హార్డ్ హిట్టర్లు, స్టార్ ప్లేయర్లు ఉన్న జట్టు రాయల్స్ ఛాలెంజర్ బెంగళూరు. అయినా ఇండియన్ ప్రీమియర్ లీగ్ మొదలై 17 సీజన్లు గడిచినా ఇప్పటికీ ఒక్క టైటిల్ గెలవలేదు ఆర్సీబీ. అయితే ఏంటట? ఐపీఎల్ చరిత్రలోనే ఆర్సీబీకి ఎక్కువ మంది ఫాలోవర్లు ఉన్నారు. సీఎస్‌కేతో సహా అన్ని జట్లనూ దాటేసి ఆర్సీబీ కొన్ని రికార్డులు సృష్టించింది.
ఐపీఎల్ టోర్నీలో ఆర్సీబీ గెలవలేదని చాలామంది అంటారు. నిజమే గెలవలేదు. కానీ ఏ జట్టుకూ లేనంత మంది అభిమానులు ఆర్సీబీకి ఉన్నారు. ఒక్క కప్ గెలవకపోయినా జట్టు విలువ మిగతా 10 జట్లకన్నా ఎక్కువ. ఇప్పుడు ఆర్సీబీ కొత్త రికార్డు సృష్టించింది. ఐపీఎల్ చరిత్రలో ఎక్కువ ఇన్‌స్టాగ్రామ్ ఫాలోవర్లు ఉన్న జట్టుగా నిలిచింది.
ఇది 18వ ఐపీఎల్ ఎడిషన్. ఐపీఎల్ టోర్నీలో ఆర్సీబీకి కూడా 18వ సంవత్సరం. స్పెషల్ ఏంటంటే ఇప్పుడు ఇన్‌స్టాగ్రామ్‌లో ఆర్సీబీ ఫాలోవర్ల సంఖ్య 18 మిలియన్లు. ఇన్‌స్టాగ్రామ్ ఫాలోవర్లలో సీఎస్‌కే ఫస్ట్ ప్లేస్‌లో ఉండేది. ఇప్పుడు ఆర్సీబీ సీఎస్‌కేను దాటేసి నంబర్ 1 అయింది.
ఈసారి ఐపీఎల్ టోర్నీ స్టార్ట్ అయినప్పుడు ఆర్సీబీ ఇన్‌స్టాగ్రామ్ ఫాలోవర్ల సంఖ్య 17 మిలియన్లు. అప్పుడు సీఎస్‌కే ఇన్‌స్టాగ్రామ్ ఫాలోవర్ల సంఖ్య 17.7 మిలియన్లు. కానీ కేవలం 10 రోజుల్లోనే అంటే సీఎస్‌కే టీమ్‌ను ఓడించిన వెంటనే ఆర్సీబీ ఫాలోవర్ల సంఖ్య 18 మిలియన్లకు పెరిగింది.
ఐపీఎల్ టాప్ టీమ్స్ ఇన్‌స్టాగ్రామ్ ఫాలోవర్స్
ఆర్సీబీ: 18.2 మిలియన్లు
సీఎస్‌కే: 17.9 మిలియన్లు
ముంబై ఇండియన్స్ : 16.4 మిలియన్లు
మిగతా టీమ్స్ ఇంకా 10 మిలియన్లు కూడా దాటలేదు. కేకేఆర్ 7.1 మిలియన్లు, ఢిల్లీ క్యాపిటల్స్ 4.3 మిలియన్లు, రాజస్థాన్ రాయల్స్ 4.8 మిలియన్ల ఫాలోవర్లు కలిగి ఉన్నాయి.
మ్యాచ్ గెలిచినా ఓడినా ఆర్సీబీ అభిమానులు జట్టును వదిలిపెట్టలేదు. కోపం తెచ్చుకున్నారు, బాధపడ్డారు. ఓటమితో కృంగిపోయారు. చెత్త ఆటతో బాధపడ్డారు. కానీ అభిమానులు ఎప్పుడూ ఆర్సీబీ టీమ్‌ను వదలలేదు. అందుకే ఆర్సీబీ ఒక్క కప్ గెలవకపోయినా ఇప్పటికీ మోస్ట్ ఫేవరెట్ టీమ్‌గా వెలిగిపోతుంది.
ఇంకా ఆర్సీబీ ప్రతి పోస్ట్‌కు అభిమానులు లైకులు, కామెంట్లు చేస్తారు. ప్రతి పోస్ట్‌కూ మిలియన్ లైక్స్, కామెంట్స్ ఉంటాయి. ఆర్సీబీ ఎన్నిసార్లు ఓడిపోయినా అభిమానులు నేను ఆర్సీబీ అభిమాని అని గర్వంగా చెప్పుకుంటారు, మ్యాచ్‌లో సంబరాలు చేసుకుంటారు. ఇలాంటి లాయల్ ఫ్యాన్స్ ఏ టీమ్‌కూ లేరు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి