వెల్లుల్లి తొక్కలను చాలా ఫాస్ట్ గా, సులువుగా ఎలా తీయాలి? దోష పాన్ ను ఈజీగా ఎలా క్లీన్ చేయాలి? గిన్నెలకు పట్టిన గుడ్ల వానను ఎలా పోగొట్టాలి? వంటి కొన్ని వంటింటి చిట్కాల గురించి ఇప్పుడు తెలుసుకుందాం..
ఆడవాళ్లు ఉదయం నిద్రలేచినప్పటి నుంచి రాత్రి పడుకునే వరకు ఏదో ఒక పని చేస్తూనే ఉంటారు. కుటుంబ బాధ్యతతో ఆడవాళ్లకు తీరిక కూడా ఉండదు. దీనివల్ల కొన్ని పనులు చేయడం ఆడవాళ్లకు కష్టంగా ఉంటుంది. అందుకే కష్టమయ్యే, లేటయ్యే కొన్ని పనులను సులువుగా ఎలా ఫాస్ట్ గా చేసుకోవాలో ఇప్పుడు తెలుసుకుందాం..
వెల్లుల్లి తొక్క తీయడం ఎలా?
ఉదయాన్నే హడావుడిగా వంట చేసి పనులకు వెళ్లే ఆడవాళ్లకు వెల్లుల్లి తొక్క తీయడం చాలా కష్టమైన పనే. వెల్లుల్లి తొక్కను తీయడం వల్ల చాలా మందికి బొటనవేలి, చూపుడు వేళి గోరు బాగా నొప్పి పెడుతుంటుంది. అందుకే ఇలా కాకూడదని కత్తిని ఉపయోగిస్తుంటారు. కానీ వెల్లుల్లి తొక్కను ఇలా తీస్తే చాలా టైం పడుతుంది. అయితే వెల్లుల్లి రెబ్బలను సిల్వర్ బాక్స్ లో వేసి మూతపెట్టి ఒక నిమిషం పాటు బాగా ఊపాలి. దీన్ని ఓపెన్ చేస్తే మీరు వెసిన వెల్లుల్లి రెబ్బల తొక్కలు చాలా వరకు ఊడిపోయి ఉంటాయి. మిగిలిన తొక్కలను మీరు చాలా ఈజీగా, ఫాస్ట్ గా తీయొచ్చు.
గుడ్ల వాసన
దోషలు వేసి వేసి దోశ పాన్ ఆయిలీగా మారుతుంది. అంతేకాకుండా వీటిపైనే ఆమ్లేట్ ను కూడా వేస్తుంటారు. దీనివల్ల పాన్ కు గుడ్ల వాసన వస్తుంటుంది. ఇలాంటి ఆయిలీ పాన్ లను క్లీన్ చేయడం చాలా కష్టం. వీటిని ఈజీగా క్లీన్ చేయాలంటే మీరు వాడుతున్న టూత్ పేస్ట్ ను స్పాంజ్ సహాయంతో పాన్ అంతటా అప్లై చేయండి. ఆ తర్వాత నీటితో కడిగేసుకుంటే జిడ్డు మొత్తం పోయి గుడ్ల వాసన రానేరాదు.
సింక్ ను ఎలా శుభ్రం చేయాలి?
చాలా మంది సింక్ లోనే పాత్రలను క్లీన్ చేస్తుంటారు. కానీ సింక్ ను మాత్రం అస్సలు శుభ్రం చేయరు. దీనివల్ల సింక్ పై వాటర్ మారకలతో పాటుగా ఇతర మరకలు కూడా అవుతుంటాయి. వీటిని ఎప్పటికప్పుడు క్లీన్ చేయకపోతే మొండి మరకలుగా మారుతాయి. మీరు సింక్ ను సులభంగా శుభ్రం చేయడానికి ఏదైనా హ్యాండ్ వాష్ లిక్విడ్ ను ఉపయోగించండి. దీనిని స్క్రబ్ చేసి తరువాత సింక్ ను నీటితో కడగండి. అంతే మీ సింక్ పై ఉన్న మరకలు మొత్తం మటుమాయం అవుతాయి.