Hyderabad Real Estate : మరో కూకట్ పల్లి, నిజాంపేట్ లోడింగ్... ఈ శివారు ప్రాంతాల్లో పెట్టుబడి మీ జీవితాన్నే మార్చేస్తుంది

హైదరాబాద్ మెట్రో రెండో దశ విస్తరణ శివారు ప్రాంతాల రూపురేఖలను మార్చనుంది. ఇది భూముల ధరలు, అద్దెలను పెంచడంతో పాటు కొత్త వ్యాపారాలు, ఉద్యోగావకాశాలను సృష్టించనుంది. పెట్టుబడిదారులకు, స్థానిక ఆర్థిక వ్యవస్థకు ఇది గొప్ప ఊతం అవుతుంది.

హైదరాబాద్ శివారులో రియల్ బూమ్ ఖాయం

హైదరాబాద్ నగరంలో ట్రాఫిక్ సమస్యను తగ్గించి, ప్రయాణాన్ని సులభతరం చేసేందుకు మెట్రో రెండో దశ నిర్మాణం జరగనుంది. ఈ విస్తరణతో నగరం చుట్టూ ఉన్న శివారు ప్రాంతాలకు మెట్రో కనెక్టివిటీ లభించనుంది. మియాపూర్ నుండి పటాన్‌చెరు, రాయదుర్గం నుండి శంషాబాద్ విమానాశ్రయం వంటి కీలక మార్గాలను ఈ దశలో అభివృద్ధి చేయనున్నారు. కొత్త మార్గాల రాకతో సుదూర ప్రాంతాల ప్రజలు సులభంగా నగరంలోకి ప్రయాణించగలుగుతారు. ఇది దైనందిన జీవితంలో గణనీయమైన మార్పు తీసుకువస్తుంది. ముఖ్యంగా శివారు ప్రాంతాల్లో రియల్ బూమ్ మరింత పెరగనుంది. కాబట్టి మెట్రో విస్తరణ కంటే ముందే శివారుప్రాంతాల్లో పెట్టుబడులు పెడితే మంచి లాభాలు పొందవచ్చు.

ఈ ప్రాంతాల్లో భూముల ధరలకు రెక్కలు

హైదరాబాద్ మెట్రో రెండో దశ విస్తరణతో శివారు ప్రాంతాల్లో భూములకు రెక్కలు రానున్నాయి. మెట్రో కనెక్టివిటీ ఉన్న ప్రాంతాల్లో భూమికి డిమాండ్ పెరుగుతుంది. ప్రస్తుతం తక్కువ ధరలకు లభిస్తున్న ప్లాట్లు, నివాస గృహాల విలువ రాబోయే కొన్నేళ్లలో కనీసం 20-30 శాతం పెరగవచ్చని రియల్ ఎస్టేట్ నిపుణులు అంచనా వేస్తున్నారు… కాబట్టి రియల్ ఎస్టేట్ రంగంలో ఇది ఒక సువర్ణావకాశం కానుంది. మెట్రో మార్గానికి దగ్గరగా ఉన్న గ్రామాలు, చిన్న పట్టణాలు కూడా వేగంగా అభివృద్ధి చెందుతాయి. పెట్టుబడిదారులు దీర్ఘకాలిక లాభాల కోసం ఇప్పుడు పెట్టుబడి పెట్టవచ్చు.

ఐటీ కారిడార్ కు దగ్గరగా ఉండటంతో ఇప్పటికే కూకట్ పల్లి, మియాపూర్ వంటి ప్రాంతాల్లో ఇంటి స్థలాలు, ఇండిపెండెంట్ ఇళ్లు, అపార్ట్ మెంట్ ప్లాట్స్ కి మంచి డిమాండ్ ఉంది. మెట్రో సదుపాయం కూడా ఉండటం ఈ ప్రాంతాలకు మరింత ప్లస్ అయ్యింది. ఇక మెట్రో రెండో దశతో లింగంపల్లి, బీరంగూడ, రామచంద్రాపురం, పటాన్ చెరు ప్రాంతాల రూపురేఖలు కూడా సేమ్ ఇలాగే మారిపోనున్నాయి.

