భోజన సమయంలో పేరెంట్స్ పిల్లలను అడగాల్సిన ప్రశ్నలు ఇవి...!

చిన్న చిన్న విషయాలకు కూడా ఎలా సంతోషపడొచ్చు అనే విషయం కూడా వారు తెలుసుకుంటారు. సంతోషం పంచుకోవడం మరింత సంతోషాన్ని కలిగిస్తుంది.  

parents

పిల్లలు స్కూల్ నుంచి రాగానే.. పేరెంట్స్ చాలా ప్రశ్నలు వేస్తారు. స్కూల్లో ఏం జరిగింది..?ఏం చెప్పారు..? నువ్వేం చేశావ్ లాంటి ప్రశ్నలు వేస్తూ ఉంటారు. కానీ స్కూల్ నుంచి రాగానే పిల్లలను ఏమీ అడగకూడదు. మరి ఎప్పుడు అడగాలి అనే సందేహం మీకు కలగొచ్చు. రాత్రి భోజన సమయంలో  భోజనంతింటుండగా అడగాలి.

Parenting Tips

ఎందుకు  అంటే ఉదయం అంతా ఎంత బిజీగా ఉన్నా.. రాత్రిపూట మాత్రమే ఫ్యామిలీ మొత్తం కలిసి భోజనం చేయడానికి కుదురుతుంది. అందుకే ఆ సమయంలో పిల్లలతో పేరెంట్స్ మాట్లాడాలి. ప్రశ్నలు కూడా అడగాలి. మరి ఎలాంటి ప్రశ్నలు వేయాలో కూడా ఓసారి తెలుసుకుందాం..

1.పిల్లలు భోజనం చేసే సమయంలో ప్రేమగా.. ఈ రోజు ఎలా గడిచింది అని అడగాలి. అలా అడగడం వల్ల  పిల్లలు తమ భావాలను వ్యక్తపరిచే అవకాశం ఉంటుంది. తమ మనులోని విషయాలను పంచుకోవడం నేర్చుకుంటారు.

Parenting tips

2.ఈ రోజులో నీకు నచ్చిన గుడ్ పార్ట్ ఏంటి అని కూడా అడగొచ్చు.  దీని వల్ల పిల్లల్లో పాజిటివ్ కోణం బయటపడుతుంది. చిన్న చిన్న విషయాలకు కూడా ఎలా సంతోషపడొచ్చు అనే విషయం కూడా వారు తెలుసుకుంటారు. సంతోషం పంచుకోవడం మరింత సంతోషాన్ని కలిగిస్తుంది.

3.ఈరోజు నిన్ను ఎవరైనా సర్ ప్రైజ్ చేశారా లాంటి ప్రశ్నలు కూడా అడగాలి. ఇలాంటి ప్రశ్నలు, సమాధానాలు.. పిల్లల్లో క్యూరియాసిటీ, క్రిటికల్ థింకింగ్ పెరగడానికి కారణమౌతాయట.
4.రేపు ఏం చేద్దాం అనుకుంటున్నావ్..? ఈ ప్రశ్న కూడా అడగాలి. ఫ్యూచర్ ప్లాన్స్ ఒక వయసుకి వచ్చిన తర్వాతే ఉంటాయి అనుకోవద్దు. పిల్లలు చిన్నగా ఉన్నప్పటి నుంచే వారిని ఇలాంటి ప్రశ్నలు అడగడం వల్ల.. వారిలో ముందు చూపు అలవాటు అవుతుంది. రేపటి గురించి ఈ రోజే ఆలోచించాలి అనే విషయం తెలుస్తుంది.

4.ఈరోజు ఏదైనా కొత్త విషయం నేర్చుకున్నావా..? ఈ ప్రశ్న మీరు ప్రతిరోజూ అడుగుతూ ఉండాలి. దానివల్ల.. మీకు సమాధానం చెప్పడానికైనా వారు కొత్త విషయాలపై దృష్టి పెట్టే అవకాశం ఉంటుంది. వాళ్లకు తెలీకుండానే..కొత్త విషయాలు నేర్చుకోవడం పై దృష్టి పెడతారు.

5.ఈరోజు నువ్వు ఎవరికైనా సహాయం చేశావా? చేస్తే ఎలాంటి సహాయం అడిగి తెలుసుకోండి. మనం అవసరంలో ఉన్నవారికి సహాయం చేయాలి అనే గుణం పిల్లల్లో పెంచడానికి ఈ ప్రశ్న కొంత వరకైనా సహాయం చేస్తుంది.

6. ఈ రోజు ఏదైనా విషయం నిన్ను బాగా సంతోషపెట్టిందా..? నవ్వించిందా..? ఇలాంటి ప్రశ్నలు కూడా వేసి చూడండి. వీటికి సమాధానం చెప్పేటప్పుడు వారి ముఖంపై మరోసారి మీరు చిరు నవ్వు చూడొచ్చు. వారి సంతోషాన్ని మీతో పంచుకునే అవకాశం మీరు వారికి ఈ ప్రశ్న ద్వారా ఇవ్వగలరు.

7.కొంచెం పెద్ద పిల్లలు అయితే.. మీ మనసులో ఏమైనా ఉందా? నువ్వు ఏమైనా చెప్పాలి అనుకుంటున్నావా? ఇలాంటి ప్రశ్నలు వేయవచ్చు. కొందరు పిల్లలు తాము అడగాలి అనుకునేవి కూడా భయంతోనో, ఇంకేదైనా కారణం చేతనో చెప్పకుండా ఆగిపోతారు. మీరు అడగడం వల్ల వారి మనసులోని విషయాన్ని బయట పెట్టే అవకాశం ఉంటుంది.