Shreyasi Singh : బీహార్ బీజేపీ ఎమ్మెల్యే పారిస్ వేదిక‌గా జ‌రుగుతున్న ఒలింపిక్ క్రీడ‌ల్లో పాల్గొంటున్నారు. ఆమె తల్లిదండ్రులు కూడా ఎంపీలుగా ఉన్నారు. అసలు ఎవ‌రీ శ్రేయాసి సింగ్?
Paris Olympics 2024 : పారిస్ ఒలింపిక్ గేమ్స్ 2024 ఈ సారి జులై 26 నుంచి ఆగస్టు 11 వరకు ఫ్రాన్స్ రాజధాని పారిస్ వేదిక‌గా జ‌ర‌గున్నాయి.
పారిస్ ఒలింపిక్స్‌లో భారత్ నుంచి 117 మంది అథ్లెట్లు పాల్గొంటున్నారు. టోక్యో ఒలింపిక్స్ 2020లో భారత్ ఏడు పతకాలు సాధించింది. ఇప్పుడు ఆ మెడ‌ల్స్ సంఖ్య‌ను డబుల్ చేయ‌డ‌మే ల‌క్ష్యంగా పారిస్ లో అడుగుపెట్టింది భారత అథ్లెట్ల బృందం.
షాట్‌గన్ ట్రాప్ ఉమెన్స్ ఈవెంట్‌లో పాల్గొనే షూటర్ శ్రేయాసి సింగ్ కూడా పారిస్ ఒలింపిక్స్‌లో పాల్గొనబోతోంది. శ్రేయసి సింగ్ బీహార్‌లోని జముయ్ అసెంబ్లీ నుండి బీజేపీ ఎమ్మెల్యేగా ఉన్నారు.2020 అసెంబ్లీ ఎన్నికల్లో ఆర్జేడీకి చెందిన విజయ్ ప్రకాష్‌పై శ్రేయాసి సింగ్ దాదాపు 41 వేల ఓట్లతో మెజారిటీతో విజయం సాధించారు.
శ్రేయసి సింగ్ బీహార్ మాజీ ఎంపీ దిగ్విజయ్ సింగ్ కుమార్తె. శ్రేయసి తల్లి పుతుల్ సింగ్ కూడా బంకా స్థానం నుంచి ఎంపీగా ఉన్నారు
2014 గ్లాస్గో కామన్వెల్త్ గేమ్స్‌లో డబుల్ ట్రాప్ షూటింగ్ ఈవెంట్‌లో శ్రేయాసి సింగ్ రజత పతకాన్ని గెలుచుకుంది. ఆ తర్వాత 2018 కామన్వెల్త్ గేమ్స్‌లో కూడా శ్రేయసి అద్భుత ప్రదర్శన చేసి దేశానికి బంగారు పతకాన్ని అందించింది.
క్రీడలకు ఆమె చేసిన సేవలను దృష్టిలో ఉంచుకునీ, 32 ఏళ్ల శ్రేయసి సింగ్ ను 2018 సంవత్సరంలో ప్ర‌భుత్వం అర్జున అవార్డుతో సత్కరించింది. ఇప్పుడు ఆమె భారత్ కు మెడ‌ల్ అందించ‌మే ల‌క్ష్యంగా పారిస్ ఒలింపిక్స్ లో పాల్గొంటున్న‌ది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి