జుట్టు పెరగడానికి ఆడవాళ్లు షాంపూలను, నూనెను మారుస్తూనే ఉంటారు. అలాగే కెమికల్స్ ఉండే ప్రొడక్ట్స్ ను కూడా వాడుతుంటారు. కానీ జుట్టును పెంచడంలో ఒక రసం చాలా ఎఫెక్టీవ్ గా పనిచేస్తుంది. దీనిలో ఎలాంటి కెమికల్స్ కూడా ఉండవు.
ఆడవాళ్లకు జుట్టంటే చాలా ఇష్టం. అందులో పొడవైన జుట్టు. కానీ చాలా మందికి జుట్టు పొట్టిగానే ఉంటుంది. ఇలాంటి వారే జుట్టు పెరగాలని షాంపూలను, నూనెలను నెల నెలా మారుస్తుంటారు. అలాగే కెమికల్స్ ఉండే హెయిర్ ప్రొడక్ట్స్ ను కూడా వాడుతుంటారు. కానీ ఈ కెమికల్స్ మీ జుట్టును పెంచకపోగా, డ్యామేజ్ చేస్తాయి. అందుకే కెమికల్స్ ప్రొడక్ట్స్ ను అస్సలు వాడకూడదు.
ఈ రోజుల్లో చాలా మంది ఆడవారు రకరకాల జుట్టు సమస్యలతో బాధపడుతున్నారు. ఫ్యామిలీ, ఆఫీసు ఒత్తిడి, కెమికల్స్ షాంపూల వాడకం, దుమ్ము, ధూళి, కాలుష్యం వంటి వివిధ కారణాల వల్ల జుట్టుకు సంబంధించిన ఎన్నో సమస్యలు వస్తాయి. వీటివల్ల జుట్టు విపరీతంగా రాలడమే కాకుండా.. నెత్తిమీద చుండ్రు కూడా వస్తుంది. ఈ చుండ్రు జుట్టు బాగా రాలేలా చేస్తుంది. ఈ సమస్యలు రాకుండా ఉంటాయని మార్కెట్ లో రకరకాల హెయిర్ కేర్ ప్రొడక్ట్స్ అమ్ముడవుతున్నాయి.
ఇవి జుట్టు ఫాస్ట్ గా పెరిగేలా చేసినా వీటిలో ఉండే కెమికల్స్ జుట్టును బలహీనంగా చేస్తాయి. అందుకే ఇలాంటి వాటికి దూరంగా ఉండాలి. జుట్టు ఆరోగ్యంగా ఉండాలంటే కెమికల్స్ అస్సలు వాడకూడదంటారు నిపుణులు. అయితే జుట్టు సహజంగా పెరగడంలో అల్లం రసం బాగా పనిచేస్తుంది. అందుకే దీన్ని ఎలా ఉపయోగించాలి? దీన్ని ఉపయోగించడం వల్ల కలిగే ప్రయోజనాలేంటో ఇప్పుడు తెలుసుకుందాం పదండి.
బలమైన జుట్టు
జుట్టుకు సంబంధించిన సమస్యలను తగ్గించుకోవడానికి మీరు ఖరీదైన షాంపూలకు బదులుగా అల్లాన్ని ఎంచక్కా వాడొచ్చు. ఇందుకోసం ముందుగా.. ఒక టీస్పూన్ తురిమిన అల్లాన్ని తీసుకోండి. లేదా అల్లాన్ని మిక్సీలో గ్రైండ్ చేసి దాని రసాన్ని తీసుకోండి. ఈ రసాన్ని కొంచెం కొబ్బరి నూనెలో పోసి బాగా కలపండి. దీన్ని డైరెక్ట్ గా నెత్తినుంచి జుట్టు చివర్ల వరకు బాగా పట్టించి కొద్దిసేపు మసాజ్ చేయండి. ఒక గంట తర్వాత గోరువెచ్చని నీళ్లతో తలస్నానం చేయండి. ఈ అల్లం, కొబ్బరి నూనెలో ఉండే పోషకాలు తకలు రక్త ప్రసరణను పెంచి జుట్టు పొడుగ్గా పెరగడానికి సహాయపడతాయి.
అల్లం జుట్టును ఎలా రక్షిస్తుంది?
అల్లంలో యాంటీ ఫంగల్ లక్షణాలు పుష్కలంగా ఉంటాయి. ఇవి మన జుట్టులో మురికి పేరుకుపోవడం వల్ల ఏర్పడే చుండ్రును తొలగించడానికి బాగా ఉపయోగపడుతుంది. మీకు తెలుసా? నెత్తిమీద చుండ్రు ఉన్నా జుట్టు పెరగడం ఆగిపోతుంది. అదే మీరు ఈ మిశ్రమాన్ని వాడితే చుండ్రు తగ్గిపోతుంది. దీనితో పాటుగా మీరు అల్లాన్నిరెగ్యులర్ గా ఉపయోగించినా కూడా మీ జుట్టు ఫాస్ట్, ఒత్తుగా, మందంగా పెరుగుతుంది. వారానికి కనీసం రెండు సార్లు అల్లం జ్యూస్ ను మీ జుట్టు హెల్తీగా పెరుగుతుంది.
అయితే మీ జుట్టుకు అల్లం రసాన్ని రాసేంత టైం లేకపోతే గనుక మీరు ప్రతిరోజూ అల్లం రసాన్ని తాగొచ్చు. ఇది జీర్ణ సమస్యల నుంచి బరువు తగ్గడం వరకు ఎన్నో సమస్యలను తగ్గించడంలో చాలా ఎఫెక్టీవ్ గా పనిచేస్తుంది. ముఖ్యంగా ఇది మీ తలకు రక్త ప్రసరణను పెంచుతుంది. మీ జుట్టు పొడుగ్గా పెరిగేలా చేస్తుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
