Leafy Greens: కూరగాయలు ఎప్పుడూ కేజీల్లోనే అమ్ముతారు. కానీ, ఆకు కూరలు మాత్రం.. కేజీల్లో కాకుండా.. కట్టలుగా కట్టి అమ్ముతుంటారు? అన్ని కూరగాయల్లా ఆకుకూరలను ఎందుకు తూకం వేయరు? దీని వెనక కారణం ఏంటి?
మనం మార్కెట్లో కూరగాయలు కొనుగోలు చేస్తూ ఉంటాం. అయితే.. ఏ కూరగాయ అయినా.. కేజీల లెక్కన అమ్ముతారు. కానీ.. ఆకు కూరలను మాత్రం కట్టల రూపంలో కట్టి అమ్ముతారు. ఇది కేవలం బిజినెస్ ట్రిక్ అని చాలా మంది అనుకుంటారు. కానీ, ఇలా అమ్మడం వెనక సైంటిఫిక్ రీజన్ కూడా ఉందని నిపుణులు చెబుతున్నారు. ఆ కారణం ఏంటో ఇప్పుడు తెలుసుకుందాం….
24
అసలు కారణం ఇదే...
ఆకు కూరలు చాలా తొందరగా వాడిపోతాయి. విడివిడిగా పెడితే గాలికి తొందరగా వడలిపోతాయి. ఎండిపోతాయి. వాటటిని కొనడానికి ఎవరూ పెద్దగా ఇష్టపడరు. అలా కాకుండా.. ఆకు కూరలను కట్టలుగా కట్టినప్పుడు, లోపలి ఆకులు తేమను ఎక్కువగా నిలిపి ఉంచుతాయి. దీంతో.. ఆకు కూరలు చాలా తాజాగా ఉంటాయి.
34
వేర్లతో పీకడానికి కారణం..
ఆకు కూరలను సాధారణంగా వేర్లతో సహా పీకుతారు. వేర్లతో కలిపి కట్ట కట్టినప్పుడు, వేర్లలోని తేమ ఆకులకు అందుతుంది. ఇది ఆకుకూరలు ఎక్కువ సేపు పచ్చగా ఉండేలా చేస్తుంది. ఇదే ఆకులను విడివిడిగా ఉంచితే.. గంటలోనే నల్లగా మారిపోతాయి.
రవాణా చేయడం సులభం..
రైతులు పొలం నుంచి మార్కెట్ కు తెచ్చేటప్పుడు ఆకు కూరలు నలిగిపోతాయి. ఇతర కూరగాయల బరువుకు ఆకులు సులభంగా నలిగిపోతాయి.
అలా నలిగిపోకుండా ఉండాలంటే.. ఆకు కూరలు కట్టలుగా కడతారు. ఇలా చేయడం వల్ల ఆకు కూరలు నలిగిపోకుండా తాజాగా ఉంటాయి. కట్టలు కట్టడం వల్ల వాటికి అవి రక్షణ కవచంలా ఉంటాయి. తాజాగా మార్కెట్ లోకి అడుగుపెతాయి.
ఆకుకూరలను కేజీల లెక్కన తూకం వేయడం వ్యాపారులకు, కస్టమర్లకు కొంచెం కష్టమైన పని. ఎందుకంటే మనం ఏ ఆకుకూరనైనా చాలా తక్కువ మోతాదులో (ఉదాహరణకు 5 లేదా 10 రూపాయలకు) కొంటాం. అలాంటప్పుడు కట్టలైతే ఇంత ధర అని చెప్పి అమ్మడం సులభం అవుతుంది.
5. రుచి, పోషకాల సంరక్షణ: ఆకుకూరలను విడిగా ఉంచినప్పుడు వాటి సువాసన, పోషకాలు త్వరగా ఆవిరైపోతాయి. కట్టల రూపంలో గట్టిగా ఉండటం వల్ల వాటి సహజ సువాసన, రుచి ఉంటాయి. కాబట్టి, తర్వాతిసారి మార్కెట్లో ఆకుకూరలు కొనేటప్పుడు ఈ కారణాలు గుర్తుంచుకోండి!
