ఈ కారణాల వల్లే రోజంతా సోమరిగా, అలసిపోయినట్టుగా ఉంటారు

కొంతమంది ఏ చిన్న పనిచేసినా.. మొత్తమే చేయకపోయినా.. బాగా అలసిపోయినట్టుగా కనిపిస్తారు. ఇలా కావడానికి కారణాలు కూడా కారణాలుంటాయంటున్నారు ఆరోగ్య నిపుణులు.   

యాక్టీవ్ గా ఉంటేనే ఎంతైటి కష్టమైన పనినైనా చేయగలుగుతాం. అయితే కొంతమంది మాత్రం చిన్న చిన్న పనులను కూడా చేయలేకపోతుంటారు. ఆహారం తిన్నా.. లేజీగా, అలసిపోయినట్టుగానే కనిపిస్తారు. అయితే ఇలా కనిపించడానికి కారణాలున్నాయంటున్నారు ఆరోగ్య నిపుణులు. అవేంటో ఇప్పుడు తెలుసుకుందాం.. 

ఇనుము లోపం

శరీరంలో ఇనుము లోపిస్తే కూడా బాగా అలసటగా అనిపిస్తుంది. రోజంతా అలసిపోయినట్టుగానే ఉన్నా.. నిద్రపోయినా అలసిపోతున్నట్టైతే మీ ఒంట్లో ఇనుము లోపం ఏర్పడిందని అర్థం చేసుకోండి. ఇందుకోసం ఐరన్ ఎక్కువగా ఉండే ఆహారాలను తీసుకోండి. 

నిద్రలేమి

నిద్రలేమి కూడా అలసటకు దారితీస్తుందంటున్నారు ఆరోగ్య నిపుణులు. రాత్రి పూట సరిగ్గా నిద్రపోకపోతే ఆ రోజంతా అలసిపోయిట్టుగానే ఉంటారు. సోమరితనం, అలసట, ఆస్తమ  వంటి సమస్యల నుంచి ఉపశమనం లభించాలంటే మీరు రాత్రి కంటి నిండా నిద్రపోవాలి. ఒక వేళ రాత్రిళ్లు నిద్రలేకపోతే.. ఆ రోజంతా లేజీగా ఉంటుంది. 

ఒత్తిడి

ఒత్తిడి కూడా అలసటకు కారణమవుతుంది. తరచుగా ఒత్తిడికి గురైతున్నట్టైతే వెంటనే వైద్యుడిని సంప్రదించండి. లేదంటే ధ్యానం చేయండి. ఇది ఒత్తిడిని తగ్గిస్తుంది. అలాగే అలసటను కూడా దూరం చేస్తుంది. 

అనారోగ్యకరమైన ఆహారం

అనారోగ్యకరమైన ఆహారాలను తీసుకుంటే కూడా శరీరం బద్దకంగా, బలహీనంగా, అలసిపోతుంది. ముఖ్యంగా అనారోగ్యకరమైన ఆహారాలను తింటే ఎన్నో అనారోగ్య సమస్యలు వస్తాయి.  ఎందుకంటే వీటివల్ల శరీరంలో ప్రోటీన్లు, విటమిన్ల లోపం ఏర్పడుతుంది. దీంతో శరీరం అలసిపోతుంది. అందుకే ఆరోగ్యానికి మేలు చేసే ఆహారాలనే తినాలని ఆరోగ్య నిపుణులు సూచిస్తున్నారు. 

డీహైడ్రేషన్

డీహైడ్రేషన్ కూడా అలసటను కలిగిస్తుంది. రోజుకు 8 నుంచి 10 గ్లాసుల నీటిని తాగితే శరీరం ఆరోగ్యంగా ఉంటుంది. ఇంతకు మించి తక్కువగా నీటిని తాగితే బాడీ డీహైడ్రేషన్ బారిన పడుతుంది. దీంతో బాడీ బాగా అలసటకు గురవుతుంది. అందుకే నీటిని ఎక్కువగా తాగుతూ ఉండండి. 

వ్యాయామం ఎక్కువగా చేయడం

మన శరీరానికి వ్యాయామం అవసరం. వ్యాయామంతోనే శరీరం ఆరోగ్యం, ఫిట్ గా ఉంటుంది. అలా అని ఎక్కువ సేపు వ్యాయామం చేస్తే మాత్రం విపరీతంగా అలసిపోతారు. అంతేకాదు ఓవర్ గా వ్యాయామం చేయడం వల్ల ఎన్నో అనారోగ్య సమస్యలు తలెత్తుతాయి. అందుకే నిపుణుడి సలహా తీసుకుని వ్యాయామం చేయండి.