ఈరోజుల్లో జుట్టు రాలడం చాలా పెద్ద సమస్యగా మారిపోయింది. వయసు పెరిగాక అవి ఊడటం కామన్. కానీ, చిన్న వయసులోనే జుట్టు రాలడానికి మాత్రం చాలా కారణాలు ఉన్నాయి. అవేంటో తెలుసుకుందాం..
జుట్టు రాలడం సహజం. కానీ.. కొందరికి విపరీతంగా రాలిపోతూ ఉంటుంది. ఒక వయసు దాటిన తర్వాత జుట్టు రాలడం అనేది చాలా కామన్ గా జరుగుతుంది. కానీ, ఈ మధ్యకాలంలో చిన్న పిల్లలు, యువత కూడా జుట్టు రాలే సమస్యతో బాధపడుతున్నారు. 30 దాటక ముందే బట్టతల కూడా వచ్చేస్తోంది. అసలు చిన్నతనంలోనే జుట్టు ఎందుకు రాలుతోంది? దీని వెనక కారణాలు ఏంటి అనే విషయం ఇప్పుడు తెలుసుకుందాం...
24
మానసిక ఒత్తిడి
చిన్న వయసులో జుట్టు రాలడానికి ప్రధాన కారణం మానసిక ఒత్తిడి. ఎక్కువ ఒత్తిడి వల్ల శరీరంలో కార్టిసాల్ స్థాయిలు పెరుగుతాయి, ఇది జుట్టుకి హాని కలిగిస్తుంది. యువత తినే జంక్ ఫుడ్ కూడా జుట్టు రాలడానికి కారణం. నేడు చాలావరకు ఆరోగ్యానికి హాని చేసే స్నాక్స్ తింటున్నారు. ఇది ప్రోటీన్ తగ్గిస్తుంది. కార్బోహైడ్రేట్ పెంచుతుంది, దీనివల్ల శరీరంలో వాపు, వేడి పెరుగుతాయి. ఇది కూడా జుట్టు రాలడాన్ని పెంచుతుంది.
34
జంక్ ఫుడ్
స్కాల్ప్ సోరియాసిస్ లేదా హెవీ డాండ్రఫ్ వంటి స్కాల్ప్ వ్యాధులు కూడా చిన్న వయసులోనే చుండ్రు రావడానికి కారణం. ఇది జుట్టు త్వరగా రాలిపోవడానికి దారితీస్తుంది. ఎక్కువగా పొగ తాగేవారికి జుట్టు రాలే అవకాశం ఎక్కువ అని అధ్యయనాలు చెబుతున్నాయి. జుట్టు పలచగా ఉండేవారికి మరింత ప్రమాదం ఎక్కువగా ఉంటుంది.
44
చిన్న వయసులో జుట్టు రాలడం
మీరు ఎప్పుడు పడుకుంటారు, ఎంతసేపు నిద్రపోతారు, సరిగ్గా వ్యాయామం చేస్తారా లేదా సాధారణంగా ఎంత ఒత్తిడిలో ఉంటారు వంటి అంశాలు చిన్న వయసులోనే జుట్టు రాలడానికి దోహదం చేస్తాయి. అలోపీసియా అరేటా పోషకాహార లోపం లేదా మందుల వాడకం వంటి వైద్య సమస్య వల్ల కూడా జుట్టు రాలవచ్చు. జుట్టు రాలడానికి గల కారణాలను బట్టి వైద్యులు చికిత్స అందిస్తారు.
