ఆడవాళ్లే ఈ సమస్యను ఎక్కువగా ఫేస్ చేస్తుంటారు. నల్లగా ఉన్న మెడను మితగా స్కిన్ కలర్ లోకి తేవడానికి ఎన్నో ప్రయత్నాలు చేస్తుంటారు. కానీ ఆ రంగు మాత్రం అలాగే ఉంటుంది. కానీ కొన్నిచిట్కాలతో నల్లగా ఉన్న మెడను తెల్లగా చేయొచ్చు. అదెలాగంటే?
ఒక్క ఆడవారే కాదు మగవారు కూడా కేవలం ముఖం అందంగా ఉందా? లేదా? అనే దానిమీదనే ఎక్కువ శ్రద్ధ చూపుతారు. కానీ మెడ సంరక్షణ మాత్రం మర్చిపోతుంటారు. అందుకే చాలా మంది మెడ మాత్రం మిగతా చర్మం కంటే కాస్త నల్లగా ఉంటుంది.
దుమ్ము, ధూళి, ఎండ వంటి కారణాల వల్ల మెడ నల్లగా అవుతుంది. కానీ ఇది అందవికారంగా కనిపిస్తుంది. దీనివల్ల నలుగురిలో చాలా ఇబ్బంది పడాల్సి వస్తుంది. అయితే కొన్ని సింపుల్ చిట్కాలతో నల్లగా ఉన్న మెడను తిరిగి తెల్లగా చేయొచ్చు. అదెలాగంటే?
నల్లటి మెడని శుభ్రం చేసే చిట్కాలు:
పెరుగు, నిమ్మరసం
పెరుగు, నిమ్మరసం నల్లగా ఉన్న మెడను తిరిగి తెల్లగా చేయడంలో చాలా ఎఫెక్టీవ్ గా పనిచేస్తుంది. మెడ నలుపును పోగొట్టడానికి కొంచెం పెరుగును తీసుకుని అందులో కొంచెం నిమ్మరసం వేసి బాగా కలపండి. దీన్ని మెడకు అప్లై చేసి 10 నిమిషాల పాటు అలాగే వదిలేయండి. ఆ తర్వాత నార్మల్ వాటర్ తో కడిగేయండి. ఇలా మీరు వారానికి రెండు సార్లు చేస్తే మీ మెడ నలుపు పోయి తెల్లగా అవుతుంది.
బొప్పాయి, పెరుగు
నల్లగా ఉన్న మెడను తెల్లగా చేయడానికి మీరు బొప్పాయి, పెరుగును కూడా ఉపయోగించొచ్చు. ఇందుకోసం బాగా పండిన బొప్పాయి గుజ్జును తీసుకుని దీంట్లో రెండు చెంచాల పెరుగును వేసి బాగా కలపండి. దీన్ని మెడకు రాసి 5 నిమిషాల పాటు మసాజ్ చేయండి. 5 నిమిషాల తర్వాత నీళ్లతో కడిగేయండి. ఇలా వారానికి మూడు సార్లు చేస్తే మంచి ఫలితం ఉంటుంది.
కలబంద
నల్లగా ఉన్న మెడను తిరిగి తెల్లగా చేయడానికి కలబంద కూడా చాలా ఎఫెక్టీవ్ గా పనిచేస్తుంది. ఇందుకోసం కలబంద గుజ్జును ప్రతిరోజూ మెడకు రాస్తే సరిపోతుంది. ఇలా రెగ్యులర్ గా చేస్తే నలుపు రోజు రోజుకు పూర్తిగా తగ్గిపోతుంది.
బంగాళదుంప రసం
బంగాళాదుంప రసాన్ని కూడా మీరు మెడ నలుపును పోగొట్టడానికి వాడొచ్చు. మీరు గనుక ఆలుగడ్డ రసాన్ని మెడకు రాస్తే నలుపు త్వరగా తొలగిపోతుంది. ఇందుకోసం బంగాళదుంప రసాన్ని తీసి మెడుకు అప్లై చేయండి. 15 నిమిషాల తర్వాత నీళ్లతో కడిగేయండి. కావాలంటే బంగాళదుంప రసంలో నిమ్మరసాన్ని కలిపి మెడకు పెట్టొచ్చు. ఇది కూడా నలుపును తొందరగా పోగొట్టడానికి సహాయపడుతుంది.
శెనగపిండి, పసుపు
మెడపై ఉన్న నలుపును పోగొట్టడంలో శెనగపిండి, పసుపు చాలా ఎఫెక్టీవ్ గా పనిచేస్తాయి. ఇందుకోసం శెనగపిండిలో పసుపు, పెరుగును వేసి బాగా కలపండి. దీన్ని మెడకు రాసి 15 నిమిషాల పాటు అలాగే వదిలేయండి.తర్వాత నార్మల్ వాటర్ తో కడిగేయండి. ఇలా మీరు వారానికి మూడు సార్లు చేస్తే మెడ నలుపు పూర్తిగా తగ్గిపోతుంది.
తేనె, నిమ్మరసం
మెడ నలుపును పోగొట్టడంలో తేనె, నిమ్మరసం కూడా చాలా ఎఫెక్టీవ్ గా పనిచేస్తుంది. ఇందుకోసం నిమ్మరసంలో కొంచెం తేనె కలిపి మెడకు అప్లై చేయండి. ఒక 15 నిమిషాల తర్వాత వాటర్ తో కడిగేయండి. ఇలా మీరు వారానికి రెండు సార్లు చేస్తే మెడ నలుపు తగ్గిపోతుంది.
పసుపు, పాలు
పాలు, పసుపుతో కూడా నల్లగా ఉన్న మెడను తెల్లగా చేయొచ్చు. ఇందుకోసం ఒక చెంచా పాలలో చిటికెడు పసుపును వేసి పేస్ట్ లా చేయండి. దీన్ని మెడకు అప్లై చేయండి. ఒక 15 నిమిషాల తర్వాత కొద్దిగా తడిపి రుద్దుతూ కడిగేయండి. ఇలా ఏడు రోజులు చేస్తే మెడ నలుపు పూర్తిగా తొలగిపోతుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి