ఎండు మిరపకాయలు, సుగంధ ద్రవ్యాలు, నూనె ఉపయోగించి ఈ చిల్లీ ఆయిల్ ను తయారు చేస్తారు. ఈ చిల్లీ ఆయిల్ ను మామూలుగా వంటకాలను జింగీ టచ్ జోడించడానికి వాడతారు. ఈ చిల్లీ ఆయిల్ జీవక్రియ రేటును పెంచుతుంది. జీర్ణక్రియను మెరుగుపరచడంలో, బరువు తగ్గడంలో సహాయపడుతుంది.
ప్రతి వంటకంలోనూ ఒక రహస్య పదార్ధం ఉంటుంది. అది ఆ వంటకానికి క్లాసిక్ టచ్ ఇస్తుంది. అలా అనేక రెస్టారెంట్స్, ఒరియంటల్ ఫుడ్స్ లో ఉపయోగించే సీక్రెట్ ఇంగ్రీడియంట్ మిరపకాయ నూనె. దీన్ని ఇంట్లోనే తయారు చేసుకోవచ్చు. వంటకాల రుచిని పెంచుకోవచ్చు.
దీనికోసం అసలు చిల్లీ ఆయిల్ ఏంటే ఏంటో చూద్దాం. ఎండు మిరపకాయలు, సుగంధ ద్రవ్యాలు, నూనె ఉపయోగించి ఈ చిల్లీ ఆయిల్ ను తయారు చేస్తారు. ఈ చిల్లీ ఆయిల్ ను మామూలుగా వంటకాలను జింగీ టచ్ జోడించడానికి వాడతారు. ఈ చిల్లీ ఆయిల్ జీవక్రియ రేటును పెంచుతుంది. జీర్ణక్రియను మెరుగుపరచడంలో, బరువు తగ్గడంలో సహాయపడుతుంది. వీటన్నింటితో పాటు.. ఈ నూనె నొప్పిని తగ్గించడంలోనూ సహాయపడుతుంది.
చిల్లీ ఆయిల్ ను ఓరియంటల్, చైనీస్ వంటకాల్లో వాడితే టేస్ట్ అదిరిపోతుంది. వీటిని ఇంట్లో తయారు చేసినప్పుడు ఆ టేస్ట్ రాకపోవడానికి కూడా ఒక కారణం చిల్లీ ఆయిల్. దీన్ని ఇంట్లోనే ఈజీగా తయారు చేసుకోవచ్చు.
చిల్లీ ఆయిల్ తయారీకి కావలసిన పదార్థాలు
9 కాశ్మీరీ ఎండు మిరపకాయలు
8 ఎండు మిరపకాయ
2 టేబుల్ స్పూన్లు - వేయించిన వెల్లుల్లి
2 టేబుల్ స్పూన్లు - వేయించిన ఉల్లిపాయ
1 టేబుల్ స్పూన్ - ఉప్పు
1.5 స్పూన్ - చక్కెర
2 - స్టార్ సొంపు
3-4 - సిచువాన్ మిరియాలు లేదా తైమూర్
2 టీస్పూన్లు - డార్క్ సోయా సాస్
½ కప్పు - వేడి నూనె
దీన్ని ఎలా తయారు చేయాలంటే... ఒక పాన్ తీసుకుని, దీంట్లో ఎండు మిరపకాయలు వేసి.. గలగలలాడే వరకు వేయించాలి. ఆ తరువాత, బ్లెండర్ లో వేయించిన ఎండు మిరపకాయలు, వెల్లుల్లి, ఉల్లిపాయ, ఉప్పు, పంచదార వేసి బరుకుగా మిక్సీ చేసుకోవాలి.
తరువాత ఈ మిశ్రమాన్ని ఒక గాజు జార్ లోకి తీసుకోవాలి. ఇప్పుడు దీనికి సిచువాన్ మిరియాలు, సోంపు, సోయా సాస్ కలపాలి. ఏదైనా వంట నూనెను దీనికి కలపాలి. ముఖ్యంగా వేడి నువ్వుల నూనె అయితే చాలా బెటర్. ఈ నూనెను వేసి బాగా కలిపి, గట్టిగా మూత బిగించాలి.
అంతే చిల్లీ ఆయిల్ రెడీ అయిపోయినట్టే. ఇక ఇది వాడకానికి సిద్ధం అయినట్టే... దీన్ని మీరు రామెన్స్, డిమ్సమ్స్, స్టూలకు కలిపితే టేస్ట్ అదిరిపోతుంది. వీటితోపాటు నూడిల్ బౌల్స్, దేశీ ఖిచ్డి, వోట్ మీల్స్ కు కూడా కలుపుకుని ఆ రుచిని ఆస్వాదించవచ్చు.