Telangana and Andhra Pradesh Holidays : తెలుగు రాష్ట్రాల్లో విద్యార్థులే కాదు ఉద్యోగులకు కూడా ఈవారం వరుస సెలవులు వస్తున్నాయి. ఇంకో రెండ్రోజులు మాత్రమే వర్కింగ్ డేస్... మిగతా ఐద్రోజుల్లో ఒక్కరోజు మినహా మిగతావన్నీ సెలవులే. ఈ ఒక్కరోజు లీవ్ తీసుకుంటే వరుసగా ఐదురోజుల సెలవులను ఎంజాయ్ చేయవచ్చు. ఏరోజు ఎందుకు సెలవు ఉందో ఇక్కడ తెలుసుకుందాం.
School Holidays : సెలవులంటే ఎవరికి ఇష్టముండదు చెప్పండి. స్కూలుకు వెళ్లే విద్యార్థులు, కాలేజీలకు వెళ్లే యువతే కాదు ఉద్యోగాలు చేసేవారు కూడా ఎప్పుడెప్పుడు సెలవు వస్తుందా అని ఎదురుచూస్తుంటారు. ఇక వీకెండ్ తో కలిసి ఏవయినా సెలవులు వచ్చాయంటే చాలు... ఎగిరి గంతేస్తారు. లాంగ్ వీకెండ్ లో కుటుంబం లేదా స్నేహితులతో సరదాగా గడిపేందుకు ప్లాన్ చేసుకుంటారు. ఇలాంటివారికి ఈ వీకెండ్ లో సూపర్ ఛాయిస్ వస్తోంది.
కేవలం ఒక్కరోజు మేనేజ్ చేస్తేచాలు వరుసగా ఐదురోజుల సెలవులు కలిసి రానున్నాయి. ఇప్పటికే ఇంటర్మీడియట్, పదో తరగతి విద్యార్థులకు పరీక్షలు ముగిసి వేసవి సెలవులు ప్రారంభమయ్యాయి... ఇక మిగతా తరగతుల విద్యార్థులకు ఇంకా పరీక్షలు మొదలుకాలేదు. ఉద్యోగాలు చేసే పేరెంట్స్ కు కూడా లాంగ్ వీకెండ్ కలిసివస్తోంది. కాబట్టి ఈ ఐదురోజుల సెలవులను ఫ్యామిలీ మొత్తం హాయిగా గడపొచ్చు... వీలుంటే అరకు, ఊటీ వంటి చల్లని ప్రదేశాలకు టూర్ ప్లాన్ చేసుకోవచ్చు.
తెలంగాణలో సెలవులే సెలవులు :
తెలంగాణ ప్రభుత్వం 2025 ఆరంభంలోనే సెలవుల జాబితాను ప్రకటించింది. సాధారణంగా పండగలు, ప్రత్యేక రోజుల్లో తప్పనిసరిగా ఇచ్చే సెలవులతో పాటు అవసరం మేరకు ఇచ్చే ఆప్షనల్ హాలిడేస్ ను కూడా ప్రకటించింది. ఇందులో ఏప్రిల్ నెలలో వచ్చే సెలవుల గురించి తెలుసుకుందాం.
ఇప్పటికే ఏప్రిల్ 1న రంజాన్ తర్వాతిరోజు సెలవు వచ్చింది. ఇక ఏప్రిల్ 5న బాబు జగ్జీవన్ రామ్ జయంతి, ఏప్రిల్ 6న శ్రీరామ నవమి సెలవులు ముగిసాయి. మరో మూడ్రోజులు ముగియగానే అంటే ఏప్రిల్ 10న ఇంకో హాలిడే వస్తోంది. ఈ గురువారం మహవీర్ జయంతి సందర్భంగా ప్రభుత్వం ఆప్షనల్ హాలిడే ఇచ్చింది.
శుక్రవారం అంటే ఏప్రిల్ 11 ఒక్కరోజు మేనేజ్ చేసుకుంటే తర్వాత మూడ్రోజులు సెలవులే. ఏప్రిల్ 12న రెండో శనివారం ప్రభుత్వ, ప్రైవేట్ విద్యాసంస్థలకు సెలవు. ఏప్రిల్ 13న ఆదివారం కాబట్టి సాధారణ సెలవు. ఇక సాప్ట్ వేర్ ఉద్యోగులతో పాటు పలు కార్పోరేట్ సంస్థల ఉద్యోగులకు సాధారణంగా శని, ఆదివారం రెండ్రోజులు సెలవులే.
ఏప్రిల్ 14న (సోమవారం) రాజ్యాంగ నిర్మాత డా. బిఆర్ అంబేద్కర్ జయంతి. ఈ సందర్భంగా ఈరోజు కూడా ప్రభుత్వం సెలవు ప్రకటించింది. అంటే వరుసగా మూడ్రోజులు విద్యార్థులతో పాటు ఉద్యోగులకు సెలవులు వస్తున్నాయి. మధ్యలో శుక్రవారం ఒక్కరోజు లీవ్ తీసుకుంటే వరుసగా ఐద్రోజులు సెలవులే సెలవులు.
ఆంధ్ర ప్రదేశ్ లో సెలవులు :
తెలంగాణలో మాదిరిగానే ఆంధ్ర ప్రదేశ్ లోనూ వరుస సెలవులు వస్తున్నాయి. ఏపీలో కూడా ఏప్రిల్ 10న మహవీర్ జయంతికి ఐచ్చిక సెలవు ఇచ్చారు. ఇక ఏప్రిల్ 12 రెండో శనివారం, ఏప్రిల్ 13 ఆదివారం, ఏప్రిల్ 14 అంబేద్కర్ జయంతికి సెలవులు ఇచ్చారు. ఇలా తెలుగు రాష్ట్రాల్లో ఈవారాంతం సెలవులే సెలవులు వస్తున్నాయి.
ఏప్రిల్ 18న గుడ్ ప్రైడే సందర్భంగా రెండు రాష్ట్రాల్లోనూ అధికారిక సెలవు వుంది. అలాగే ఏప్రిల్ 30న కూడా బసవ జయంతికి ఇరు రాష్ట్రాల్లో ఆప్షనల్ హాలిడే ఇచ్చారు. అయితే ఏప్రిల్ 24 నుండే తెలంగాణతో పాటు ఆంధ్ర ప్రదేశ్ లో వేసవి సెలవులు ప్రారంభం కానున్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి