అందం కోసం.. ముఖానికి ఇవి రాస్తున్నారా..? చాలా ప్రమాదం..!

అలాగని.. ఏది పడితే అది వాడితే మాత్రం.. కొత్తగా నిగారింపు రావడం కాదు.. ఉన్న నిగారింపు పోతుందట. కాబట్టి.. ముఖానికి కొన్ని వంటలను డైరెక్ట్ గా వాడకూడదట. మరి అవేంటో ఓసారి చూద్దాం..

అందం కోసం ఈ తరం అమ్మాయిలు చేయని ప్రయత్నమంటూ ఏదీ ఉండదు. కొందరు మార్కెట్లో లభించే క్రీమలను వాడితే.. మరి కొందరు ఇంట్లో లభించే సహజ ఉత్పత్తులు వాడుతుంటారు.  వంట గదిలో లభించే చాలా వస్తువులు మన ముఖం లో నిగారింపు పెంచడానికి సహాయం చేస్తాయి. అయితే.. అలాగని.. ఏది పడితే అది వాడితే మాత్రం.. కొత్తగా నిగారింపు రావడం కాదు.. ఉన్న నిగారింపు పోతుందట. కాబట్టి.. ముఖానికి కొన్ని వంటలను డైరెక్ట్ గా వాడకూడదట. మరి అవేంటో ఓసారి చూద్దాం..

చాలా సార్లు ముఖానికి వాడే సహజ క్రీముల్లో నిమ్మకాయ రసాన్ని కూడా చాలా మంది వాడుతూ ఉంటారు. అయితే.. నిజానికి నిమ్మకాయ రసాన్ని ముఖానికి డైరెక్ట్ గా అప్లై చేయకూడదట. అలా రాయడం వల్ల ముఖం పాడైపోతుందట. ఎందుకంటే దీనిలో యాసిడ్‌ గుణాలు అధికంగా ఉంటాయి. దీనిని నేరుగా ముఖానికి అప్లై చేయడం వల్ల చర్మం సమతుల్యత దెబ్బతింటుంది.ఫలితంగా దురద, దద్దుర్లు, మంట తదితర సమస్యలు కలుగుతాయి. 

దాల్చిన చెక్క పొడి కూడా ముఖానికి డైరెక్ట్ గా రాయకూడదట. ఎందుకంటే ఇది చర్మం పీహెచ్‌ స్థాయులపై ప్రతికూల ప్రభావం చూపుతుంది. నీటి స్థాయులను కూడా తగ్గిస్తుంది.
ఫలితంగా ముఖంపై దద్దుర్లు ఏర్పడడం, మంట, చర్మం రంగు మారిపోవడం తదితర సమస్యలు వస్తాయి. 

యాపిల్‌ సైడర్‌ వెనిగర్ యాపిల్‌ సైడర్‌ వెనిగర్ బరువుతో పాటు జుట్టు రాలడాన్ని తగ్గిస్తుంది. అలాంటి  యాపిల్‌ సైడర్‌ వెనిగర్‌ని ముఖానికి రాయడం వల్ల ఇరిటేషన్‌, మంట పుడుతుంది. ఎందుకంటే నిమ్మ మాదిరిగానే దీని పీహెచ్‌ విలువ 2-3 మధ్యలో ఉంటుంది. యాసిడ్ లక్షణాలు అధికంగా ఉంటాయి.దీనిని చర్మానికి రాయడం వల్ల ఇరిటేషన్‌, మంట పుట్టడం తదితర సమస్యలు కలుగుతాయి. 

బేకింగ్‌ సోడా బేకింగ్‌ సోడా పీహెచ్‌ విలువ 8కి పైనే ఉంటుంది. ఆల్కలైన్ (క్షార) గుణాలు అధికంగా ఉండే దీనిని ముఖానికి అప్లై చేయడం వల్ల ప్రతికూల పరిణామాలు తప్పవు. ఇది చర్మంలో నీటి స్థాయులను తగ్గిస్తుంది.ఫలితంగా ముఖం కాంతిని కోల్పోతుంది. ముఖంపై మొటిమలు ఏర్పడి వృద్ధాప్య ఛాయలు కనిపిస్తాయి. 

 కొబ్బరి నూనె లో యాంటీ బ్యాక్టీరియల్‌ గుణాలతో పాటు యాంటీ మైక్రోబియల్ లక్షణాలుండే కొబ్బరి నూనె శరీరానికి, శిరోజాలకు ఎంతో మేలు చేస్తుంది. అయితే ఇందులోని కొన్ని సమ్మేళనాలు ముఖంపై ప్రతికూల ప్రభావం చూపుతాయి. వీటితో పాటు విజిటేబుల్ ఆయిల్ కూడా ముఖానికి రాయడం మంచిది కాదట.