పిల్లల జుట్టు ఒత్తుగా ఉంటే చూడటానికి ఎంత బాగుంటుంది. కానీ.. ఈ మధ్యకాలంలో చాలా మంది పిల్లలకు పెద్దగా జుట్టే ఉండటం లేదు. అలాంటివారు కొన్ని రకాల నూనెలు వాడితే వారి జుట్టు ఒత్తుగా పెరిగే అవకాశం ఉందట.
జుట్టు ఒత్తుగా పెరగాలని అందరూ కోరుకుంటారు. తమకు మాత్రమే కాదు, తమ పిల్లల జుట్టు కూడా ఒత్తుగా ఉండాలని అనుకుంటారు. చిన్నతనం నుంచే పిల్లల జుట్టు విషయంలో చాలా జాగ్రత్తలు తీసుకుంటే.. భవిష్యత్తులో హఎయిర్ లాస్ సమస్య ఉండదు. వారి జుట్టు మంచిగా పెరగాలంటే.. వారికి అందించే ఆహారం విషయంలో జాగ్రత్తలు తీసుకోవాలి.
ఆరోగ్యకరమైన ఆహారంతో పాటు... మంచి నూనె కూడా వారి జుట్టు ఎదుగుదలకు అవసరం. పిల్లల జుట్టు ఆరోగ్యంగా పెరగడానికి సరైన నూనెను ఎంచుకోవడం చాలా ముఖ్యం. కాబట్టి పిల్లల జుట్టు పెరుగుదలను మెరుగుపరచడానికి, జుట్టును ఆరోగ్యంగా ఉంచడానికి ఏ నూనె ఉత్తమమో, వారానికి ఎన్నిసార్లు వాడాలి అనే దాని గురించి ఈ పోస్ట్‌లో తెలుసుకుందాం.
పిల్లల జుట్టుకు ఏ నూనె ఉత్తమం?
పిల్లల జుట్టుకు బాదం నూనె చాలా మంచిది. బాదం నూనెలో ఒమేగా-3 పుష్కలంగా ఉంటుంది. ఇది జుట్టు కుదుళ్లను బలోపేతం చేయడమే కాకుండా, జుట్టు పెరుగుదలను కూడా పెంచుతుంది. ఇది కాకుండా, బాదం నూనెలో విటమిన్ E ఉంటుంది. ఇది జుట్టును మెరిసేలా ఉంచుతుంది. ఈ నూనె పిల్లల జుట్టులో సులభంగా గ్రహించడానికి సహాయపడుతుంది.
వారానికి ఎన్నిసార్లు వాడాలి:
పిల్లల జుట్టు ఆరోగ్యంగా ఉండాలంటే వారానికి కనీసం 2 సార్లు బాదం నూనెను వారి జుట్టుకు రాసుకోవాలి. పిల్లల జుట్టుకు సరైన పోషణ లభించాలంటే, వారి జుట్టు కుదుళ్లు బలంగా ఉండటం చాలా అవసరం. కాబట్టి పిల్లల జుట్టుకు నూనె రాసేటప్పుడు, ఆ నూనెను తలకు బాగా పట్టించాలి. పిల్లల తలను మీ వేళ్లతో మెల్లగా మసాజ్ చేయాలి. ఇలా చేయడం వల్ల పిల్లల తలలో నూనె శోషించబడి, కుదుళ్లను చేరుతుంది. దీని వల్ల వారి జుట్టు లోపలి నుంచి బలపడుతుంది.
బాదం నూనె ప్రయోజనాలు:
బాదం నూనెలో విటమిన్ E, మెగ్నీషియం, ఒమేగా కొవ్వు ఆమ్లాలు ఉంటాయి. అవి జుట్టు కుదుళ్లను బలోపేతం చేస్తాయి. అంతేకాకుండా, ఈ నూనెను తలకు రాసి మసాజ్ చేస్తే జుట్టు చిట్లడం, రాలడం తగ్గుతుంది.
ఇది కాకుండా, బాదం నూనె జుట్టు పొడిబారడాన్ని తగ్గించడానికి, చుండ్రు సమస్యను తొలగించడానికి కూడా ముఖ్యమైన పాత్ర పోషిస్తుంది. అంతేకాకుండా, ఈ నూనె జుట్టును మృదువుగా, మెరిసేలా ఉంచుతుంది. బాదం నూనె పిల్లల జుట్టు పెరుగుదలకు చాలా మంచిదని చెప్పడానికి ఇదే ప్రధాన కారణం.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి