40 ఏండ్లున్న ఆడవాళ్లు చలికాలంలో ఆరోగ్యంగా ఉండాలంటే ఈ ఆహారాలను ఖచ్చితంగా తినాలి
First Published | Jan 28, 2023, 12:05 PM ISTమహిళల హార్మోన్ వ్యవస్థ జీవితంలోని ప్రతి దశలో ఎన్నో మార్పులకు లోనవుతుంది. ఫలితంగా భావోద్వేగ, శారీరక, మానసిక సమస్యలు వస్తాయి.
☰
శరీరాన్ని ఆరోగ్యంగా, ఫిట్ గా ఉంచడానికి అవసరమైన విటమిన్లు, ఇతర పోషకాలు చాలా అవసరం. నిజమేంటంటే.. మనం ఎంత ప్రయత్నించినా.. మనం తీసుకునే ఆహారం నుంచి మనకు అవసరమైన అన్ని రకాల పోషకాలను పొందలేము. అయితే డైట్ ను ఫాలో అయ్యే వారు ఆహారాలను పరిమితిలోనే తీసుకుంటారు. లేదా మొత్తమే తీసుకోరు. కానీ ఇది పోషక లోపాలకు దారితీస్తుంది. మహిళల శరీరాలు సక్రమంగా పనిచేయాలంటే ఐరన్, కాల్షియం, విటమిన్ డి వంటి కొన్ని పోషకాలు ఖచ్చితంగా తీసుకోవాలి. ఆరోగ్య నిపుణుల అభిప్రాయం ప్రకారం.. ఆరోగ్యకరమైన జీవనశైలి కోసం 40 ఏండ్లు లేదా అంతకంటే ఎక్కువ వయసున్న ఆడవారు కొన్ని ఆహారాలను ఖచ్చితంగా తీసుకోవాలని ఆరోగ్య నిపుణులు చెబుతున్నారు. అవేంటో ఇప్పుడు తెలుసుకుందాం
ఇనుము
ఇనుము మన కణజాలాల పెరుగుదల, ఆక్సిజన్ ను రవాణా చేయడానికి అవసరమైన ముఖ్యమైన పోషకం. 40 ఏండ్లున్న మహిళల శరీరం ఎన్నో మార్పులకు లోనవుతుంది. ఇనుము లోపం రక్తహీనత ప్రమాదంతో ముడిపడి ఉంటుంది. అందుకే ఈ వయసున్న మహిళలు గింజలు, చిక్కుళ్ళు, బీన్స్, ఆకు కూరలు, బలవర్థకమైన ధాన్యాలను తీసుకోవాలి. వీటిలో ఇనుము పుష్కలంగా ఉంటుంది. ఐరన్ విటమిన్ సి తో బాగా గ్రహించబడుతుంది.
Latest Videos
protein rich foods
ప్రోటీన్
ప్రోటీన్ కండరాలను బలంగా ఉంచడానికి సహాయపడుతుంది. ఇది మన వయస్సులో అవసరమైన సమతుల్యత, చలనశీలతను నిర్వహించడానికి ముఖ్యమైనది. మహిళలు వ్యాయామాన్ని చాలా తక్కువగా చేస్తారు. అయితే కొంతమంది మరీ ఎక్కువగా చేస్తుంటారు. ఇది సార్కోపెనియా అని పిలువబడే సహజ వృద్ధాప్య ప్రక్రియను ప్రేరేపిస్తుంది. కండర ద్రవ్యరాశిని కోల్పోయేలా చేస్తుంది. అందుకే బీన్స్ & కాయధాన్యాలు, పాలు కాటేజ్ జున్ను, సాదా పెరుగు వంటి పాల ఉత్పత్తులను తీసుకోండి. వీటిలో ప్రోటీన్ కంటెంట్ ఎక్కువ మొత్తంలో ఉంటుంది.
calcium
కాల్షియం
కాల్షియం మీ ఎముకలను జీవితంలోని ప్రతి దశలో.. ముఖ్యంగా 40 సంవత్సరాల తర్వాత బలోపేతం చేయడానికి సహాయపడుతుంది. మన గుండె, కండరాలు, నరాలు సరిగ్గా పనిచేయడానికి కూడా ఇది అవసరం. మీ శరీరంలో కాల్షియాన్ని పెంచడానికి పాడి, ఆకుకూరలు, రాగులతో సహా ఇతర పోషకాలకు తీసుకోండి.
విటమిన్ డి
విటమిన్ డి మన శరీరానికి అత్యవసరమైన పోషకం. ముఖ్యంగా 40 సంవత్సరాల తర్వాత దీని అవసరం ఎక్కువగా ఉంటుంది. ఎందుకంటే ఇది వయస్సు-సంబంధిత సమస్యల నుంచి రక్షించడానికి సహాయపడుతుంది. విటమిన్ డి లోపం ఎన్నో అనారోగ్య సమస్యలకు కారణమవుతుంది. మన శరీరంలో కాల్షియం శోషణకు విటమిన్ డి చాలా అవసరం. పుట్టగొడుగులు, గుడ్డు పచ్చసొన, చేపలు, బలవర్థకమైన ధాన్యాలు, తృణధాన్యాలు వంటి ఆహార వనరులతో పాటు సూర్యుడి నుంచి కూడా విటమిన్ డిని పొందొచ్చు.
విటమిన్ బి
వృద్ధాప్యం మన అవయవాల పనితీరును మార్చుతుంది. బి విటమిన్లు పొందడం వల్ల మీ శరీరం సెల్యులార్, అవయవ వ్యవస్థ ప్రక్రియలను సజావుగా సాగుతాయి. విటమిన్ బి అధికంగా ఉండే ఆహారాలలో చిక్కుళ్ళు, ఆకుకూరలు, ఇతర ఆహారాలు ఉన్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండిclick me!