తెలుగు రాాష్ట్రాల్లో మరీముఖ్యంగా హైదరాబాద్ లో ఉల్లి ధర ఒక్కసారిగా పెరిగింది. అయితే భవిష్యత్ లో ఈ దర మరింత పెరగవచ్చనే అంచనాలు సామాన్యులను కంగారు పెడుతున్నాయి. కాబట్టి ఇప్పుడే ఉల్లిపాయలు కొనిపెట్టుకోవడం మంచిది.
తెలంగాణ, ఆంధ్ర ప్రదేశ్ రాష్ట్రాల్లో ఉల్లి ధరలు అమాంతం పెరిగాయి. దీంతో సామాన్య ప్రజలు, గృహిణులు ఆందోళన చెందుతున్నారు. ముఖ్యంగా హైదరాబాద్ లోని మలక్ పేట్ కు ఉల్లి సరపరా తగ్గింది… దీంతో డిమాండ్ పెరిగి ధరలు కూడా పెరిగాయి. ప్రస్తుత పరిస్థితిని బట్టి చూస్తే రాబోయే రోజుల్లో ధరలు మరింత పెరిగే అవకాశం ఉందని వ్యాపారులు అంచనా వేస్తున్నారు.
25
ఉల్లి ధరలు ఎందుకు పెరుగుతున్నాయి?
ఉల్లి ధరల పెరుగుదలకు మహారాష్ట్రలో కురుస్తున్న భారీ వర్షాలే ప్రధాన కారణం. దేశంలో ఉల్లిపాయలు ఎక్కువగా పండించేది మహారాష్ట్ర, కర్ణాటక రాష్ట్రాలే. అయితే ప్రస్తుతం మహారాష్ట్రలో అత్యంత భారీ వర్షాలు కురుస్తున్నాయి… దీంతో ఉల్లి పంట దెబ్బతింది. అంతేకాదు ఉల్లి పంటు కోతకు, రవాణాకు ఈ వర్షాలు ఆటంకం కలిగిస్తున్నాయి. అందువల్లే తెలుగు రాష్ట్రాలకు ఉల్లి సరఫరా తగ్గి ధరలు పెరిగాయి.
హైదరాబాద్ లోని మలక్ పేట మార్కెట్ కు ప్రతిరోజు 20 వేల క్వింటాళ్ల ఉల్లిపంట వస్తుంది. కానీ ఇటీవల కాలంలో సరఫరా బాగా తగ్గి కేవలం పదివేల క్వింటాళ్ల లోపే వస్తోంది. ఒక్క హైదరాబాద్ లోనే కాదు ఇరు తెలుగు రాష్ట్రాల్లోనూ ఇదే పరిస్థితి… ఉల్లి సరఫరా తగ్గడం, డిమాండ్ పెరగడంతో ధరలు పెరిగాయి.
35
కిలో ఉల్లి ధర ఎంతో తెలుసా?
గత వారం కిలో ఉల్లిపాయలు రూ.20-25 అమ్మాయి… కానీ ఇప్పుడు రూ.30-40 అమ్ముతున్నాాయి. రైతు బజార్లలో ఈ ధరలు ఉన్నాయి… ఇక బయటి మార్కెట్లలో ఇంకా ఎక్కువ ధరకు అమ్ముతున్నారు. వారాంతం సంతల్లో రూ.100 కి 6-7 కిలోలు అమ్మగా ఇప్పుడు 3-4 కిలోలకు అమ్ముతున్నారు.
వర్షాలు ఇలాగే కొనసాగితే ఉల్లి సరఫరా మరింత తగ్గుతుందని మార్కెట్ వ్యాపారులు అంటున్నారు. అదే జరిగితే కిలో ఉల్లి ధర రూ.50 నుంచి రూ.60కి పెరిగే అవకాశం ఉందని హెచ్చరిస్తున్నారు. అయితే ఈ పెరుగుదల పూర్తిగా సరఫరా పరిస్థితిపైనే ఆధారపడి ఉంటుందని స్పష్టం చేశారు.
రోజూవారీ వంటల్లో ఉల్లి తప్పనిసరి. అందుకే ఉల్లి ధర పెరిగితే అది నేరుగా కుటుంబ బడ్జెట్పై ప్రభావం చూపుతుంది. ఇప్పటికే నిత్యావసరాల ధరల పెరుగుదలతో ఇబ్బంది పడుతున్న మధ్యతరగతి, పేద కుటుంబాలకు ఈ ఉల్లి ధరల పెరుగుదల అదనపు భారంగా మారుతుంది.
ఉల్లి ధర పెరిగినా, టమాటా సహా ఇతర కూరగాయల ధరలు ప్రస్తుతం నిలకడగానే ఉన్నాయి. సరఫరా పెరగడంతో నాటు టమాటా కిలో రూ.10 నుంచి రూ.20కి, హైబ్రిడ్ టమాటా రూ.30 నుంచి రూ.50కి అమ్ముతున్నారు. ఇతర కూరగాయల ధరల్లో పెద్దగా మార్పులేదని వ్యాపారులు చెబుతున్నారు.
55
ఉల్లి సెంచరీ కొడుతుందా?
ఉల్లి ధరలు పెరుగుతాయా లేదా మళ్లీ తగ్గుతాయా అనేది మహారాష్ట్రలోని వర్షాలు, మార్కెట్కు వచ్చే సరఫరా, ప్రభుత్వ ధరల నియంత్రణ చర్యలపై ఆధారపడి ఉంటుంది. ప్రస్తుత పరిస్థితుల్లో, రాబోయే కొన్ని రోజులు ఉల్లి మార్కెట్కు చాలా కీలకమని వ్యాపారులు భావిస్తున్నారు. ఉల్లి ధరలు రూ.100 దాటిన సందర్భాలు అనేకం ఉన్నాయి.. మళ్లీ అలాంటి పరిస్థితే వస్తుందేమోనని తెలుగు ప్రజలు భయపడిపోతున్నారు.
