Viral Video: న‌డి రోడ్డుపై ముద్దులు, హ‌గ్గులు.. స‌న్‌రూఫ్ కారులో క‌పుల్ ర‌చ్చ‌. వైర‌ల్ వీడియో

సోష‌ల్ మీడియా విస్తృతి పెరిగిన త‌ర్వాత ఎప్పుడు ఎలాంటి వీడియోలు చూడాల్సి వ‌స్తుందో అర్థం కావడం లేదు. కొంద‌రు చేస్తున్న ప‌నులు చూస్తుంటే అస‌లు స‌మజం ఏటు పోతోంద‌న్న ప్ర‌శ్న‌లు వ‌స్తున్నాయి. తాజాగా ఇలాంటి ఓ సంఘ‌ట‌న నెట్టింట తెగ వైర‌ల్ అవుతోంది.

న‌డి రోడ్డుపై రొమాన్స్

బెంగళూరులోని ట్రినిటీ రోడ్‌ సమీపంలో ఓ యువజంట చేసిన హంగామా మాములుగా లేదు. హైవేపై ఓ కారు వేగంగా దూసుకెళ్తుంది. అదే సమయంలో ఓ కారు సన్‌రూఫ్‌ నుంచి బయటకు వచ్చిన యంగ్ కపుల్ హగ్ చేసుకుంటూ, కిస్ చేస్తూ కనిపించారు. సోమవారం రాత్రి ఈ సంఘటన చోటు చేసుకుంది. చుట్టూ ఎవరున్నారన్న విషయాన్ని కూడా మర్చిపోయిన జంట రెచ్చిపోయింది.

వైరల్ అవుతోన్న వీడియో

ఆ జంట చేస్తున్న ఘనకార్యాన్ని వెనకాల నుంచి వస్తున్న వాహనంలోని డ్రైవర్ కెమెరాలో రికార్డ్ చేశాడు. ఆ తర్వాత వీడియోను సోషల్ మీడియా ప్లాట్‌ఫారమ్‌లపై షేర్ చేయడంతో వేగంగా వైరల్ అయింది. కొంతమంది యూజర్లు ఈ వీడియోను బెంగళూరు పోలీసులకు ట్యాగ్ చేస్తూ పోస్ట్ చేశారు. వీరిపై కఠిన చర్యలు తీసుకోవాలని డిమాండ్ చేస్తూ కామెంట్స్ చేశారు.

అలర్ట్ అయిన పోలీసులు

ఈ విషయం కాస్త పోలీసుల దృష్టికి వ‌చ్చిన‌ట్లు తెలుస్తోంది. సోష‌ల్ మీడియాలో వీడియో పెద్ద ఎత్తున వైర‌ల్ కావ‌డంతో పోలీసులు వారి గురించి తెలుసుకునేందుకు ఆరా తీశారు. కారు నెంబ‌ర్ ప్లేట్ ఆధారంగా గుర్తించే ప‌నిలో ప‌డ్డ‌ట్లు తెలుస్తోంది. రోడ్డు నిబంధ‌న‌ల‌కు విరుద్ధంగా ఇలా ప్ర‌వ‌ర్తించ‌డంతో వారికి ముమ్మాటికీ శిక్ష ప‌డుతుంద‌ని ప‌లువురు అభిప్రాయ‌ప‌డుతున్నారు.

ఫైర్ అవుతోన్న నెటిజ‌న్లు

ఈ సంఘ‌ట‌న‌పై నెటిజ‌న్లు ఓ రేంజ్‌లో ఫైర్ అవుతున్నారు. నాలుగు గోడ‌ల మ‌ధ్య చేయాల్సిన ప‌ని ఇలా బ‌హిరంగంగా చేయ‌డానికి బుద్ధి ఉండాల‌ని కొంద‌రు కామెంట్స్ చేస్తున్నారు. ఫ్యాంట‌సీలు కోరుకోవ‌డం త‌ప్పు లేదు కానీ అది ప‌క్క‌వారికి ఇబ్బంది క‌లిగేలా ఉండ‌కూడ‌ద‌ని మ‌రికొంద‌రు భావిస్తున్నారు. ఇలాంటి వారిని క‌చ్చితంగా శిక్షించాల‌ని డిమాండ్ చేస్తున్నారు.

వైరల్ అవుతోన్న వీడియో ఇదే..