ఇంట్లో వాటర్ ట్యాప్స్, పైపులపై ఉన్న మరకలను ఈ ఒక్కదాంతో ఈజీగా పోగొట్టి.. కొత్తవాటిలా చేయొచ్చు

ఇంటిని, బాత్ రూంని ప్రతిరోజూ క్లీన్ చేస్తుంటారు. కానీ వాటర్ పైపులను, షవర్ ను మాత్రం క్లీన్ చేయకుండా వదిలేస్తారు. దీనివల్లే వాటిపై సబ్బు మరకలు ఏర్పడతాయి. మరి వీటిని సులువుగా ఎలా పోగొట్టాలో తెలుసా?

ప్రతిరోజూ ఇంటిని శుభ్రం చేసే అలవాటు ప్రతి ఒక్కరికీ ఉంటుంది. కానీ ఇంటి ఫ్లోర్ ను మాత్రమే క్లీన్ చేస్తే సరిపోదు. ఇంట్లో ఉన్న కుళాయి, షవర్, వాటర్ పైపులను కూడా అప్పుడప్పుడు క్లీన్ చేస్తుండాలి. ఎందుకంటే వీటిపై సబ్బు మరకలు, వాటర్ మరకలు పడుతుంటాయి. మనం గమనించం కానీ.. దీనివల్ల ఇవి చాలా మురికిగా కనిపిస్తాయి. చాలా రోజుల వరకు క్లీన్ చేయకుండా వదిలేస్తే అవి మొండిగా అవుతాయి. అందుకే చాలా సులువుగా వీటిని ఎలా పోగొట్టాలో ఇప్పుడు తెలుసుకుందాం పదండి. 

లిక్విడ్ సబ్బు 

లిక్విడ్ సబ్బుతో ఇంట్లో ఉన్న వాటర్ పైపులను, కుళాయిలను, షవర్ ను చాలా సులువుగా క్లీన్ చేయొచ్చు. కొత్తవాటిలా మెరిసేలా చేయొచ్చు. ఇందుకోసం మీరు చేయాల్సిందల్లా ఒక చిన్న గిన్నె తీసుకుని అందులో నీళ్లు పోసి అందులో డిష్ వాషింగ్ లిక్విడ్ సబ్బు, నిమ్మకాయ రసాన్ని వేసి కలపండి. దీనితో పైపులను, వాటర్ ట్యాప్ లను క్లీన్ చేయండి. ఇది మరకలు లేకుండా చేస్తుంది. ఇందుకోసం ట్యాప్ లపై దీన్ని బాగా రుద్ది కొద్దిసేపటి తర్వాత బ్రష్ తో తో శుభ్రం చేయండి. దీంతో పైపులు కొత్తగా మెరుస్తాయి.

టూత్ పేస్ట్

మనం రోజూ వాడే టూత్ పేస్ట్ తో ఎన్నో పనులను చేసుకోవచ్చు. ముఖ్యంగా ఇది పైపులపై ఉన్న మరకలను కూడా సులువుగా పోగొడుతుంది. ఇందుకోసం కుళాయిలపై ఉన్న మరకలపై టూత్ పేస్ట్ ను రుద్దండి. కొద్దిసేపు అలాగే ఉంచి తర్వాత శుభ్రం చేయండి. ఇది పైపులపై ఉన్న మరకలను పోగొట్టడమే కాకుండా పైపులు కొత్తవాటిలా కనిపించేలా చేస్తుంది.

వాషింగ్ పౌడర్

వాషింగ్ పౌడర్ తో కూడా వాటర్ ట్యాప్ లను కొత్తివాటిలా కనిపించేలా చేయొచ్చు. ఇందుకోసం ఒక గిన్నె లో వాషింగ్ పౌడర్ ను వేసి అందులో నిమ్మరసం పిండి పేస్ట్ చేయండి. దీన్ని వాటర్ పైపులకు అప్లై చేసి 5 నిమిషాలు నాననివ్వండి. ా తర్వాత స్క్రబ్ తో స్క్రబ్ చేసి శుభ్రం చేస్తే ఒక్క మరక కూడా ఉండదు. 

బేకింగ్ సోడా

బేకింగ్ సోడాతో కూడా పాత పైపులను కూడా కొత్తవాటిలా మెరిసేలా చేయొచ్చు. ఇందుకోసం రెండు చెంచాల బేకింగ్ సోడాలో 2 చెంచాల నిమ్మరసం, డిటర్జెంట్ పౌడర్, అరకప్పు వెనిగర్ ను వేసి బాగా కలపండి. దీనిలో ఒక కప్పు నీళ్లు పోయండి. దీన్ని పాలిథిన్ కవర్ లో పోయండి. దీన్ని పైపులపై స్క్రబ్ చేసి రాత్రంతా అలాగే ఉంచండి. మరుసటి రోజు ఉదయం వాడని టూత్ బ్రష్ తో ఒకసారి స్క్రబ్ చేసి శుభ్రం చేయండి. అంతే మరకలు పోయి పైపులు కొత్తవాటిలా కనిపిస్తాయి. 

షవర్ ను శుభ్రం చేయడానికి ముందుగా షవర్ నుంచి నీళ్లు సరిగ్గా వస్తున్నాయో? లేవో? చెక్ చేయండి. షవర్ లోని అన్ని రంధ్రాల నుంచి నీళ్లు బయటకు వస్తున్నాయో లేవో చూసుకోవాలి. ఎక్కడైనా నీళ్లు రాకపోతే వాటిని శుభ్రం చేయండి. ఆ తర్వాత షవర్ ను క్లీన్ చేయడానికి ఈ పద్దతులను పాటించండి.