మొటిమలు తగ్గాలంటే ఈ సింపుల్ టిప్స్ ను ఫాలో అవ్వండి

మొటిమలు ఒక్క చర్మాన్ని మాత్రమే కాదు మీ మానసిక ఆరోగ్యాన్ని కూడా ప్రభావితం చేసే చర్మ సమస్య. అందుకే మొటిమలను వీలైనంత తొందరగా తగ్గించుకోవాలి. అయితే మన ఇంట్లో దొరికే కొన్ని వస్తువులతో మొటిమలను చాలా సులువుగా తగ్గించుకోవచ్చు. అదెలాగంటే?

కాలుష్యం, దుమ్ము మన చర్మ ఆరోగ్యాన్ని ఎంతో దెబ్బతీస్తాయి. వీటితో పాటుగా ఒత్తిడి, హార్మోన్లు, జంక్ ఫుడ్ మొదలైనవి కూడా మన చర్మంపై ప్రభావం చూపుతాయి. వీటన్నింటి వల్ల మొటిమలు వచ్చే ప్రమాదం ఎక్కువగా ఉంది. మొటిమల వల్ల చర్మంలో ఉండే రంధ్రాలు మూసుకుపోతాయి. ఈ మూసుకుపోయిన రంధ్రాలలో బ్యాక్టీరియా పేరుకుపోతుంది. అలాగే దీనివల్ల విపరీతమైన నొప్పి కలుగుతుంది. అయితే చాలా మొటిమలు మొఖంపై మచ్చలను కలిగిస్తాయి. ఇది మీ ఆత్మవిశ్వాసాన్ని బలహీనపరుస్తుంది. అందుకే మొటిమలకు చికిత్స చేయడం చాలా ముఖ్యం. మొటిమలను తగ్గించుకోవడానికి మీరు మందులనే వాడాల్సిన అవసరం లేదు. మీ ఇంట్లో ఉండే కొన్ని నేచురల్ వస్తువుల సహాయంతో కూడా మొటిమలను నయం చేయవచ్చు. అవేంటో ఇప్పుడు తెలుసుకుందాం.. 

pimples

కలబంద

కలబందలో ఎన్నో ఔషదగుణాలుంటాయి. దీనిని ఉపయోగించడం వల్ల మొటిమల ఎరుపు, మంట తగ్గిపోతాయి. అందులోనూ మీరు మీ ఇంట్లో కలబందను చాలా సులభంగా పెంచుకోవచ్చు. ఇది మొటిమల నుంచి ఉపశమనం కలిగిస్తుంది. అలాగే చర్మాన్ని తేమ ఉంచడానికి కూడా సహాయపడుతుంది. ఇందుకోసం కలబంద ఆకులను కట్ చేసి దాని జెల్ ను తీసి మీ ముఖానికి అప్లై చేసి 10-15 నిమిషాల పాటు అలాగే ఉంచండి. ఇది మొటిమలను తగ్గించడానికి ఇది ఎఫెక్టీవ్ గా సహాయపడుతుంది.

టీ ట్రీ ఆయిల్

టీ ట్రీ ఆయిల్ లో యాంటీ బ్యాక్టీరియల్ లక్షణాలు ఉంటాయి. ఇవి మొటిమల సమస్యను తగ్గించడానికి చాలా ప్రయోజనకరంగా ఉంటాయి. మార్కెట్లో లభించే మొటిమల చికిత్స క్రీముల మాదిరిగా ఇది మీ చర్మాన్ని పొడిబారకుండా చేస్తుంది. అలాగే మొటిమలు తొందరగా తగ్గించేందుకు ఎంతగానో సహాయపడుతుంది. దీన్ని నేరుగా మొటిమలపై ఉపయోగించొచ్చు. దీన్ని రాత్రంతా అలాగే వదిలేయాలి. దీన్ని ఉపయోగించడానికి ముందు పలుచగా చేయాలి. 

గ్రీన్ టీ

బరువు తగ్గడానికి చాలా మంది గ్రీన్ టీని తాగుతుంటారు. కానీ మొటిమల సమస్యను తగ్గించుకోవడానికి కూడా దీనిని ఉపయోగించొచ్చు. గ్రీన్ టీలో పాలీఫెనాల్స్ పుష్కలంగా ఉంటాయి. ఇవి యాంటీ బాక్టీరియల్,యాంటీ ఇన్ఫ్లమేటరీ. ఇవి మొటిమలను తగ్గించడానికి సహాయపడతాయి. గ్రీన్ టీ బ్యాగ్ ను కొద్దిగా తడిపి లేదా గ్రీన్ టీ తయారు చేసి, చల్లార్చి, ఆపై మీ మొటిమలపై అప్లై చేయొచ్చు. 

pimples

ఆపిల్ సైడర్ వెనిగర్

ఆపిల్ సైడర్ వెనిగర్ బ్యాక్టీరియా, ఫంగల్ ఇన్ఫెక్షన్ల నుంచి రక్షించడానికి సహాయపడుతుంది. దీనిని ఉపయోగిస్తే మొటిమలు తగ్గుతాయి. కానీ ఇది మీ చర్మాన్ని చికాకుపెడుతుంది. అందుకే దీని పరిమాణం కంటే మూడు రెట్లు ఎక్కువ నీటిని కలిపి మొటిమలపై 30 సెకన్ల పాటు అప్లై చేసి తర్వాత కడిగేయండి.

తేనె

తేనెలో యాంటీ బాక్టీరియల్ లక్షణాలు ఉంటాయి. ఇది మొటిమలను తగ్గించడానికి కూడా సహాయపడుతుంది. మొటిమల వల్ల కలిగే మంటను తగ్గించడానికి కూడా ఇది సహాయపడుతుంది. మీరు దీన్ని ఫేస్ మాస్క్ గా కూడా ఉపయోగించొచ్చు.లేదా మొటిమలపై నేరుగా అప్లై చేయొచ్చు.