Government Jobs Portal ఒకే క్లిక్‌తో మొత్తం ప్రభుత్వ ఉద్యోగ సమాచారం! ఎక్కడంటే..

ఒక్కో ఉద్యోగానికి ఒక్కో వెబ్ సైట్, ఒక్కో కొలువు ఒక్కో రకమైన దరఖాస్తు విధానం.. ఇలాంటివి ఉద్యోగార్థులకు చికాకు తెప్పిస్తుంటాయి. ఈ చిక్కులకు చెక్ పెట్టేలా కేంద్ర ప్రభుత్వం ఒక కొత్త విధానం అమల్లోకి తెస్తోంది.  ఇందులో ఉద్యోగార్థులు ఒకే చోట అన్ని ప్రభుత్వ ఉద్యోగాల సమాచారం తెలుసుకోవచ్చు. అప్లికేషన్ ప్రాసెస్ కూడా సులువుగా, త్వరగా అయిపోతుంది.

మిషన్ కర్మయోగి పథకం

ఇకపై ప్రభుత్వ ఉద్యోగాల కోసం అన్ని వెబ్‌సైట్‌లో వెతకాల్సిన అవసరం లేదు. కేంద్ర ప్రభుత్వ ఉద్యోగాల కోసం ఎదురు చూసే వాళ్లకు ఇకపై ఎలాంటి ఇబ్బంది ఉండదు. ఉద్యోగార్థులకు పదే పదే దరఖాస్తు చేసుకునే బాధను తగ్గించడానికి కేంద్రం కొత్త పోర్టల్ తెస్తోంది. ఈ ఏర్పాటుతో ఉద్యోగార్థులు ఒకే సైట్‌లో అన్ని ప్రభుత్వ ఉద్యోగాల సమాచారం తెలుసుకోవచ్చు.

ఈ పోర్టల్ ద్వారా ఉద్యోగార్థులు చాలా ప్లాట్‌ఫామ్‌లలో అప్లై చేసుకునే బాధ తప్పుతుంది. ఇదికాకుండా కేంద్ర ప్రభుత్వ ఉద్యోగాల నియామక గడువును 15 నెలల నుంచి సగటున ఎనిమిది నెలలకు తగ్గించారు. దీన్ని తగ్గించే యోచనలో ఉంది ప్రభుత్వం.

గతంలో అభ్యర్థులు నియామకాల కోసం హిందీ, ఇంగ్లీష్‌లో మాత్రమే పరీక్షలు రాయాల్సి వచ్చేది. అందరికీ సమాన అవకాశాలు కల్పించాలని, ఏ ఒక్కరూ నష్టపోకూడదని కేంద్రం భావిస్తోంది. స్థానిక భాషల్లోనూ పరీక్షల నిర్వహణ కోసం ఆలోచిస్తోంది ప్రభుత్వం. ఈ పోర్టల్ ఉద్యోగార్థుల నైపుణ్యాలను, శిక్షణను పెంచడానికి కూడా సహాయపడుతుంది. మిషన్ కర్మయోగి పథకం ద్వారా కొత్త ఉద్యోగ అవకాశాలు సృష్టిస్తారు.