రాగుల గురించి ఈ విషయాలు తెలిస్తే.. వీటిని ఖచ్చితంగా తింటారు..

రాగుల్లో క్యాల్షియం, ఇనుము వంటి పోషకాలు పుష్కలంగా ఉంటాయి. రాగుల రొట్టెలు, రాగి గంజి అంటూ రాగులను ఏ రూపంలో తీసుకున్నా ఆరోగ్యం బాగుంటుంది. వీటిని తినడం వల్ల హిమోగ్లోబిన్ స్థాయిలు పెరగడం నుంచి ఎన్నో ఆరోగ్య ప్రయోజనాలను పొందుతాం. 

రాగులు మంచి పోషకాహారం. ఇతర పిండితో పోల్చితే రాగిపిండిలోనే కాల్షియం ఎక్కువ మొత్తంలో ఉంటుంది. నేషనల్ ఇన్స్టిట్యూట్ ఆఫ్ న్యూట్రిషన్ ఇన్ ఇండియా ప్రకారం.. 100 గ్రాముల రాగుల్లో 344 మిల్లీగ్రాముల కాల్షియం ఉంటుంది. ఈ కాల్షియం మనకు ఎన్నో విధాలుగా ఉపయోగపడుతుంది.

ఆరోగ్యకరమైన ఎముకలు, దంతాల ఆరోగ్యానికి ఇనుము చాలా అవసరం. బోలు ఎముకల వ్యాధిని నివారించడానికి కాల్షియం చాలా కీలకం. బోలు ఎముకల వ్యాధి ఎముకలను బలహీనపరిచే ప్రమాదకరమైన వ్యాధి. ఎదుగుతున్న పిల్లలకు రాగులు ప్రయోజనకరంగా ఉంటాయి. ఇందుకోసం రాగులను గంజి రూపంలో పిల్లలకు ఇవ్వొచ్చని పోషకాహార నిపుణులు చెబుతున్నారు. 

బియ్యం, మొక్కజొన్న, గోధుమలతో పోలిస్తే రాగుల్లోనే పాలీఫెనాల్స్, డైటరీ ఫైబర్స్ పుష్కలంగా ఉంటాయి. దీనిలో గ్లైసెమిక్ ఇండెక్స్ కూడా తక్కువగా ఉంటుంది. రాగులను తింటే ఆహార కోరికలు తగ్గుతాయి. అంతేకాదు జీర్ణక్రియ వేగం పెరుగుతుంది. తత్ఫలితంగా రక్తంలో చక్కెర స్థాయిలు నియంత్రణలో ఉంటాయి. రాగులను ఉదయం బ్రేక్ ఫాస్ట్ లో లేదా మధ్యాహ్న భోజనంలో తినడం మంచిదని నిపుణులు చెబుతున్నారు. 

రాగులలో మెథియోనిన్, లైసిన్ వంటి ముఖ్యమైన అమైనో ఆమ్లాలు పుష్కలంగా ఉంటాయి. ఇవి చర్మ కణాలలో ముడతల ప్రమాదాన్ని తగ్గిస్తాయి. రాగులు సహజ ఇనుముకు అద్భుతమైన మూలం. ఇది మన  శరీరంలో విటమిన్ సి ని పెంచుతుంది. ఇనుము రక్తప్రవాహంలోకి సులభంగా గ్రహించబడుతుంది.

ఆందోళన, నిరాశ, నిద్రలేమిని సమస్యలతో బాధపడేవారు రాగులను క్రమం తప్పకుండా తీసుకోవడం చాలా ప్రయోజనకరంగా ఉంటుంది. ట్రిప్టోఫాన్, అమైనో ఆమ్లాలు  వంటి యాంటీ ఆక్సిడెంట్లు శరీర మంటను తగ్గించడానికి సహాయపడతాయి. 

ragi

దీనిలో ఎక్కువ మొత్తంలో డైటరీ ఫైబర్ పుష్కలంగా ఉంటుంది. ఇది కడుపును ఎక్కువసేపు నిండుగా ఉంచుతుంది. అనవసరమైన ఆహార కోరికలను తగ్గిస్తుంది. ఆకలిని అదుపులో ఉంచుతుంది. ఇది మీరు వేగంగా బరువు తగ్గడానికి బాగా సహాయపడుతుంది. రాగి పిండి ఇన్సులిన్ ను  సక్రియం చేస్తుంది. దీంతో మీ శరీరంలోని రక్తంలో చక్కెర స్థాయిలు తగ్గుతాయని నిపుణులు చెబుతున్నారు. 

Image: Getty Images

రాగులు మన శరీరంలో పేరుకుపోయిన చెడు కొలెస్ట్రాల్ ను తగ్గిస్తాయి. అలాగే మంచి కొలెస్ట్రాల్ ను పెంచుతాయి. రాగుల్లో ఉండే యాంటీ ఆక్సిడెంట్లు మీ శరీరంలో  ఉన్న ఫ్రీ రాడికల్స్ ను తొలగిస్తాయి. అలాగే రక్తహీనతను తగ్గిస్తాయి. దీనిలో ఉండే శక్తివంతమైన యాంటీ ఆక్సిడెంట్లు క్యాన్సర్ ను నిరోధించడనాకి సహాయపడతాయి. అలాగే శరీర కణాలను రక్షిస్తాయి.