Christmas 2023: చాలా మంది క్రిస్మస్ పార్టీలకు ఎక్కువగా రెడ్ డ్రెస్సులనే వేసుకెళుతుంటారు. అయితే కొన్ని రకాల డిజైన్ రెడ్ డ్రెస్ లల్లో మీరు చాలా అందంగా, స్టైలిష్ గా కనిపిస్తారు. అంతేకాదు చాలా కంఫర్టబుల్ గా కూడా ఉంటుంది. అందుకే రేపే క్రిస్మస్ కాబట్టి.. ఈ పార్టీకి ఎలాంటి డ్రెస్సులు వేసుకుంటే అందంగా కనిపిస్తారో ఓ లుక్కేద్దాం పదండి.
ఆఫీసు లేదా ఇంటి పార్టీ లేదా స్నేహితులతో కలిసి సాయంత్రం వేళ క్రిస్మస్ పార్టీలను చేసుకుంటారు. ఈ రోజు చాలా మటుకు రెడ్ డ్రెస్సులకే ప్రిఫరెన్స్ ఇస్తారు. మరి ఎలాంటి డ్రెస్సు వేసుకుంటే అందంగా కనిపిస్తాం మని ఆలోచిస్తున్నారా? దీని కోసం చాలా ఆప్షన్లు ఉన్నప్పటికీ.. ఈ పండుగకు సరిపోయేలా ఉండటానికి ఏమి ధరించాలో గుర్తుండదు. అందుకోసమే ఈ క్రిస్మస్ పార్టీకి ఎలాంటి రెడ్ డ్రెస్సులో మీరు బ్యూటిఫుల్ గా కనిపిస్తారో మనం ఇప్పుడు తెలుసుకుందాం పదండి.
రెడ్ స్ట్రాప్లెస్ డ్రెస్
కియారా అద్వానీ లాగే మీరు కూడా ఈ సందర్భంగా రెడ్ డ్రెస్ ను వేసుకోవచ్చు. ఇందుకోసం మీకు నచ్చిన దుస్తులను ఎంచుకోండి. కియారా లాగా స్ట్రాప్లెస్, ర్యాప్ లేదా మ్యాక్సీ డ్రెస్ లు మీకు నచ్చొచ్చు. ఎందుకంటే ఇది ముందే చలికాలం. అందులోనూ క్రిస్మస్ పార్టీలు సాయంత్రం వేళ అవుతుంటాయి. అప్పుడు వెదర్ చల్లగా ఉంటుంది. అందుకే కంఫర్ట్ విషయంలో కూడా జాగ్రత్తలు తీసుకోండి. లేదంటే పార్టీని ఆస్వాదించడానికి బదులు చలికి వణికిపోతారు.
రెడ్ డీప్ నెక్ డ్రెస్
మీరు ఇలాంటి డీప్ నెక్ డ్రెస్ ను కూడా వేసుకోవచ్చు. దానితో ఓవర్ కోట్ లేదా షార్ట్ జాకెట్ ను లేయర్ వేసుకోవచ్చు. దీనిలో మీ లుక్ చాలా బ్యూటిఫుల్ గా కనిపిస్తుంది. ఎరుపు ఎక్కువగా హైలైట్ అవుతుంది కాబట్టి మీరు దీనికి మేకప్ ను ఎక్కువగా వేసుకోవాల్సిన అవసరం లేదు.
బ్రౌలెట్ తో డ్రాప్ స్కర్ట్
ఈ క్రిస్మస్ పార్టీకి మీరు ఇండో వెస్ట్రన్ ను కూడా ట్రై చేద్దామనుకుంటే.. శిల్పా శెట్టి లా ఈ లుక్ ను ఫాలో అవ్వొచ్చు. ఎరుపు రంగు స్కర్టును బ్రావ్లెట్ లేదా క్రాప్ రెడ్ టాప్ లో జత చేయండి. దీనితో మీరు అదే రంగు జాకెట్ తీసుకోవచ్చు లేదా కాంట్రాస్ట్ కలర్ తో కూడా అందంగా కనిపిస్తుంది.
రెడ్ ప్యాంట్స్ సూట్
ప్రొఫెషనల్ సందర్భాల్లో మాత్రమే ప్యాంట్ సూట్లు ధరించాలని చాలా మంది అనుకుంటారు. ఇలా అస్సలు కాదు. మీరు దీనిని క్రిస్మస్ పార్టీకి కూడా ధరించొచ్చు. బోల్డ్ అండ్ బ్యూటిఫుల్ లుక్ కోసం రెడ్ కలర్ ప్యాంట్ సూట్ బెస్ట్ ఆప్షన్. మంచి హెయిర్ స్టైల్ తో ఈ లుక్ మీకు మరింత అందాన్నిస్తుంది. ఈ డ్రెస్ పైకి మీరు నగలు పెట్టుకోవాల్సిన అవసరం కూడా ఉండదు.
హై స్లిట్ గౌన్
పార్టీలో మీరు ప్రత్యేకంగా కనిపించాలనుకుంటే ఈ రకమైన థాయ్ హై స్లిట్ గౌన్ ను వేసుకోండి. ఇది అందరి చూపులు మీపై ఉండేలాచేస్తుంది. చూసిన ప్రతి ఒక్కరూ వావ్ అంటారు. చలికాలం కాబట్టి వెల్వెట్ ఫ్యాబ్రిక్ లో గౌన్లను కొనండి. స్టైల్, కంఫర్ట్ కు ఇది పర్ఫెక్ట్ కలయిక.