High Cholesterol: కొలెస్ట్రాల్ ఫాస్ట్ గా కరగాలంటే.. అల్లాన్ని ఇలా తీసుకోవాల్సిందే..!

High Cholesterol: కొన్ని రకాల మసాలా దినుసులు, ఆహారాల ద్వారా కూడా చెడు కొలెస్ట్రాల్ కు చెక్ పెట్టొచ్చు. ముఖ్యంగా అల్లాన్ని ఈ విధంగా ఉపయోగిస్తే.. చెడు కొలెస్ట్రాల్ చాలా ఫాస్ట్ గా కరిగిపోతుంది..  

High Cholesterol

ఒంట్లో కొలెస్ట్రాల్ పెరుగుతున్న కొద్దీ మీకు కొత్త కొత్త రోగాలొచ్చే అవకాశం కూడా పెరుగుతున్నట్టే. ముఖ్యంగా శరీరంలో కొలెస్ట్రాల్ మరీ ఎక్కువైతే గుండెపోటు, అధిక రక్తపోటు, కొరోనరీ ఆర్టరీ, డయాబెటీస్ వంటి ప్రాణాంతక రోగాలొచ్చే అవకాశం ఎక్కువగా ఉందని నిపుణులు చెబుతున్నారు. 

ఒంట్లో పెరిగే కొలెస్ట్రాల్ శరీర అవయవాలపై చెడు ప్రభావాన్ని చూపిస్తుంది. అందుకే దీన్ని తొందరగా తగ్గించుకోవాలి. కొలెస్ట్రాల్ ను తగ్గించుకోవాలనుకునే వారు ఆయిలీ ఫుడ్ ను, ఫ్రైడ్ ఫుడ్ ను ఎక్కువగా తీసుకోకూడదు. తీపి పదార్థాలను కూడా తీసుకోకూడదు.  అయితే కొలెస్ట్రాల్ ను కరిగించుకోవాలనుకునే వారు అల్లాన్ని రోజూ తీసుకోవాలని నిపుణులు సలహానిస్తున్నారు. 

అల్లం మన శరీరానికి ఎన్నో విధాలా మేలు చేస్తుంది. దీనిలో లిపోప్రోటీన్లను, ట్రైగ్లిజరైడ్లను తగ్గించే గుణాలుంటాయి. ఈ అల్లాన్ని ఏ విధంగా తీసుకుంటే కొలెస్ట్రాల్ కరుగుతుందో ఇప్పుడు తెలుసుకుందాం.. 

పచ్చి అల్లం

పచ్చి అల్లాన్ని అలాగే తీసుకుంటే ఆరోగ్యం ఎంతో బాగుంటుంది. ఇది ఎన్నో అనారోగ్య సమస్యలను తగ్గించడానికి సహాయపడుతుంది. ఆయిలీ ఫుడ్ ను తిన్న వారు కొంచెం పచ్చి అల్లాన్ని తినాలి. ఎందుకంటే ఇది మీ శరీరంలో కొలెస్ట్రాల్ పెరగకుండా చేస్తుంది. 

అల్లం పొడి

అల్లం పొడికోసం అల్లాన్ని కొన్ని రోజుల పాటు ఎండలో బాగా ఎండబెట్టీ.. చిన్న చిన్న ముక్కలుగా కట్ చేసి మెత్తగా గ్రైండ్ చేసుకోవాలి. దీన్ని ప్రతిరోజూ ఉదయం పూట నీళ్లలో కలుపుకుని పరిగడుపున తాగాలి. ఇది కొలెస్ట్రాల్ స్థాయిలను తగ్గించడానికి సహాయపడతుంది. 

ginger teA

అల్లం నీళ్లు

శరీరంలో పేరుకుపోయిన కొలెస్ట్రాల్ నిల్వలను తగ్గించడంలో అల్లం నీరు ఎఫెక్టీవ్ గా పని చేస్తుంది. దీనికోసం ఒక గ్లాస్ వాటర్ తీసుకుని అందులో అంగుళం సైజున్న అల్లం ముక్కను వేసి మంటపై బాగా మరిగించండి. 15 నిమిషాల తర్వాత దీన్ని వడకట్టి గోరువెచ్చగా అయిన తర్వాత తాగితే మంచి ఫలితం ఉంటుంది.

అల్లం, లెమన్ టీ

పాలు, పంచదార, టీ ఆకులతో కూడిన టీ ఆరోగ్యానికి ఎంతమాత్రం మంచిది కాదని ఆరోగ్య నిపుణులు చెబుతుంటారు. దీనికి బదులుగా నిమ్మకాయ, అల్లం టీ తాగండి. ఇవి మిమ్మల్ని ఆరోగ్యంగా ఉంచడంతో పాటుగా కొలెస్ట్రాల్ పెరిగే ప్రమాదాన్ని కూడా తగ్గిస్తుంది. 

ఆయిలీ ఫుడ్స్, మసాలా ఫుడ్స్ తీసుకున్నప్పుడు అల్లం, లెమన్ టీ ని పక్కాగా తాగండి. ఇది చెడు కొలెస్ట్రాల్ వల్ల కలిగే నష్టాలను, ప్రమాదాలను తగ్గిస్తుంది. శరీరంలో కొలెస్ట్రాల్ పేరుకుపోకుండా మిమ్మల్ని కాపాడుతుంది.