Relationship Tips: భవిష్యత్తులో మీకు ఎలాంటి సమస్యలు రాకూడదని, మీ జీవితం సంతోషంగా సాగాలి అనుకుంటే.. మీ భర్త దగ్గర కొన్ని విషయాలను దాచకూడదు. వీటిని దాచి పెట్టడం వల్ల మీరే ఇబ్బంది పడతారు.
వైవాహిక జీవితం సంతోషంగా ఉండాలని ప్రతి ఒక్కరూ కోరుకుంటారు. అలా సంతోషంగా ఉండాలి అంటే... అది వారి చేతుల్లోనే ఉంటుంది. ముఖ్యంగా భార్యాభర్తలు ఒకరి నుంచి మరొకరు కొన్ని విషయాలను అస్సలు దాచుకోకూడదు. ఇలా కొన్ని విషయాలను దాచి పెట్టడం వల్ల వారి బంధాన్ని బలహీనపరుస్తుంది. మరి, భార్యలు తమ భర్త దగ్గర నుంచి ఎలాంటి విషయాలను దాచకూడదో ఇప్పుడు తెలుసుకుందాం...
24
ఆదాయం, అప్పులు...
భార్య తన జీతం, ఆదాయం లాంటి విషయాలను భర్త నుంచి దాచి పెట్టకూడదు. కేవలం ఆదాయం మాత్రమే కాదు.. మీకు ఏమైనా ఖర్చులు ఉన్నా, ఎవరి దగ్గర అయినా అప్పు చేసినా వాటి వివరాలను కూడా వెంటనే చెప్పేయాలి. ఇలాంటి విషయాల్లో దాపరికాలు భార్యాభర్తల మధ్య ఉండకూడదు.
34
ఆందోళనలు, సమస్యలు...
భార్య తన ఆందోళనలను తన భర్త నుండి దాచకూడదు. ఏదైనా విషయంలో బాధపడినా, భయపడినా కూడా ఆ విషయాలను పంచుకోవాలి. ఇలాంటి విషయాలను దాచకూడదు. ఇలా భర్తతో పంచుకోవడం వల్ల మీ భయాలు తగ్గే అవకాశం ఉంటుంది. అంతేకాదు, భార్య తన భర్త నుండి ఆరోగ్య సమస్యలను కూడా దాచకూడదు. ఏదైనా అత్యవసర పరిస్థితి ఏర్పడితే, మీ భర్తే మీకు అండగా ఉంటారు. కాబట్టి, మీ ఆరోగ్య సమస్యలను అతని నుండి ఎప్పుడూ దాచకండి.
భార్యలు తరచుగా తమ భావాలను తమలోనే ఉంచుకుంటారు. వాటిని తమ భర్తలతో పంచుకోరు, ఇది వారి సంబంధాన్ని బలహీనపరుస్తుంది. అలాంటి పరిస్థితులలో, భార్యలు ఖచ్చితంగా తమ భర్తలతో తమ భావాలను పంచుకోవాలి, తద్వారా వారు అర్థం చేసుకుంటారు. అంతేకాదు, మీరు ఎవరికైనా భయపడితే లేదా బెదిరింపులకు గురవుతుంటే, మీ భర్త నుండి అలాంటి విషయాలను దాచవద్దు. ఇది తరువాత సమస్యలను కలిగిస్తుంది.
ఇష్టాయిష్టాలు...
కొంతమంది మహిళలు తమ ఇష్టాయిష్టాలను తమ భర్తలతో పంచుకోరు. దీని వలన మీ భర్త చేసే పనులు వారికి తెలియకుండానే మీకు నచ్చకపోవచ్చు. అదే మీ ఇష్టాయిష్టాలు వారికి తెలిస్తే.. మీకు నచ్చే పనులు చేసే అవకాశం ఉంది.
