మన ముఖం గురించి మనకు ఇన్ని విషయాలు తెలియవా?

ఒక వ్యక్తిలో మనకు ముందుగా కనిపించేది వాళ్ల ముఖమే. మనం చూసేది కూడా వాళ్ల ముఖాన్నే. ముఖం మనకు ఎన్నో భావాలను చెప్తుంది. ముఖం అసలు ఎందుకు ఉంది అంటే ఏం చెప్తారు..? పోనీ ఈ సంగతి పక్కన పెట్టండి ముఖం గురించి మీకు ఏమేమి తెలుసు? నిజానికి మనలో చాలా మందికి మన గురించి ఎన్నో విషయాలు తెలియవు. పదండి మన ముఖం గురించి మనకే తెలియని విషయాల గురించి ఇప్పుడు తెలుసుకుందాం..  

skin care

మన ముఖంలో 14 ఎముకలు, 40 కండరాలు, 32 దంతాలు ఉంటాయి. ఇవి లేకుండా మనం తినలేం. ఏమీ తాగలేం. మాట్లాడలేం. కమ్యూనికేట్ చేయలేము. భావాలను వ్యక్తం చేయలేం. అలాగే ముద్దు కూడా పెట్టుకోలేం. 

మనం ముఖం తిప్పడానికి 11 కండరాలు అవసరపడతాయి. 

మనం నవ్వడానికి 12 ముఖ కండరాలు అవసరం.

మన కళ్ల చుట్టూ ఉన్న చర్మం మన ముఖంపై ఉన్న చర్మం కంటే చాలా సన్నగా ఉంటుంది. 

మనం ముఖంలో మనం 10,000 ప్రత్యేకమైన ముఖ కవళికలను అంటే హావ భావాలను వ్యక్తపరచగలం తెలుసా? 

మన ముఖంపై మన చర్మం మూడు వేరువేరు పొరలను కలిగి ఉంటుంది. 1. బాహ్యచర్మం , 2. చర్మం , 3.సబ్కటానియస్.

నిజమైన ఆనందం మన కళ్లలో కనిపిస్తుంది. ఇక మన బాధ మన గడ్డంలోనే కనిపిస్తుంది. అంటే గదవలో. 

మనం ఒక విషయాన్ని చెప్పడానికి మన చర్మానికి 21 ముఖ కండరాలు అవసరపడతాయి. 

మనం సంతోషంగా ఉన్నట్టు నటిస్తూ, నవ్వడానికి మన నోటి కండరాలను తెలివిగా మార్చొచ్చు.

మన ముఖంలో 14 ఎముకలు ఉంటాయి. మన ముఖంలో కదలగల ఏకైక ఎముక విభాగం మాండిబుల్. అంటే దవడ ఎముక. కింది దవడ మాత్రమే కదులుతుంది.

వృద్ధాప్యం మన ముఖంలోని ఎముకలతో సహా ఎముక ద్రవ్యరాశిని కోల్పోతుంది. అంటే వయస్సు పెరిగే కొద్దీ మన ముఖం కుంచించుకుపోతుందన్న మాట.

నిజమైన చిరునవ్వు మన కళ్లను  మరింత ప్రకాశవంతంగా చేస్తుంది. 

మనం నమలడానికి ఉపయోగించే కండరమైన మస్సెటర్ మానవ శరీరంలో అత్యంత బలమైన కండరం. దీని బరువు కంటే 80 రెట్లు ఎక్కువను బరువును లాగగలదు.

మన శరీరంలోని మిగిలిన భాగాల మాదిరిగానే మనం ముఖ కండరాలకు వ్యాయామం చేస్తే అది వాటిని టోన్ చేస్తుంది. దృఢపరుస్తుంది. 

మన చర్మం ఉపరితలం కింద ఉన్న చిన్న కేశనాళికల సంఖ్య కారణంగా పెదవులు ఎర్రగా ఉంటాయి. కేశనాళికలలో రక్తం ఆక్సిజన్ ను కలిగి ఉంటుంది. ఇది ఎర్రగా చేస్తుంది. 

వయసు పెరిగే కొద్దీ మన ముక్కు పొడవుగా కిందకు జారుతుంది. ఇక మన చెవులు పెరుగుతూనే ఉంటాయి. 

మన ముఖ కవళికలు 6 రకాలు.. అవి సంతోషం, విచారం, కోపం, అసహ్యం, ఆశ్చర్యం,  భయం.