ఇలా చేస్తే.. నల్లగా ఉన్న మెడ తెల్లగా అవుతుంది

కొంతమంది శరీరమంతా ఒక రంగులో ఉండే.. మెడ మాత్రమే ముదురు రంగులో నల్లగా కనిపిస్తుంటుంది. ఇది శరీర భాగాలకంటే భిన్నమైన రంగులో ఉంటుంది. దీనికి ఎన్నో కారణాలు ఉన్నాయి. కానీ కొన్ని చిట్కాలను ఫాలో అయితే మాత్రం మీ మెడ తెల్లగా అవుతుంది. 

dark neck

అందంగా కనిపించడానికి, ఉన్న అందాన్ని కాపాడుకోవడానికి ఎన్నో రకాల ప్రొడక్ట్స్ ను వాడుతుంటారు. కానీ కొంతమంది మెడ భాగం మాత్రం శరీరంలోని ఇతర భాగాల మాదిరిగా కాకుండా ఎక్కువ ముదురు రంగులో కనిపిస్తుంటుంది. ఇదే అందాన్ని పాడు చేస్తుంది. అయితే కొన్ని చిట్కాలను ఫాలో అయితే మాత్రం మీ మెడ నలుపు పూర్తిగా తొలగిపోతుంది. ఇందుకోసం ఏం చేయాలో ఇప్పుడు తెలుసుకుందాం పదండి. 

dark neck

తేనె, నిమ్మకాయ

తేనె, నిమ్మకాయలో ఎన్నో ఔషదగుణాలుంటాయి. ఇవి ఆరోగ్యాన్ని కాపాడటానికే కాకుండా.. స్కిన్ కేర్ గా కూడా ఉపయోగపడుతుంది. మెడ నలుపును పోగొట్టడానికి 1 లేదా 2 టీ స్పూన్ల తేనెను తీసుకుని అందులో సగం నిమ్మకాయ రసాన్ని వేసి కలపండి. ఈ మిశ్రమాన్ని మెడపై అప్లై చేసి 15 నిమిషాల పాటు అలాగే ఉంచండి. ఆ తర్వాత నార్మల్ వాటర్ తో క్లీన్ చేస్తే సరిపోతుంది. ఇలా తరచుగా చేస్తే మెడ నలుపు పూర్తిగా పోతుంది. 

పసుపు, మజ్జిగ

పసుపు, మజ్జిగతో కూడా మీరు ఎన్నో చర్మ ప్రయోజనాలను పొందొచ్చు. ముఖ్యంగా మెడ నలుపును సులువుగా పోగొట్టొచ్చు. ఇందుకోసం ఒక గిన్నె తీసుకుని అందులో 2 టీ స్పూన్ల మజ్జిగను వేయండి. దీనిలోనే  అర టీస్పూన్ పసుపు వేసి కలపండి. దీన్ని మెడకు బాగా పట్టించండి. 15 నిమిషాల తర్వాత క్లీన్ చేసుకుంటే సరిపోతుంది. ఇది కూడా కొన్ని రోజుల్లోనే మీ మెడను అందంగా మారుస్తుంది. 

dark neck

పాలు, శెనగపిండి

మెడ నలుపును పోగొట్టడానికి ఒక టీ స్పూన్ శెనగపిండిని తీసుకుని అందులో రెండు టేబుల్ స్పూన్ల పాలను వేసి చిక్కటి పేస్ట్ లా చేయండి. దీన్ని మెడకు పట్టించి 10 నిమిషాల పాటు అలాగే ఉంచండి. తర్వాత క్లీన్ చేయండి. ఈ మిశ్రమం మీ చర్మంలోని నలుపుదనాన్ని తగ్గిస్తుంది.

టమాటా జ్యూస్

టమాటా జ్యూస్ కూడా మీకు బాగా సహాయపడుతుంది. ఇందుకోసం ఒక గిన్నె తీసుకుని అందులో టమాటా రసాన్ని వేయండి. ఈ రసంలో కాటన్ బాల్ ను ను ముంచండి. దీన్ని మెడకు అప్లై చేయండి. 20 నిమిషాల తర్వాత నార్మల్ వాటర్ తో క్లీన్ చేసుకుంటే సరిపోతుంది. దీన్ని తరచుగా చేస్తే మంచి ఫలితం ఉంటుంది. 

శెనగపిండి, నిమ్మకాయ

నిమ్మకాయ, శెనగపిండితో కూడా మీరు మెడ నలుపును పూర్తిగా పోగొట్టొచ్చు. ఇందుకోసం శెనగపిండిని, నిమ్మకాయరసాన్నిసమానంగా తీసుకోండి. కావాలనుకుంటే మీరు దీనిలో రోజ్ వాటర్ ను కూడా కలపుపుకోవచ్చు. దీన్ని మెత్తటి పేస్ట్ లా చేసి మెడకు పట్టించండి. 20 నిమిషాల తర్వాత నీళ్లతో శుభ్రం చేసుకోండి. 

కలబంద జెల్, పసుపు

కలబందలో, పసుపులో ఎన్నో ఔషదగుణాలుంటాయి. ఒక టీ స్పూన్ అలోవెరా జెల్ ను తీసుకుని అందులో కొద్దిగా పసుపును వేసి కలపండి. ఈ మిశ్రమాన్ని మెడపై అప్లై చేసి 20 నిమిషాల వరకు అలాగే ఉంచండి. తర్వాత నీళ్లతో క్లీన్ చేయండి. 

dark neck

బంగాళాదుంప రసం

మెడ నలుపును పోగొట్టడంలో బంగాళాదుంప రసం ఎఫెక్టీవ్ గా పనిచేస్తుంది. ఇందుకోసం బంగాళాదుంపను తురిమి దాని నుంచి రసాన్ని తీయండి. దీంట్లో కాటన్ బాల్స్ ను ముంచి మెడకు అప్లై చేయండి. 20 నిమిషాల తర్వాత క్లీన్ చేస్తే తేడాను మీరే గమనిస్తారు.