Phone Number: మనం రోజూ వాడే ఫోన్ కి ఫోన్ నెంబర్ ఉంటుంది కదా.. ఆ ఫోన్ నెంబర్ కేవలం 10 నెంబర్లే ఎందుకు ఉంటుంది? ఇది ఎప్పుడైనా ఆలోచించారా? దీని వెనక ఏదైనా కారణం ఉందా?
ఈ రోజుల్లో చేతిలో మొబైల్ ఫోన్ లేని వాళ్లు ఎవరూ లేరు అనే చెప్పాలి. ఒక ఫ్యామిలీలో నలుగురు ఉంటే... ఆ నలుగురికీ ఒక్కో ఫోన్ ఉంటుంది. అసలు.. ఫోన్ లేకుండా రోజు గడవని కాలం ఇది. ఫోన్ కాల్స్ మాట్లాడటం దగ్గర నుంచి ఆఫీసు వర్క్ లు, ఆన్ లైన్ బిల్స్ చెల్లించడం వరకు అన్నీ ఫోన్ లోనే చేసేస్తున్నారు. అయితే.. మనం ఉదయం లేచిన దగ్గర నుంచి .. రాత్రి పడుకునే వరకు ఎక్కువ సమయం ఆ ఫోన్ తోనే గడుపుతున్నాం. మరి.. అలాంటి ఫోన్ కి ఉండే ఫోన్ నెంబర్ గురించి ఎప్పుడైనా ఆలోచించారా? మన దేశంలో అందరి ఫోన్ నెంబర్లు కేవలం 10 అంకెలే ఉంటాయి. అసలు 10 నెంబర్లే ఎందుకు ఉన్నాయి? ఒకటి ఎక్కువో లేదంటే.. ఒకటి తక్కువో ఎందుకు లేదు..? ఇలా పది అంకెలు ఉండాలని ఎవరు డిసైడ్ చేశారు? దీని గురించి పూర్తి వివరాలు ఇప్పుడు తెలుసుకుందాం...
23
మొబైల్ నెంబర్ బ్యాకెండ్ స్టోరీ ఇదే..
మనలో చాలా మంది మొబైల్ నెంబర్ సెలక్ట్ చేసుకొనేటప్పుడు చాలా జాగ్రత్త తీసుకుంటారు. తమ లక్కీ నెంబర్ ఉందా? ఫ్యాన్సీ నెంబర్ ఉందా అని చూసి మరీ తీసుకుంటారు. అయితే.. మనకు టెలికాం కంపెనీ నెంబర్ కేటాయించడం వెనక మన దేశ జనాభా మీద ఆధారపడి ఉంటుందని మీకు తెలుసా? మన దేశంలో మొబైల్ సేవలు మొదలైన కొత్తలో దానిని వినియోగించే వారి సంఖ్య చాలా తక్కువగా ఉండేది. కానీ.. తర్వాతర్వాత బాగా పెరిగిపోయింది. ఇప్పుడు మనిషికి ఒక ఫోన్ నెంబర్ ఉంటుంది. తక్కువ సంఖ్యతో ఫోన్ నెంబర్ ఉండేలా డిజైన్ చేసుకుంటే... వాడకం పెరిగే కొద్దీ నెంబర్లు తగ్గిపోతాయి. కొత్త నెంబర్లు ఇవ్వడానికి ఆస్కారం ఉండదు. అదే పది అంకెల నెంబర్ పెడితే.. ఫోన్ వాడే జనాభా పెరిగినా నెంబర్లు తగ్గిపోతాయి అనే భయం ఉండదు. కొత్త నెంబర్ సృష్టించే ఆస్కారం ఉంటుంది. అందుకే.. టెలికాం ఈ నిర్ణయం తీసుకుంది.
33
మొబైల్ నెంబర్ లో మొదటి నెంబర్...
ఇక.. మొబైల్ ఫోన్ వాడకంలో వచ్చిన మొదట్లో అందరి ఫోన్ నెంబర్ 9 అంకెతోనే మొదలయ్యేవి. తర్వాత వాడకం పెరిగాక ఈ సీరిస్ మారిపోయింది. ఇప్పుడు 6,7,8,9 వంటి అంకెల తో ఫోన్ నెంబర్ మొదలౌతుంది.ఇలా ఈ నెంబర్ లతో మొబైల్ నెంబర్ మొదలవ్వడం వల్ల.. ఇతర టెలిఫోన్ సేవల నెంబర్లకు, నార్మల్ ఫోన్ నెంబర్లకు తేడా తెలుస్తుంది. అంతేకాదు.. ఒకే నెంబర్ ఇద్దరు వ్యక్తులకు కేటాయించకుండా ఉండేందుకు చాలా జాగ్రత్తలు తీసుకుంటారు.
భారత్ లో 10 అంకెల మొబైల్ నంబర్ విధానం కారణంగానే ఇప్పుడు కోట్ల మంది ఫోన్ నెంబర్లు వాడుతున్నా కూడా కొత్త నెంబర్లు వస్తూనే ఉన్నాయి. ఎవరికీ ఇబ్బంది ఉండటం లేదు. అంతేకాకుండా.. ఎవరైనా ఒక నెంబర్ ని చాలా కాలం పాటు వాడకుండా వదిలేస్తే.. అప్పుడు మాత్రమే ఆ నెంబర్ ని మరొకరికి కేటాయిస్తారు.
