పిల్లలు మాట వినాలంటే పేరెంట్స్ ఏం చేయాలో తెలుసా?
First Published Oct 30, 2024, 4:54 PM ISTచాలా మంది పేరెంట్స్ కామన్ గా తమ పిల్లలు మాట వినరు అంటూ కంప్లైంట్ చేస్తూ ఉంటారు. మరి, పిల్లలను మాట వినేలా మార్చుకోవాలంటే పేరెంట్స్ ఏం చేయాలో తెలుసుకుందాం..
చాలా మంది పేరెంట్స్ కామన్ గా తమ పిల్లలు మాట వినరు అంటూ కంప్లైంట్ చేస్తూ ఉంటారు. మరి, పిల్లలను మాట వినేలా మార్చుకోవాలంటే పేరెంట్స్ ఏం చేయాలో తెలుసుకుందాం..
మీకు తెలిసే తెలియదో.. పేరెంట్స్ ఇద్దరు ఒక చోట కలిచారు అంటే.. తమ పిల్లల పైనే కంప్లైంట్స్ చేసుకుంటూ మాట్లాడుకుంటూ ఉంటారు. ముఖ్యంగా మా పిల్లలు అస్సలు మాట వినడం లేదు అనేదే వాళ్ల మొదటి టాపిక్ అవుతుంది. ఈ రోజుల్లో పిల్లలు అలానే ఉన్నారు. వారికి కావాల్సింది ఇవ్వకంటే గొడవ చేయడం, కోపం, మొండితనం, చిరాకు చూపిస్తారు. పేరెంట్స్ బుజ్జగించిన కొద్దీ.. వారి అల్లరి మరింత ఎక్కువ అవుతూ ఉంటుంది.ఇక పిల్లలు మాట వినకపోతే పేరెంట్స్ కూడా కొట్టడం, తిట్టడం లాంటివి చేస్తారు. ఈ క్రమంలో పేరెంట్స్ కీ, పిల్లలకు మధ్య దూరం పెరిగిపోతూ ఉంటుంది. అయితే.. అలాంటి పిల్లలను కూడా మనం దారిలో పెట్టుకోవచ్చట. మరి దాని కోసం పేరెంట్స్ ఏం చేయాలో ఇప్పుడు తెలుసుకుందాం..
మనం కమాండ్ చేసినట్లుగా చెబితే పిల్లలు మాట వినరు. పైగా ఇంకాస్త మొండిగా తయారౌతారు. అలా కాకుండా.. పిల్లలు మాట వినేలా చేసుకోగల చిట్కాలు చాలానే ఉన్నాయి. వాటిని పాటిస్తే.. మీ పిల్లలు కచ్చితంగా మీ మాట వింటారు.
పిల్లలు మీ మాట వినేలా చేయడానికి కొన్ని చిట్కాలు :
1. వారి దృష్టిని ఆకర్షించండి:
మీ పిల్లలు మీ మాట వినేలా చేయడానికి ఉత్తమ మార్గాలలో ఒకటి వారి దృష్టిని ఆకర్షించడం. మీ పిల్లల దృష్టిని మీ వైపుకు తిప్పడానికి, మీరు వారి భుజంపై చెయ్యి వేసి మాట్లాడాలి. లేదంటే.. వారి కళ్లలోకి చూస్తూ మాట్లాడటానికి ప్రయత్నించాలి. ఇలా చేయడం వల్ల మీ పిల్లలు మీ మాట వినే అవకాశాలను పెంచుతుంది.
2. నవ్వుతూ మాట్లాడండి:
మీ పిల్లలతో ఏదైనా చెప్పేటప్పుడు నవ్వుతూ, ప్రశాంతంగా, ముఖ్యమైన విషయాలపై దృష్టి పెట్టండి. దీనివల్ల వారు విషయాలను సులభంగా అర్థం చేసుకోగలుగుతారు.
3. తక్కువ మాటలు వాడండి:
మీరు పిల్లలకి ఏదైనా చెప్పాలనుకుంటే లేదా ఏదైనా పని చేయమని అడగాలనుకుంటే తక్కువ మాటలు మాట్లాడండి. పిల్లలు చాలా వాక్యాలు అర్థం చేసుకోలేరు. మీరు చెప్పేది సరిగ్గా అర్థం చేసుకోలేరు. కాబట్టి ఎల్లప్పుడూ కొన్ని మాటలతోనే విషయాన్ని వివరించండి.
4. అరవకండి:
మీ పిల్లలు మీ మాట వినకపోతే వారిపై అరవడానికి బదులుగా, మర్యాదగా వ్యవహరించండి. దీనివల్ల వారు మీ మాట వినే అవకాశం ఉంది.
5. రెండవ అవకాశం ఇవ్వండి:
మీ పిల్లలు ఏదైనా పని చేస్తున్నప్పుడు మీరు మాట్లాడితే వారు మీరు చెప్పేది గమనించకపోవచ్చు, కాబట్టి వెంటనే వారిపై అరవడానికి బదులుగా కొంత సమయం ఇవ్వండి. పిల్లలు ఒక విషయం నుండి మరొక విషయంపై దృష్టి పెట్టడానికి కొంత సమయం పడుతుంది. అలాంటప్పుడు వారితో మాట్లాడి కొంత సేపు ఆగండి. ఈ సమయంలో మీరు చెప్పేది మీ పిల్లలు అర్థం చేసుకుంటారు.