ప్రస్తుతం పటాన్ చెరుకు ఔటర్ రింగ్ రోడ్డు అందుబాటులో ఉంది... అయినా ఈ ప్రాంతం ఆశించిన స్థాయిలో డెవలప్ కాలేదు. ఈ పటాన్ చెరు, ఇస్నాపూర్ ప్రాంతాలు అడ్డా కూలీలు, నిర్మాణ కార్మికులు, చిన్నచిన్న పనివారికి నిలయాలుగా మారాయి... ఐటీ ఉద్యోగులు ఇక్కడ ఎక్కువగా స్థిరపడలేదు. ఐతే మెట్రో రాకతో రవాణా సదుపాయం మెరుగుపడుతుంది కాబట్టి ఐటీ ఉద్యోగులు ఈ ప్రాంతాలపై ఆసక్తి చూపించే అవకాశాలున్నాయి... దీంతో మరో మియాపూర్, నిజాంపేట్, కూకట్ పల్లిలా మారే అవకాశాలుంటాయి. రియల్ ఎస్టేట్ బూమ్ తో పాటు అపార్ట్ మెంట్ ప్లాట్స్ కొనుగోళ్లు, ఇంటి అద్దెలు పెరుగుతాయి. కాబట్టి ఇప్పుడు తక్కువ ధరల్లో లభిస్తున్న ప్లాట్స్, ఇళ్లు కొనుగోలుచేసినవారు భవిష్యత్ లో మంచి లాభాలు పొందవచ్చు.

అద్దె ఇళ్లకు పెరుగుతున్న డిమాండ్

మెట్రో సేవలు అందుబాటులోకి రాగానే శివారు ప్రాంతాల్లో అద్దె ఇళ్లకు డిమాండ్ విపరీతంగా పెరుగుతుంది. మెట్రో కనెక్టివిటీ కారణంగా ఉద్యోగులు, విద్యార్థులు ఈ ప్రాంతాలకు వస్తారు. నగరంలో పని చేసేవారు ట్రాఫిక్‌ను తప్పించుకోవడానికి మెట్రోకు దగ్గరగా నివసించడానికి ఇష్టపడతారు. దీనివల్ల నివాస గృహాల అద్దెలు క్రమంగా పెరుగుతాయి. ప్రస్తుతం నెలకు 8,000 రూపాయలకు లభించే 2BHK అద్దె మరో రెండేళ్లలో 10,000 నుండి 15,000 రూపాయలకు చేరుకోవచ్చు. ఇలా అద్దె ఆదాయం ఆశించే వారికి బీరంగూడ, పటాన్ చెరు, ఇస్నాపూర్ లలో మంచి అవకాశాలు ఉన్నాయి.

కొత్త వ్యాపారాలు, భారీ ఉద్యోగ కల్పన

మెట్రో రెండో దశ రాకతో శివారు ప్రాంతాల్లో వాణిజ్య కార్యకలాపాలు ఊపందుకుంటాయి. మెట్రో స్టేషన్ల చుట్టూ కొత్త దుకాణాలు, రెస్టారెంట్లు, చిన్న వ్యాపార సంస్థలు పుట్టుకొస్తాయి. రవాణా సౌకర్యం మెరుగుపడటంతో చిన్న, మధ్య తరహా పరిశ్రమలు కూడా ఈ ప్రాంతాలకు తరలివచ్చే అవకాశం ఉంది. ఈ విస్తరణ వలన ప్రత్యక్షంగా, పరోక్షంగా వేల సంఖ్యలో కొత్త ఉద్యోగాలు వస్తాయి... స్థానిక యువతకు ఇది ఎంతో ప్రయోజనకరం. లింగంపల్లి, పటాన్ చెరు ప్రాంతాల్లో ఇదే జరగనుంది.

పెట్టుబడులకు స్వర్గధామం

మెట్రో రెండో దశ కేవలం ప్రయాణ సౌకర్యాలను మాత్రమే కాదు, ఆర్థిక వృద్ధిని కూడా ప్రోత్సహిస్తుంది. మెరుగైన కనెక్టివిటీ పెట్టుబడిదారులకు ఆకర్షణీయమైన అవకాశాలను సృష్టిస్తుంది. నిర్మాణ రంగం, సేవా రంగాలు కొత్త ప్రాజెక్టులతో కళకళలాడుతాయి. పారిశ్రామిక వాడలకు దగ్గరగా ఉండే ప్రాంతాల్లో అభివృద్ధి మరింత వేగవంతమవుతుంది. ఈ ప్రాజెక్ట్ నగర పరిధిలోని ఆర్థిక వ్యవస్థకు కోట్ల రూపాయల విలువైన కొత్త వ్యాపార కార్యకలాపాలను తెచ్చిపెట్టవచ్చు. హైదరాబాద్ రాష్ట్ర ఆర్థిక కేంద్రంగా లింగంపల్లి, పటాన్ చెరు ప్రాంతాలు మారనున్నాయి.

గ‌మ‌నిక‌: పైన తెలిపిన విష‌యాల‌ను కేవ‌లం ప్రాథ‌మిక స‌మాచారంగానే భావించాలి. రియ‌ల్ ఎస్టేట్‌లో పెట్టుబ‌డులు పెట్టే ముందు నిపుణుల సూచ‌న‌లు పాటించ‌డం ఉత్త‌మం.