మంచి, చెడులకు ఉదాహారణ చెప్పాలంటే ముందుగా గుర్తొచ్చేవి రాముడు, రావణుడి పేర్లు. ఉత్తమ పురుషుడిగా రాముడికి ఎంత మంచి పేరుందో... దుర్గుణాలు, దురహంకారిగా రావణుడికి అంత చెడ్డ పేరు ఉంది. కానీ రావణుడిలోనూ ఒక వ్యక్తి విజయానికి ఉపయోగపడే కొన్ని మంచి గుణాలు ఉన్నాయట. అవెంటో ఓసారి తెలుసుకుందామా?
లంకాధిపతి రావణాసురుడి గురించి తెలియని వారుండరు. రావణుడు ఎన్నో తప్పులు చేశాడు. వాటికి ఫలితం కూడా అనుభవించాడు. కానీ పురణాల ప్రకారం రావణుడిలోనూ కొన్ని మంచి గుణాలు ఉన్నాయట. అవెంటో ఇక్కడ తెలుసుకుందాం.
రావణుడు బ్రహ్మణ వంశంలో జన్మించాడు. పురాణాల ప్రకారం రావణుడు అనేక శాస్త్రాల్లో గొప్ప పండితుడు. వేదాలు, జ్యోతిష్యం మొదలైనవాటిలో రావణుడు ఆరితేరినవాడిగా పేరుపొందాడు.
పురాణాల ప్రకారం.. రావణుడు గొప్ప భక్తుడు. బ్రహ్మదేవుడిని తపస్సు చేసి.. కొన్ని అద్భుతమైన వరాలు పొందాడట. ఈ వరాలు రావణుడిని శక్తివంతుడిగా చేశాయని చెబుతుంటారు.
రావణుడు ధర్మం, నీతిని గౌరవించేవాడట. అంతేకాదు ఆయన గొప్ప సేనాని. రావణుడు అపారమైన సైన్యంతో లంకా రాజ్యాన్ని రక్షించాడని పురాణాలు చెబుతున్నాయి.
పురాణాల ప్రకారం లంకాధిపతి రావణుడు తన రాజ్యంలోని ప్రజలకు ఎలాంటి లోటు రాకుండా చూసుకోవడానికి ప్రయత్నించాడు. తన రాజ్యాన్ని అభివృద్ధి చేశాడు. తన ప్రజలకు ఆయన గొప్ప పాలకుడు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి