయగలిగే వ్యాయామం. నేరుగా కుర్చీలో కూర్చొని మీ వెనుక భాగాన్ని నిటారుగా ఉంచండి. పొట్ట కండరాలను లోపలికి లాగి (బిగించి) 5-10 సెకన్ల పాటు ఉంచి వదలండి. దీన్ని 10-15 సార్లు చేయవచ్చు. ఇది కోర్ మజిల్స్ అని పిలువబడే పొత్తికడుపు కండరాలను నియంత్రించడానికి సహాయపడుతుంది. ఇది చేయడం ద్వారా మీ శరీరంలోని కొవ్వు కరిగిపోవడమే కాకుండా, మీ పొట్ట భాగం దృఢంగా మారుతుంది.

2. కూర్చున్నపుడే తిరగడం:

రెండు చేతులను మీ శరీరం ముందు పట్టుకోండి. నెమ్మదిగా మీ పైభాగాన్ని (Upper Body) కుడి , ఎడమ వైపుకు తిప్పండి. దీన్ని 15 సార్లు చేయవచ్చు. ఇలా చేయడం వల్ల  ఎడమ-కుడి పొట్ట భాగాన్ని బలోపేతం చేస్తుంది. నడుము నొప్పి రాకుండా చేస్తుంది.

3. కాళ్ళు ఎత్తడం: 

కుర్చీలో కూర్చొని మీ వెనుక భాగాన్ని నిటారుగా ఉంచండి. మీ కాళ్ళను నెమ్మదిగా పైకి ఎత్తి 5 సెకన్ల పాటు ఉంచండి. తరువాత నెమ్మదిగా క్రిందకు వదలండి. దీన్ని 10-15 సార్లు చేయవచ్చు. ఇది కింది పొట్ట భాగం & తొడలలో ఉండే కొవ్వును కరిగించడానికి సహాయపడుతుంది.

4. సరైన భంగిమలో కూర్చోవడం:

నేరుగా కూర్చోండి, మీ వెనుక భాగాన్ని వంచకండి. మీ వెన్ను కుర్చీకి ఆనుకోకుండా ఉండాలి. పొట్ట కండరాలను కొద్దిగా బిగించి ఉంచండి. ఇది వెన్ను, నడుము నొప్పిని తగ్గిస్తుంది. పొట్ట కండరాలను సహజంగా బలపరుస్తుంది.

5. నీరు ఎక్కువగా తాగడం:

ప్రతిరోజు కనీసం 8-10 కప్పుల నీరు తాగాలి. ఉదయం లేవగానే వేడి నీటిలో నిమ్మరసం కలుపుకుని తాగడం మంచిది. నీరు తాగడం వల్ల శరీరంలోని వ్యర్థాలు బయటకు పోతాయి. నీరు తక్కువగా ఉంటే జీవక్రియలు తగ్గుతాయి. అందువలన కొవ్వు కరిగే వేగం తగ్గుతుంది.

6. పోషకాహారం:

తక్కువ కొవ్వు ఉన్న ఆహారాలు తినండి (కూరగాయలు, పండ్లు, పప్పులు, ధాన్యాలు). తెల్ల బియ్యం, చక్కెర వంటి వాటిని నివారించండి. బాదం, గుడ్డులోని తెల్లసొన, పెరుగు వంటి వాటిని ఆహారంలో చేర్చండి. స్నాక్స్, జంక్ ఫుడ్స్ తినడం మానుకోండి. పొట్ట కొవ్వు తగ్గించడానికి 70% ఆహారం, 30% వ్యాయామం ముఖ్యం.

7. శ్వాస వ్యాయామం:

గట్టిగా గాలి పీల్చుకుని, పొట్టను నెమ్మదిగా నింపుకోండి. తరువాత నెమ్మదిగా గాలిని బయటకు వదలండి. దీన్ని 10-15 సార్లు చేయవచ్చు. ఇది ఒత్తిడిని తగ్గిస్తుంది. ఇంకా కొవ్వును కరిగించడానికి సహాయపడుతుంది.

8. మధ్యమధ్యలో చిన్న నడక:

30 నిమిషాలకు ఒకసారి లేచి చిన్నగా నడవండి. ఫోన్ మాట్లాడేటప్పుడు నడుస్తూ మాట్లాడండి. వీలైనంత వరకు మెట్లు ఎక్కండి.
ఇది శరీర కదలికను పెంచడానికి, చక్కెర స్థాయిని నియంత్రించడానికి, కొవ్వును తగ్గించడానికి సహాయపడుతుంది. ఉదయం అల్పాహారం మానకుండా తినండి. ప్రతిరోజు 7-8 గంటలు బాగా నిద్రపోండి. రాత్రి భోజనం తగ్గించి, ఎక్కువ మోషన్ అయ్యే ఆహారాలు తినండి. ఆరోగ్యానికి తగిన వ్యాయామాలు చేస్తూ ఉండండి.