ఆరోగ్య శ్రీ సేవలు ఏయే హాస్పిటల్స్‌లో ఉన్నాయో ఎలా తెలుసుకోవాలి? ఫోన్‌లోనే చూసుకోవచ్చు..

Rajiv Aarogyasri: పేద ప్రజలకు వైద్యం భారం కాకుడదనే ఉద్దేశంతో తీసుకొచ్చని రాజీవ్ ఆరోగ్య శ్రీ సేవలు బాగా విజయవంతమైన విషయం తెలిసిందే. ఈ పథకంతో ప్రైవేటు ఆసుపత్రుల్లో కూడా నాణ్యమైన వైద్యాన్ని ఉచితంగా అందిస్తారు. అయితే మీరు వెళ్లాలనుకునే ఆసుపత్రిలో ఆరోగ్య శ్రీ సేవలు అందుబాటులో ఉన్నాయా.? లేదా అన్న విషయాన్ని ఎలా తెలుసుకోవాలో ఇప్పుడు చూద్దాం..   

గతంలో వైఎస్‌ రాజశేఖర్‌ రెడ్డి ముఖ్యమంత్రిగా ఉన్న సమయంలో తీసుకొచ్చిన రాజీవ్‌ ఆరోగ్య శ్రీ సేవలు పేదలకు ఎంతో మేలు చేసిందని ప్రత్యేకంగా చెప్పాల్సిన పనిలేదు. రాజశేఖర్‌ రెడ్డి తర్వాత వచ్చిన ప్రభుత్వాలు సైతం ఈ పథకాన్ని కొనసాగించాయి. మరీ ముఖ్యంగా తెలంగాణలో ఈ పథకం పేరు సైతం మార్చకుండా అమలు చేశారు. అయితే తాజాగా తెలంగాణలో కాంగ్రెస్‌ పార్టీ ఆరోగ్య శ్రీ పరిమితిని పెంచిన విషయం తెలిసిందే. 

గతంలో రూ. 5 లక్షలుగా ఉన్న పరిమితిని ప్రస్తుతం రూ. 10 లక్షలకు పెంచారు. అలాగే ఆరోగ్య శ్రీ సేవ పరిధిలోకి 163 వైద్య చికిత్సలను యాడ్‌ చేశారు. దీంతో ప్రస్తుతం మొత్తం 1835 చికిత్సలు ఈ పథకం ద్వారా లభిస్తున్నాయి.

తెల్ల రేషన్‌ కార్డు ఉన్న వారికి ఈ సేవలను వినియోగించుకునే అవకాశం లభిస్తుంది. అయితే కొన్ని ప్రైవేట్‌ ఆసుపత్రుల్లో మాత్రమే ఈ సేవలు అందుబాటులో ఉంటాయి. ఇంతకీ ఏయే ఆసపత్రుల్లో ఆరోగ్య శ్రీ సేవలు అందుబాటులో ఉన్నాయో ఎలా తెలుసుకోవాలో ఇప్పుడు చూద్దాం.. 

Arogya-sree-hospital.

* ముందుగా మీ ఫోన్‌ లేదా కంప్యూటర్‌లో బ్రౌజర్‌ను ఓపెన్‌ చేసి రాజీవ్‌ ఆరోగ్యశ్రీ పోర్టల్‌ను ఓపెన్‌ చేయాలి. 

* ఆ తర్వాత పైన బార్‌లో కనిపించే హాస్పిటల్స్‌ అనే ఆప్షన్‌ను ఎంచుకోవాలి.

* ఇందులో కనిపించే ఆరోగ్యశ్రీ ఆసుపత్రిని క్లిక్‌ చేయాలి. వెంటనే మూడు ఆప్షన్స్‌ కనిపిస్తాయి. 

Arogya-sree-hospital.

* వీటిలో సెర్చ్‌ బై లొకాలిటీ అనే ఆప్షన్‌తో మీకు దగ్గరల్లోని రాజీవ్‌ ఆరోగ్యశ్రీ ఆసుపత్రుల వివరాలు తెలుసుకోవచ్చు.

* జిల్లా, మండల్‌, ఆసుపత్రిని ఎంచుకోగానే. సదు ఆసుపత్రికి సంబంధించి పూర్తి వివరాలు, లొకేషన్‌తో పాటు పాటు మిత్ర నెంబర్‌ కూడా లభిస్తుంది. దీంతో సులభంగా ఆరోగ్య శ్రీ ఆసుపత్రుల వివరాలను తెలుసుకోవచ్చు. 

ఇది కూడా చదవండి: టెట్‌ రాసిన వారికి అలర్ట్‌, కీ విడుదలకు రంగం సిద్ధం.. ఎలా చెక్‌ చేసుకోవాలి. స్టెప్‌ బై స్టెప్‌ ప్రాసెస్