ఒక చిన్న హగ్.. ఎంత మ్యాజిక్ చేస్తుందో తెలుసా?

ఈ కౌగిలింత ప్రత్యేకత ఏంటో తెలుసుకుందాం. ఒక చిన్న కౌగిలింత బంధంలో ఎలాంటి మార్పులు తీసుకువస్తుందో ఇప్పుడు చూద్దాం..

పెళ్లైన కొత్తలో అంతా బాగుంటుంది. మన లైఫ్ పార్ట్ నర్  మనతో చిన్న మాట మాట్లాడినా, కాసేపు చెయ్యి పట్టుకున్నా, హగ్ చేసుకున్నా ఏదో తెలియని అనుభూతి కలుగుతుంది. ఆ టచ్, మాట అన్నీ మనం ఆనందంగా ఫీలౌతూ ఉంటాం. కానీ.. తర్వాతర్వాత ఆ ఫీల్ తగ్గిపోతూ ఉంటుది. ఫలితంగా వారి మధ్య గొడవలు రావడం మొదలౌతూ ఉంటాయి. ఆ గొడవలు దూరాన్ని కూడా పెంచేస్తూ ఉంటాయి. కానీ.. ఈ దూరాలను పోగొట్టి.. ఇద్దరి బంధాన్ని దగ్గర చేసే శక్తి ఒక్క హగ్ కి ఉంటుందట.

వాలంటైన్ వీక్ లో భాగంగా  హగ్ డే సందర్భంగా.. ఈ కౌగిలింత ప్రత్యేకత ఏంటో తెలుసుకుందాం. ఒక చిన్న కౌగిలింత బంధంలో ఎలాంటి మార్పులు తీసుకువస్తుందో ఇప్పుడు చూద్దాం..

కౌగిలించుకోవడం వల్ల దంపతుల మధ్య ఇంటిమసీ పెరుగుతుంది. ఎమోషనల్ బాండింగ్ బలపడుతుంది. అంతేకాదు.. వారి మధ్య ఉన్న బంధం స్ట్రాంగ్ అవుతుంది. ఎంత మంది వచ్చినా.. వారి బంధం చెక్కుచెదరకుండా ఉంటుంది.

ఈ విషయం చాలా మందికి తెలీదు.. కౌగిలింతను కూడా సెక్స్ లో ఒక భాగంగా చూస్తూ ఉంటారు. కానీ.. ఒక కౌగిలింత చేసుకోవడం వల్ల మన శరీరం నుంచి  ఆక్సీటోసిన్ అనే హార్మోన్ విడుదల అవుతుంది. దీని వల్ల.. మనలో ఉన్న ఒత్తిడి తగ్గిపోతుంది. మనస్ఫూర్తిగా ఒకరిని కౌగిలించుకున్నప్పుడు మనకు ఒత్తిడి తగ్గిపోయి.. రిలాక్స్ అయిన అనుభూతి కలుగుతుంది.

దంపతుల మధ్య కమ్యూనికేషన్ ఉండాలి అనే విషయం అందరికీ తెలిసే ఉంటుంది. అయితే.. ఆ కమ్యూనికేషన్ కేవలం మాటల్లో నే కాదు.. చేతల్లోనూ చూపించవచ్చు. అది కౌగిలింతతో సాధ్యమౌతుంది. ఒక కౌగిలింతతతో ఎన్నో మాటలను మీ భాగస్వామితో పంచుకోవచ్చు.  మాటల్లో చెప్పలేని ప్రేమను కూడా కౌగిలింత రూపంలో చెప్పవచ్చు.

దంపతుల మధ్య నమ్మకం ఉండాలి. నమ్మకం ఉంటేనే వారి మధ్య బంధం సరిగా ఉంటుంది. ఆ నమ్మకం  కౌగిలింత వల్ల వస్తుందనే విషయం మీకు తెలుసా? మీరు మీ భాగస్వామిపై  చూపించే చిన్న పాటి ప్రేమ,  ఒకరిపై మరొకరికి ఉన్న ప్రేమను ఈ కౌగిలింతతో చూపించవచ్చు. రెండు రోజుల దూరం తర్వాత కలిసిననప్పుడో.. ఉదయం ఆఫీసుకు వెళ్లి.. సాయంత్రం ఇంటికి వచ్చినప్పుడో.. ఏదైనా గుడ్ న్యూస్ చెప్పినప్పుడు.. ఈ కౌగిలింతను కూడా జత చేయాలి. 

మరీ ముఖ్యంగా కౌగిలింత వల్ల మీ ఆరోగ్యం కూడా బయలపడుతుంది. నమ్మసక్యంగా లేకపోయినా ఇది నిజం. మీరు మనస్ఫూర్తిగా మీ భాగస్వామిని కౌగిలించుకుంటే మీలో రోగ నిరోధక శక్తి పెరుగుతుంది.  మీ శరీరంలో యాంటీ బాడీలు తయారౌతాయి. దాని వల్ల.. తొందరగా జబ్బుల బారిన పడకుండా ఉంటారు.

అంతేకాదు దంపతులు కౌగిలించుకోవడం వల్ల ఒకరికి మరొకరు తోడుగా ఉన్నామనే భావన పెరుగుతుంది.  ఒకరిని  మరొకరు అర్థం చేసుకోవడానికి సహాయపడుతుంది. పెద్ద పెద్ద గొడవలు జరగకుండా ఆపే శక్తి కూడా ఈ కౌగిలింతలో ఉంది