బెస్ట్ ఫ్రెండ్ పెళ్లి చాలా చాలా స్పెషల్ కదా..! అందుకే ఈ పెళ్లి ఏం వేసుకోవాలి? ఏ పాటకు డాన్స్ చేయాలి? వంటి విషయాలపై ముందే ప్లానింగ్ చేసుకుంటుంటారు. కానీ షాపింగ్ విషయానికి వస్తే చీర తప్ప మరేం వేసుకోవాలో తోచదు. చీర ఒక్కటే కాదు.. బెస్ట్ ఫ్రెండ్ పెళ్లిలో మీరు అందంగా కనిపించడానికి ఎలాంటి డ్రెస్సులు వేసుకోవాలో ఇప్పుడు తెలుసుకుందాం పదండి.
బెస్ట్ ఫ్రెండ్ పెళ్లి అనేది చాలా పెద్ద ఈవెంట్. ఎందుకంటే ఇక్కడ మీరు వధువుతో కలిసి ఎన్నో ఏర్పాట్లు చేయాల్సి ఉంటుంది. లెహంగా నుంచి ఆభరణాలు, చెప్పులు, షాపింగ్ వరకు మీ నిర్ణయం ఉంటుంది. ఎందుకంటే పెళ్లి చాలా స్పెషల్ కాబట్టి ఇక్కడ కూడా స్టైలిష్ గా కనిపించాలని ఒత్తిడి కూడా ఉంటుంది. ఇలాంటి పరిస్థితుల్లో డిఫరెంట్ లుక్ కోసం ఏం వేసుకోవాలనేది పెద్ద సవాలే మరి.
సాధారణంగా చాలా మంది చీరలు, సూట్లు, లెహంగాలను పెళ్లిళ్లకు ఖచ్చితంగా వేసుకెళుతుంటారు. కానీ మీరు వీటిలో కొంచెం భిన్నంగా ప్రయోగాలు చేయొచ్చు, కానీ ఇవి కాకుండా మీరు ఈ సందర్భంలో ప్రయత్నించడానికి ఎన్నో దుస్తులు కూడా ఉన్నాయి. అవేంటో ఓ లుక్కేద్దాం పదండి.
సెక్విన్ చీర
పెళ్లిలో చీర కట్టుకోవాలనుకుంటే మీరు సిల్క్, ఆర్గాంజాకు దూరంగా సీక్విన్ చీరను ఎంచుకోండి. సందర్భాన్ని బట్టి ఇది సరైన ఎంపిక. మీకు నచ్చిన రంగు చీరను కొనండి. లైట్, డార్క్, పాస్టల్ ఇలా ప్రతిదానిలోనూ మీ లుక్ అద్భుతంగా కనిపిస్తుంది. చీరతో పాటు కొంచెం స్టైలిష్ బ్లౌజ్ ను తీసుకెళ్తే అందరి కళ్లు మీపై పడతాయనడంలో ఎలాంటి సందేహం లేదు.
లెహంగా
పెళ్లికి చీరతో పాటుగా లెహంగాలను కూడా ఎక్కువగా ధరిస్తారు. పెళ్లికాని వారే కాదు పెళ్లైన వారు కూడా లెహంగాలను వేసుకుంటున్నారు. అయితే ఇందుకోసం మీరు డిఫరెంట్ లెహంగాను కొనాలి. దీనిలో మీరు వధువు కంటే భిన్నంగా, అందంగా కనిపిస్తారు. అందుకే లెహంగా రంగు, నమూనాపై దృష్టి పెట్టండి. గులాబీ, ఎరుపు, మెరూన్ రంగులను కాకుండా వేరే రంగులను ఎంచుకోండి. సన్యా మల్హోత్రా ఇటీవల తన సోదరి పెళ్లిలో పసుపు రంగు పూల లెహంగాను ధరించింది. దీనిలో ఆమె ఎంతో అందంగా కనిపించింది.
సూట్
సూట్ ఒక కామన్ ఆప్షన్. కానీ ఈ కామన్ ఆప్షన్ తో మీరు చాలా అందంగా కనిపిస్తారు. మార్కెట్ లో ఉన్న ఫ్యాషన్, స్టైల్ దృష్ట్యా ఈ రోజుల్లో చాలా రకాల కుర్తాలు అందుబాటులో ఉన్నాయి. మీ కంఫర్టబుల్ కు అనుగుణంగా మీరు వీటిని ఎంచుకోవచ్చు. అలియా ఇటీవల తన బెస్ట్ ఫ్రెండ్ పెళ్లిలో హాట్ పింక్ కలర్ కుర్తాను ధరించింది. సింపుల్ లుక్ లో కూడా ఆమె చాలా స్టన్నింగ్ గా కనిపించింది.
ఇండో వెస్ట్రన్
మీరు ఏదైనా ఇండో-వెస్ట్రన్ ట్రై చేయాలనుకుంటే.. రియా చక్రవర్తి ధరించిన ఈ డ్రెస్ ను ఫర్ఫెక్ట్ గా సరిపోతుంది. స్టైలిష్ బ్లౌజ్ తో పలాజో లేదా షరారాను జతచేసి దుపట్టాతో లుక్ ను పూర్తి చేయండి. ఈ డ్రెస్ స్టైల్ కు, కంఫర్ట్ కు బెస్ట్ ఆప్షన్.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి