ఆడామగ తేడాలేదు... ఆర్టిసి బస్సుల్లో ఉచితంగా ప్రయాణించే లక్కీ ఛాన్స్
తెలుగు రాష్ట్రాలు ఆర్టిసి బస్సుల్లో మహిళలకు ఉచిత ప్రయాణ సదుపాయం కల్పిస్తున్నాయి. అయితే తమిళనాడులో ఆడామగ తేడాలేకుండా ఏడాదిపాటు ఆర్టిసి బస్సుల్లో ఉచితంగా ప్రయాణించే లక్కీ ఛాన్స్ కల్పిస్తోంది.
స్కూళ్లకు వేసవి సెలవులు ప్రకటించారు. కాబట్టి ఈ ఎండలనుండి ఉపశమనం కోసం చాలామంది పిల్లలను తీసుకుని టూర్ ప్లాన్ చేస్తుంటారు. అంటే ఎండలు మండిపోతున్నా ప్రయాణాలు మాత్రం తగ్గవన్నమాట. సొంతూళ్లకు వెళ్లేవారు కొందరయితే చల్లని ప్రాంతాలకు విహారయాత్రలకు వెళ్లేవారు మరికొందరు. అయితే సెలవు రోజుల్లో రైళ్లలో ఖాళీ ఉండదు... ముందే రిజర్వేషన్లు చేసుకుంటారు. కాబట్టి ప్రజలు ప్రభుత్వ, ప్రైవేట్ బస్సుల్లో ప్రయాణించాలని ప్లాన్ చేస్తున్నారు.
అయితే ప్రజలను ఆకర్షించేందుకు ప్రైవేట్ ట్రావెల్స్ తో పోటీపడుతోంది తమిళనాడు ఆర్టిసి. తక్కువ ధరకే ప్రయాణ సౌకర్యం కల్పించడమే అద్భుతమైన ఆఫర్లు ఇస్తోంది. ఇలా తమిళనాడు ఆర్టిసిలో ప్రయాణించేవారికి జాక్పాట్ అవకాశం ఉంది. ఆన్లైన్లో టికెట్ బుక్ చేసుకుని 01.04.2025 నుండి 15.06.2025 వరకు ప్రయాణించేవారిలో 75 మంది ప్రయాణికులను కంప్యూటర్ ద్వారా ఎంపిక చేసి బహుమతులు ఇస్తామని ప్రకటించారు.