ఈ ఏడాది సెప్టెంబర్ 17 నాటికి ఎన్నికల మేనిఫెస్టోను ప్రకటించాలని కాంగ్రెస్ పార్టీ కసరత్తు చేస్తుంది. మరో నాలుగు డిక్లరేషన్లను ప్రకటించేందుకు కాంగ్రెస్ నాయకత్వం ప్రయత్నాలు చేస్తుంది.
ఈ ఏడాది చివర్లో జరిగే అసెంబ్లీ ఎన్నికలకు కాంగ్రెస్ పార్టీ కసరత్తు చేస్తుంది. ఈ ఏడాది సెప్టెంబర్ 17వ తేదీ నాటికి మేనిఫెస్టోను ప్రకటించేందుకు కాంగ్రెస్ పార్టీ ప్లాన్ చేసింది. రానున్న రోజుల్లో మరో నాలుగు డిక్లరేషన్లను కూడ కాంగ్రెస్ పార్టీ ప్రకటించనుంది
ఖమ్మంలో కాంగ్రెస్ పార్టీ ఇవాళ నిర్వహిస్తున్న సభ ద్వారా ఎన్నికల శంఖారావాన్ని కాంగ్రెస్ పార్టీ పూరించనుంది. ఇప్పటికే రైతు డిక్లరేషన్ ను, యూత్ డిక్లరేషన్ ను కాంగ్రెస్ పార్టీ ప్రకటించింది. బీసీ,మహిళ, మైనార్టీ సహా మరో డిక్లరేషన్ ను కాంగ్రెస్ పార్టీ ప్రకటించనుంది.
ఈ నెల 15 తర్వాత తెలంగాణకు ప్రియాంక గాంధీ వచ్చే అవకాశం ఉంది. ఇటీవలనే భువనగిరి ఎంపీ కోమటిరెడ్డి వెంకట్ రెడ్డి ప్రియాంక గాంధీతో సమావేశమయ్యారు. ఈ 15 వ తేదీన తెలంగాణలో పర్యటించేందుకు సమయం ఇవ్వనున్నట్టుగా ప్రియాంక గాంధీ వెంకట్ రెడ్డికి హామీ ఇచ్చారు.
తెలంగాణ రాష్ట్రం ఏర్పాటైన తర్వాత జరిగిన రెండు ఎన్నికల్లో కాంగ్రెస్ పార్టీ అధికారాన్ని కోల్పోయింది. అయితే ఈ దఫా తెలంగాణలో అధికారాన్ని దక్కించుకోవాలని కాంగ్రెస్ పార్టీ నాయకత్వం పట్టుదలగా ఉంది
కర్ణాటక రాష్ట్రంలో కాంగ్రెస్ పార్టీ విజయం సాధించడం తెలంగాణ కాంగ్రెస్ శ్రేణుల్లో జోష్ ను నింపాయి. కర్ణాటక తరహాలోనే తెలంగాణ నేతలు పని చేయాలని తెలంగాణ నేతలకు కాంగ్రెస్ నాయకత్వం సూచించింది.
తమ మధ్య ఉన్న విబేధాలను పక్కన పెట్టి పార్టీ విజయం కోసం పనిచేయాలని కాంగ్రెస్ పార్టీ నాయకత్వం తెలంగాణ నేతలను ఆదేశించింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి