రిసెప్షన్ కి ఇలాంటి చీరలు కట్టుకుంటే మీరెంత అందంగా ఉంటారో..!

ఆడవాళ్లు ఎన్నో రకాల చీరలు కొంటుంటారు. నచ్చిన కలర్ ఉంటే చాలు పక్కాగా కొనాల్సిందేనంటారు. అయితే కొన్ని ప్రత్యేక సందర్భాలకు కొన్ని రకాల చీరలే బాగా సూట్ అవుతాయి. మరి రిసెప్షన్ కి ఎలాంటి చీరలు సూట్ అవుతాయో ఇప్పుడు తెలుసుకుందాం పదండి. 

ఈ రోజుల్లో ఇండో-వెస్ట్రన్ ఫ్యాషనే బాగా ట్రెండ్ అవుతోంది. ప్రతి ఒక్కరూ ఇలాంటి స్టైల్ నే ఎక్కువగా ఇష్టపడుతున్నారు. వీటినే ట్రై చేస్తున్నారు. అయితే ప్రస్తుత కాలంలో పెళ్లికాని అమ్మాయిలు కూడా చీరలు కట్టుకోవడానికే ఎక్కువగా ఇంట్రెస్ట్ చూపుతున్నారు. అయితే వీటిలో ఎన్నో రకాల డిజైన్లు అందుబాటులో ఉన్నాయి. వీటిలో మీకు నచ్చిన దాన్ని ట్రై చేయొచ్చు. ముఖ్యంగా రిసెప్షన్ పార్టీ లో మీ లుక్ బ్యూటీఫుల్ గా కనిపించడానికి ఎన్నో రకాల డిజైన్లు అందుబాటులో ఉన్నాయి. వీటిని కట్టుకుంటే మీరు చాలా చాలా అందంగా ఉంటారు. మరి లేటెస్ట్ డిజైన్స్ ఏంటో ఇప్పుడు తెలుసుకుందాం పదండి. 

రెడ్ నెట్ ఫ్లోరల్ ఎంబ్రాయిడరీ వర్క్ చీర

మీరు ఎంబ్రాయిడరీ వర్క్ చీరను కూడా రిసెప్షన్ పార్టీకి కట్టుకోవచ్చు. ముఖ్యంగా రెడ్ కలర్ సారీ మీ అందాన్ని మరింత పెంచుతుంది. ఈ చీర కాస్త బరువుగా కనిపిస్తుంది. కానీ కట్టుకున్న తర్వాత స్టైలిష్ గా కనిపిస్తుంది. ఈ రోజుల్లో ఈ చీర బాగా ట్రెండ్ అవుతోంది కూడా. దీనితో మీరు కట్ స్లీవ్స్ బ్లౌజ్ ను వేసుకోవచ్చు. ఈ రకం చీరను మార్కెట్లో రూ.500 నుంచి రూ.1000 వరకు అందుబాటులో ఉన్నాయి. ఈ చీరతో నిగనిగలాడే మేకప్ లుక్, ఓపెన్ హెయిర్ స్టైల్ లో మీరు ఎంతో అందంగా కనిపిస్తారు. 

సీక్వెన్స్ వర్క్ చీర

ప్రస్తుత కాలం చీరల్లో.. సీక్వెన్స్ వర్క్ చీర కూడా చాలా ట్రెండీగా ఉంది. ఇది కూడా చాలా క్లాసీగా, బ్యూటీఫుల్ గా ఉంటుంది. ప్రస్తుత ట్రెండ్ ప్రకారం.. దీనిలో లావెండర్ కలర్ చీరను కట్టుకుంటే మీ లుక్  అదిరిపోతుంది. రిసెప్షన్ పార్టీకి ఇది చాలా మంచి ఎంపిక. ఈ డిజైన్, కలర్ చీరలు మార్కెట్ లో బాగానే  అందుబాటులో ఉంటాయి. వీటిని 1000 నుంచి 2000 రూపాయల వరకు కొనొచ్చు.ఈ రకం చీరతో స్టోన్ వర్క్ జువెలరీ, బోల్డ్ ఐ మేకప్ లుక్ తో రెడీ అయితే అందంగా కనిపిస్తారు. 

ఫ్లేర్ చీర

ఇండియన్, వెస్ట్రన్ లుక్ క్రియేట్ చేయాలనుకుంటే మీరు ఫ్లేర్ చీరను ట్రై చేయొచ్చు. ఇవి చాలా క్లాసీగా కనిపించడంతో పాటుగా పర్ఫెక్ట్ లుక్ గా ఉంటాయి. ఇందులో మీరు చాలా అందంగా కనిపిస్తారు కూడా. ఈ రకం చీరను కట్టుకున్న తర్వాత మీరు పెద్దగా రెడీ అవ్వాల్సిన అవసరం ఉండదు. ఈ రకం చీర రిసెప్షన్ కు చాలా బాగుంటుంది. ఈ చీరపైకి మీరు సింపుల్ నెక్లెస్ చైన్ ను ధరించి ఓపెన్ హెయిర్ చేస్తే చాలు.. చాలా బ్యూటీఫుల్ గా కనిపిస్తారు.