రెండు సుడులున్నఅబ్బాయిలను చూస్తే చాలు.. హే వీడికి రెండు పెళ్లిళ్లు అవుతాయిరా అని ఆటపట్టిస్తుంటారు. పెద్దలు కూడా అవును రెండు సుడులుంటే.. ఖచ్చితంగా ఇద్దరు పెళ్లాలు వస్తారని అంటుంటారు. కొందరు నిజమే అని నమ్మితే.. మరికొంతమంది అంతా ఉట్టిదే అని కొట్టిపారేస్తారు. మరి దీనిపై నిపుణులు ఏమంటున్నారో ఓ లుక్కేద్దాం పదండి.
మనలో చాలా మందికి నెత్తిమీద రెండు సుడులు ఉంటాయి. కొందరికి ఒక్క సుడే ఉంటుంది. అయితే ఈ రెండు సుడులు ఉన్నవారికి రెండు పెళ్లిళ్లు అవుతాయని చాలా మంది ఆటపట్టిస్తుంటారు. ఇక పళ్లెటూర్లల్లో అయితే.. రెండు సుడులున్న అబ్బాయిలను చూస్తే.. అరే నీకు రెండు పెళ్లిళ్లు అవుతాయిరా అని మజాక్ చేస్తుంటారు. రెండు సుడులు, రెండు పెళ్లిళ్ల గురించి మనం ఎక్కువగా ఊర్లలోనే వింటుంటాం.
సాధారణంగా రెండు సుడులు ఒక్క మగవారికే కాదు ఆడవారికి కూడా ఉంటాయి. కానీ రెండు పెళ్లిళ్లు అని ఎక్కువగా మగవారినే ఆటపట్టిస్తుంటారు. ఎందుకంటే అమ్మాయిలకు జుట్టు పెద్దగా ఉండటం వల్ల ఆ సుడులు కనిపించవు. ఈ సంగతి పక్కన పెడితే అసలు రెండు సుడులు ఉంటే నిజంగా రెండు పెళ్లిళ్లు అవుతాయా? మీరె ఎప్పుడైనా గమనించారా? ఇలా రెండు సుడులు ఉన్నవారు రెండు పెళ్లిళ్లు చేసుకున్నట్టు? ఈ రెండు సుడులు ఏర్పడటానికి కారణమేంటి? ఇది ఉంటే నిజంగానే రెండు పెళ్లిళ్లు అవుతాయేమో ఇప్పుడు తెలుసుకుందాం పదండి.
సాధారణంగా తలలో రెండు సుడులు చాలా తక్కువ మందికే ఉంటాయి. NHGRI అధ్యయనం ప్రకారం.. ప్రపంచవ్యాప్తంగా కేవలం 5% మందికి మాత్రమే ఇలా రెండు సుడులు ఉంటాయి. నిజానికి రెండు సుడులు ఏర్పడటానికి జెనెటిక్స్ కూడా ఒక కారణమేనని సైన్స్ చెబుతోంది. అంటే వాళ్ల తాతలు, ముత్తాలు అంటూ కుటుంబంలో ఎవరికైనా ఉంటే.. ఇది ముందు తరాల వారికి కూడా వచ్చే అవకాశం ఉందని సైన్స్ చెబుతోంది.
అయితే పళ్లేటూర్లలో రెండు సుడులు ఉన్నవారు రెండు పెళ్లిళ్లు చేసుకుంటారు అనే విషయాన్ని నమ్మడానికి కూడా ఒక కారణం ఉంది. ఊర్లలో కొన్ని పెళ్లిళ్లు ఎంగేజ్మెంట్ దాకా వెళ్లి ఆగిపోతుంటాయి. ఆ తర్వాత మళ్లీ పెళ్లి కుదుర్చుకుని పెళ్లిపీఠలు ఎక్కుతాయి. దీన్నే రెండు పెళ్లిళ్లుగా భావిస్తారు. ఏదేమైనా.. ఈ రెండు సుడులు, రెండు పెళ్లిళ్లకు అస్సలు సంబంధమే లేదు. రెండు సుడులు ఉన్నంత మాత్రానా రెండు పెళ్లిళ్లు జరుగుతాయనుకోవడం పెద్ద అపోహే. దీనికి సైంటిఫిక్ గా ఎలాంటి ఆధారం లేదు.
జ్యోతిష్య శాస్త్రం ప్రకారం.. రెండు సుడులు ఉన్నవారు మంచి లక్షణాలను కలిగి ఉంటారు. అంటే వీరికి సహనం ఎక్కువగా ఉంటుంది. అందరికీ చేతనైనా సాయం చేస్తారు. వీరిది ప్రేమ గుణం. అలాగే వీరు దయగలవారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి