పిల్లలకు ఏ వయసు నుంచి మాంసాహారం ఇవ్వాలి?

పిల్లలకు అసలు ఏ వయసు నుంచి నాన్ వెజ్  పెట్టడం అలవాటు చేయాలి అనే విషయం ఇప్పుడు తెలుసుకుందాం... 

పిల్లలకు ఆరోగ్యకరమైన ఆహారం అందించాలని ప్రతి తల్లిదండ్రులకు ఉంటుంది.  ఎందుకంటే.. ఆరోగ్యకరమైన ఆహారం తీసుకున్నప్పుడే పిల్లల ఎదుగుదల బాగుంటుంది. మొదటి ఆరు నెలలు కేవలం  తల్లిపాలు మాత్రమే అందిస్తాం. ఈ విషయం అందరికీ తెలిసిందే.   ఇక సంవత్సరం లోపు నుంచే.. కూరగాయలు, పండ్లు రుచి చూపిస్తూ.. వాటిని పెడుతూ వస్తాం. మరి... మంసాహారం విషయం ఏంటి? పిల్లలకు అసలు ఏ వయసు నుంచి నాన్ వెజ్  పెట్టడం అలవాటు చేయాలి అనే విషయం ఇప్పుడు తెలుసుకుందాం... 

kids eating

పిల్లలకి ఏ వయసు నుంచి మాంసాహారం పెట్టొచ్చు?

6 నుంచి 8 నెలల పిల్లలకి మాంసాహారం పెట్టడం మొదలుపెట్టొచ్చు. మాంసాహారంలో ప్రోటీన్లు పుష్కలంగా ఉంటాయి కాబట్టి పిల్లల పెరుగుదలకి చాలా మంచిది. మాంసాహారం మొదలుపెట్టాలంటే ముందుగా గుడ్డుతో మొదలుపెట్టండి. ఒక సంవత్సరం తర్వాతే చికెన్ ఇవ్వాలి.

గుడ్డు ఇచ్చిన రెండు నెలల తర్వాత చేపలు ఇవ్వొచ్చు, అది కూడా కొద్ది కొద్దిగానే. ఒక సంవత్సరం తర్వాత చికెన్ సూప్ ఇవ్వడం మంచిది. ఎందుకంటే కొన్నిసార్లు సరిగ్గా ఇవ్వకపోతే పిల్లలకి వాంతులు, కడుపు నొప్పి వచ్చే అవకాశం ఉంది. ముఖ్యంగా రెండు సంవత్సరాల తర్వాతే మేటన్ ఇవ్వాలి. ఎందుకంటే మేటన్ జీర్ణం కావడానికి ఎక్కువ సమయం పడుతుంది.

పిల్లలకి మాంసాహారం వల్ల కలిగే ప్రయోజనాలు :

6 నుంచి 12 నెలల పిల్లలకి ఐరన్, జింక్ చాలా అవసరం. ఇవి తల్లిపాలలో తగినంతగా ఉండవు కాబట్టి పెరుగుతున్న పిల్లలకి ఐరన్ ఉన్న ఇతర ఆహారాలు ఇవ్వాలి. మాంసాహారంలో ఐరన్, జింక్ పుష్కలంగా ఉంటాయి. ఇంకా మెగ్నీషియం కూడా ఎక్కువగా ఉంటుంది. పండ్లు, ధాన్యాల కంటే మాంసాహారంలోనే ఎక్కువ పోషకాలు ఉంటాయి. పిల్లలకి కొద్దిగా మాంసాహారం ఇచ్చినా తగినంత పోషకాలు అందుతాయి. అంతేకాకుండా, పిల్లలకి మాంసాహారం ఇస్తే వాళ్ళ కడుపు ఎక్కువసేపు నిండుగా ఉంటుంది.

kids eating

మాంసాహారం ఐరన్ శోషణకు సహాయపడుతుంది:

మాంసాహారం ఐరన్ కి మంచి వనరు మాత్రమే కాదు, ఇతర ఆహారాల నుంచి ఐరన్ ని శోషించుకోవడానికి కూడా సహాయపడుతుంది. కొద్దిగా మాంసాహారాన్ని కూరగాయలతో కలిపి పిల్లలకి ఇస్తే ఐరన్ శాతం పెరుగుతుంది. దీనివల్ల పిల్లలకి రక్తహీనత రాదు. 
చికెన్, గుడ్డు, చేపల్లో ప్రోటీన్లు ఎక్కువగా ఉంటాయి. ఇది పిల్లల ఆరోగ్యానికి చాలా మంచిది. వీటిలో ఉండే విటమిన్ డి శరీరంలోని నాడీ కణాలను ఆరోగ్యంగా ఉంచడానికి సహాయపడుతుంది. 

ముఖ్యమైన గమనిక : పిల్లలకి మాంసాహారం మొదట సూప్ లా చేసి ఇవ్వాలి. ఉడికించిన మాంసాన్ని పిల్లలకి ఇవ్వకూడదు. ఎముకలు లేని మాంసాన్ని మాత్రమే ఇవ్వాలి. పిల్లలకి ఇచ్చే మాంసం ఎప్పుడూ తాజాగా ఉండాలి. లేదంటే పిల్లలకి కడుపు సంబంధిత సమస్యలు వస్తాయి. ముఖ్యంగా మాంసం వండే ముందు బాగా కడగాలి.