ఎప్పుడూ నవ్వుతూ ఉండే వాళ్లను చూసి మనం సాధారణంగా “వీళ్ల జీవితం చాలా హ్యాపీగా ఉంటుందేమో” అనుకుంటాం. కానీ నిజంగా అలా ఉంటుందా? నవ్వు ఎప్పుడూ సంతోషానికి మాత్రమే సంకేతమా, లేక మనసులోని భావాలను దాచే మాస్కా? దీని గురించి సైకాలజీ ఏం చెప్తోందో తెలుసా?
ఎప్పుడూ నవ్వుతూ, చుట్టూ ఉన్నవారికి పాజిటివ్ ఎనర్జీని పంచే వాళ్లను చూసి “వీళ్లకు అసలు బాధలే ఉండవా?” అని చాలామంది అనుకుంటారు. కానీ సైకాలజీ విశ్లేషణల ప్రకారం, ఎప్పుడూ నవ్వుతూ ఉండడం సంతోషానికి మాత్రమే సంకేతం కాదు. దాని వెనుక చాలా లోతైన మానసిక కారణాలు ఉండొచ్చు. నవ్వు అనేది మనిషి భావోద్వేగాలను వ్యక్తపరిచే మార్గం మాత్రమే కాదు, కొన్నిసార్లు తనను తాను రక్షించుకునే ఒక మాస్క్ కూడా. ఇంతకీ ఎప్పుడూ నవ్వుతూ ఉండేవాళ్ల మనస్తత్వం ఎలా ఉంటుంది? వారి గురించి సైకాలజీ ఏం చెప్తోందో ఇక్కడ చూద్దాం.
26
పాజిటివ్ పర్సనాలిటీ..
సైకాలజీ ప్రకారం కొంతమంది వ్యక్తులు సహజంగానే పాజిటివ్ పర్సనాలిటీ కలిగి ఉంటారు. చిన్న విషయాల్లో కూడా వీరు ఆనందాన్ని వెతుక్కుంటారు. సమస్యలను పెద్దగా తీసుకోరు. ఇలాంటి వ్యక్తులు ఒత్తిడిని నవ్వుతో ఎదుర్కొనే ప్రయత్నం చేస్తారు. సైకాలజీ ప్రకారం ఇలాంటి వ్యక్తులు మెదడులో డోపమైన్, సెరోటోనిన్ వంటి సహజ రసాయనాలను సమతుల్యంగా ఉత్పత్తి చేసుకునే సామర్థ్యం కలిగి ఉంటారు. అందువల్ల వీరు కష్టమైన పరిస్థితుల్లోనూ తమ భావోద్వేగాలను కంట్రోల్ చేసుకోగలుగుతారు.
36
నవ్వును మాస్క్ లా..
నిత్యం నవ్వుతూ ఉండే ప్రతీ వ్యక్తి లోపల కూడా సంతోషంగా ఉంటారని చెప్పలేము. కొందరు తమ బాధను బయటపెట్టకుండా దాచుకోవడానికి నవ్వును ఒక మాస్క్ లా ఉపయోగిస్తారని సైకాలజీ చెబుతోంది. వీరు తమ సమస్యలతో ఇతరులను బాధ పెట్టకూడదనే భావనతో, లేదా తమ బలహీనత బయటపడకూడదనే భయంతో నవ్వుతూ ఉంటారు. బయటికి చాలా హ్యాపీగా కనిపించినా లోపల మాత్రం ఒంటరితనం, ఒత్తిడి, భావోద్వేగ భారం మోస్తూ ఉంటారు.
మరొక కోణంలో చూస్తే, ఎప్పుడూ నవ్వే వాళ్లలో చాలామంది ఇతరులను సంతోషపెట్టే స్వభావం కలిగి ఉంటారు. వీరు కుటుంబం, స్నేహితులు, తోటివారు హ్యాపీగా ఉండాలని కోరుకుంటారు. అందుకోసం తమ బాధను పక్కన పెట్టి నవ్వుతారు. అయితే వీరు ఇతరుల అవసరాలను ముందుగా చూసి, తమ అవసరాలను పట్టించుకోకపోవడం వల్ల దీర్ఘకాలంలో మానసిక సమస్యలు ఎదుర్కోవాల్సి రావొచ్చని సైకాలజీ నిపుణులు చెబుతున్నారు.
56
సెన్స్ ఆఫ్ హ్యూమర్ ఉన్న వ్యక్తులు
కొంతమంది జీవితంలో ఎదురైన బాధలు, అపజయాలు, నష్టాలు వారిని మరింత బలంగా మార్చుతాయి. నవ్వు ద్వారా పరిస్థితిని తేలికగా తీసుకోవడం, బాధను తగ్గించుకోవడం వీరి లక్ష్యం. సైకాలజీ ప్రకారం సెన్స్ ఆఫ్ హ్యూమర్ ఉన్న వ్యక్తులకు ఒత్తిడి తక్కువగా ఉంటుంది. సమస్యలను పరిష్కరించడంలో కొంచెం క్లియర్గా ఆలోచిస్తారు. నవ్వు వారికి ఒక శక్తివంతమైన ఆయుధంలా పనిచేస్తుంది.
66
పెరిగిన వాతావరణం
కుటుంబ వాతావరణం కూడా ఈ అలవాటుకు కారణం కావచ్చు. చిన్నప్పటి నుంచి “ఎప్పుడూ నవ్వుతూ ఉండాలి”, “బాధ పడొద్దు” అనే మాటలు వినుకుంటూ పెరిగినవాళ్లు పెద్దయ్యాక కూడా అదే అలవాటును కొనసాగిస్తారు. భావోద్వేగాలను వ్యక్తపరచడం బలహీనత అన్న భావన వీరి మనసులో బలంగా పాతుకుపోతుంది.
కాబట్టి నవ్వు వెనుక ఉన్న భావాలను గౌరవించడం, అవసరమైతే వాళ్లను అడిగి తెలుసుకోవడం, భావోద్వేగాలకు స్థానం ఇవ్వడం ముఖ్యమని సైకాలజీ చెప్తోంది.
