వెంట్రుకలు పొడుగ్గా ఉండాలని ప్రతి ఒక్క అమ్మాయికీ ఉంటుంది. కానీ చాలా మందికి చిన్న జుట్టే ఉంటుంది. ఇలాంటి వారు కొబ్బరి నూనెలో ఒకటి కలిపి పెడితే చాలా ఫాస్ట్ గా వెంట్రుకలు పెరుగుతాయి.
కర్పూరాన్ని ప్రతి ఇంట్లో పూజకు మాత్రమే ఉపయోగిస్తారు. కానీ దీన్ని జుట్టుకు కూడా ఉపయోగించొచ్చు. అవును కర్పూరం జుట్టుకు సంబంధించిన ఎన్నో సమస్యలను తగ్గించడానికి బాగా సహాయపడుతుంది. కొబ్బరి నూనెలో కర్పూరాన్ని కలిపి వాడితే కూడా ఎంతో ప్రయోజనకరంగా ఉంటుంది. ముఖ్యంగా ఇది జుట్టును పొడవుగా, ఒత్తుగా పెరగడానికి ఎంతో సహాయపడుతుంది. మరి దీన్ని ఎలా ఉపయోగించాలో ఇప్పుడు తెలుసుకుందాం పదండి.
కర్పూరం, కొబ్బరి నూనె ఎలా అప్లై చేయాలి?
ముందుగా ఒకటి లేదా రెండు కర్పూరాలను తీసుకుని వాటిని పొడిగా చేయండి. ఇప్పుడు కొబ్బరి నూనెలో దీన్ని వేసి వేడి చేయండి. ఇది చల్లారిన తర్వాత తలకు పెట్టి మసాజ్ చేస్తే సరిపోతుంది.
ఎలా ఉపయోగించాలి?
జుట్టు పెరగడానికి కొబ్బరి నూనె, కర్పూరం నూనెను జుట్టుకు రాత్రంతా జుట్టుకు పట్టించాలి. కర్పూరం కలిపి కొబ్బరినూనెను జుట్టుకు అప్లై చేయడం వల్ల జుట్టు రాలే సమస్య చాలా వరకు తగ్గుతుంది. ఇది జుట్టును మూలాలను బలంగా చేస్తుంది. ఈ నూనె వల్ల వెంట్రుకలు రాలవు.
జుట్టు ఫాస్ట్ గా పెరుగుతుంది
కర్పూరం కలిపిన కొబ్బరి నూనెను జుట్టుకు పెట్టడం వల్ల మీ జుట్టు రెట్టింపు వేగంతో పెరుగుతుందని నిపుణులు చెబుతున్నారు. అలాగే ఇది మీ జుట్టును ఒత్తుగా, బలంగా మార్చడానికి సహాయపడుతుంది.
జుట్టుకు మెరుపు తెస్తుంది
చాలా మంది జుట్టు పొడుగ్గా ఉన్నా నిర్జీవంగా కనిపిస్తుంటుంది. అయితే ఇలాంటి జుట్టుకు కూడా కర్పూరం కలిపిన నూనె మంచి ప్రయోజకరంగా ఉంటుంది. దుమ్ము, ధూళి వల్ల జుట్టు మెరుపు పోతుంది. కొబ్బరినూనె, కర్పూరం ఇందుకు ఎంతో మేలు చేస్తాయి. ఇది జుట్టును నేచురల్ గా స్మూత్ గా చేసి షైనింగ్ ఇస్తుంది.
చుండ్రును తొలగిస్తుంది.
కర్పూరం కలిపిన నూనెలో యాంటీ బ్యాక్టీరియల్, యాంటీ ఫంగల్ గుణాలు పుష్కలంగా ఉంటాయి. కొబ్బరినూనె, కర్పూరం నెత్తిమీద ఉన్న చుండ్రును తగ్గించడానికి సహాయపడుతుంది. అంతేకాదు ఇది నెత్తిమీద ఉన్న దురద సమస్యను కూడా తగ్గిస్తుంది.
తెల్ల జుట్టు నుంచి రక్షణ
కొబ్బరినూనె, కర్పూరాన్ని కలిపి జుట్టుకు పెట్టడం వల్ల కూడా తెల్లజుట్టు సమస్య తగ్గిపోతుందని నిపుణులు చెబుతున్నారు. ఇది జుట్టును నేచురల్ గా నల్లగా ఉంచడానికి సహాయపడుతుంది. తెల్ల వెంట్రుకల సమస్యను కూడా తగ్గిస్తుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి