Trisha Fitness: 43 ఏళ్ల వయసులో త్రిష అంత అందంగా ఉండటానికి కారణం ఈ ఫుడ్స్

Trisha Fitness:  హీరోయిన్ త్రిష వయసు 43వ పుట్టినరోజును నిర్వహించుకుంది. అంత వయసులోనూ ఆమె కుర్ర హీరోయిన్లకు పోటీ ఇచ్చేలా అందంగా కనిపిస్తోంది.తన అందం, ఫిట్‌నెస్ వెనుకున్న రహస్యాలను ఆమె షేర్ చేసుకున్నారు.

నలభై ఏళ్లు దాటినా అదే అందం

తమిళ, తెలుగు సినీ అభిమానులకు త్రిష కృష్ణన్ ఎంతో అభిమాన నటి. ఆమెను తన మొదటి సినిమాలో చూసినప్పటి చలాకీతనం, గ్లో ఇప్పటికీ ఆమెలో అలాగే కనిపిస్తున్నాయి. మే 4న త్రిష తన 43వ పుట్టినరోజు నిర్వహించుకుంది. 20 ఏళ్ల వయసులో ఎంత అందంగా ఉందో ఇప్పుడు కూడా అలాగే ఉండడం అభిమానులను ఆశ్చర్యపరుస్తోంది. దీన్నే చాలామంది 'రివర్స్ ఏజింగ్' అంటుంటే, త్రిష మాత్రం సింపుల్ గా తన డైట్ వల్లే ఇలా ఉన్నానని చెబుతోంది.

త్రిష వీటిని తినదు

'మనం తినే ఆహారాన్ని బట్టే మన ముఖంలో మెరుపు కనిపిస్తుంది' అని త్రిష నమ్ముతుంది. అందుకే జంక్ ఫుడ్, నూనెలో వేయించిన పదార్థాలు ఆమె తినేందుకు ఇష్టపడదు.  పోషకాలు నిండిన, ఇంట్లో వండిన భోజనానికే ఆమె ఎక్కువ ప్రాధాన్యత ఇస్తారు. అధిక మసాలాలు, కృత్రిమ పదార్థాలు లేకుండా సింపుల్‌గా తినడం వల్లే తన  చర్మం సహజమైన మెరుపుతో ఉందని త్రిష చాలా సార్లు ఇంటర్య్వూలలో చెప్పారు.

త్రిష తినే ఫుడ్స్

త్రిష ఉదయం లేవగానే కాఫీ, టీలను తాగదు.  గోరువెచ్చని నీటిలో నిమ్మరసం తాగుతుంది.  లేదా శరీరం నుంచి విష పదార్థాలను బయటకు పంపే గ్రీన్ టీ తీసుకుంటుంది. ఇది శరీరాన్ని శుభ్రపరిచి, జీర్ణక్రియను సులభతరం చేస్తుంది. తన ముఖంలోని మెరుపుకు ఇదే ముఖ్య కారణమని ఆమె చాలాసార్లు చెప్పారు.

చర్మ ఆరోగ్యం కోసం విటమిన్ సి నిండుగా ఉండే సిట్రస్ పండ్ల పాత్ర గురించి త్రిషకు బాగా తెలుసు. ఆరెంజ్, నిమ్మకాయ వంటి విటమిన్ సి ఎక్కువగా ఉండే పండ్లను ఆమె అధికంగా తింటుంది. ఇది చర్మంలో కొల్లాజెన్ ఉత్పత్తిని పెంచి, వృద్ధాప్య ఛాయలు రాకుండా ఇది అడ్డుకుంటుంది. దానితో పాటు, రోజూ పుష్కలంగా నీళ్లు తాగి చర్మాన్ని హైడ్రేటెడ్‌గా ఉంచుకుంటారు.

జిమ్ లో సులువైన వ్యాయామాలు

ఫిట్‌నెస్ విషయంలో త్రిష చాలా క్రమశిక్షణగా ఉంటుంది.  కేవలం జిమ్ వర్కవుట్లే కాకుండా, పైలేట్స్, స్ట్రెంత్ ట్రైనింగ్, కార్డియో వ్యాయామాలను ఆమె క్రమం తప్పకుండా చేస్తారు. వ్యాయామం రక్త ప్రసరణను పెంచి, చెమట ద్వారా విష పదార్థాలను బయటకు పంపుతుంది. ఇది చర్మానికి సహజమైన గ్లో ఇస్తుంది.

షూటింగ్ పూర్తయి ఇంటికి రాగానే, మేకప్‌ను సరిగ్గా తొలగించడం, చర్మాన్ని మాయిశ్చరైజ్ చేసుకోవడం ఆమె మర్చిపోరు. అన్నింటికంటే ముఖ్యంగా, మనసును ఒత్తిడి లేకుండా ఉంచుకోవడం, తగినంత నిద్రపోవడమే తన అందానికి మూలమని త్రిష గుర్తుచేస్తున్నారు.