పెరుగులో పోషకాలు ఎక్కువగా ఉంటాయి. దీన్ని రోజుకు ఒక పూట తిన్నా మన శరీరానికి కావాల్సిన ఎన్నో పోషకాలు అందుతాయి. దీనివల్ల ఎముకలు బలంగా ఉంటాయి. అంతేకాదు పెరుగు మంటను తగ్గించడంతో పాటుగా మరెన్నో ఆరోగ్య ప్రయోజనాలను కలిగిస్తుంది.
చాలా మంది ఇష్టంగా తినే ఆహారాలో పెరుగు ఒకటి. నిజానికి పెరుగు రుచికరంగా ఉండటమే కాదు ఎన్నో ఆరోగ్య ప్రయోజనాలను కూడా కలిగిస్తుంది. పెరుగు పోషకాలు ఎక్కువగా ఉండే పాల ఉత్పత్తి. పెరుగులో ఒకటి కాదు రెండు కాదు ఎన్నో రకాల ముఖ్యమైన విటమిన్లు, ఖనిజాలు పుష్కలంగా ఉంటాయి. పెరుగులో కాల్షియం పుష్కలంగా ఉంటుంది. ఎందుకంటే ఇది ఎముకలను బలంగా, ఆరోగ్యంగా ఉంచడానికి సహాయపడుతుంది. నేషనల్ లైబ్రరీ ఆఫ్ మెడిసిన్ లో ప్రచురించిన ఒక అధ్యయనం ప్రకారం.. పెరుగు వాయువు, మంట, ఆమ్లతను తగ్గిస్తుంది. పెరుగును ఉదయం బ్రేక్ ఫాస్ట్, మధ్యాహ్న భోజనం, రాత్రి భోజనం అంటూ మూడు పూటలా తినొచ్చు.
ఈ అధ్యయనం ప్రకారం.. మన శరీరంలో ఎముకలను బలోపేతం చేయడానికి పెరుగు ఎంతగానో సహాయపడుతుంది. పెరుగులో ఉండే క్యాల్షియం ఎముకల సాంద్రతను సమతుల్యం చేయడమే కాకుండా బలపడటానికి కూడా సహాయపడుతుంది. పెరుగులో కొవ్వు, కేలరీలు తక్కువగా ఉంటాయి. ఇది బరువును నియంత్రించడానికి కూడా సహాయపడుతుంది.
చర్మాన్ని ఆరోగ్యంగా, ప్రకాశవంతంగా ఉంచడానికి కూడా పెరుగు సహాయపడుతుంది. పెరుగులో నేచురల్ మాయిశ్చరైజింగ్ పదార్థాలు ఉంటాయి. ఇవి చర్మాన్ని పొడిబారకుండా నివారిస్తాయి. పెరుగు మొటిమలు, జీర్ణ సమస్యలు ఉన్నవారికి బాగా సహాయపడుతుంది. ఎందుకంటే పెరుగులో లాక్టిక్ యాసిడ్ ఉంటుంది. దీన్ని ఫేస్ ప్యాక్ గా కూడా ఉపయోగించుకోవచ్చు. ఇది మొటిమలను తగ్గిస్తుంది. పెరుగులో పేగులను ఆరోగ్యంగా ఉంచడానికి సహాయపడే పదార్థాలు కూడా ఉంటాయి.
పెరుగును ఆడవారు ఖచ్చితంగా తినాలని ఆరోగ్య నిపుణులు చెబుతున్నారు. ఎందుకంటే ఆడవాళ్లు పెరుగును తింటే యోనిలో ఈస్ట్ ఇన్ఫెక్షన్ పెరుగుదల ఉండదు. పెరుగులో ఉండే లాక్టో బాసిల్లస్ బ్యాక్టీరియా యోనిలో ఈస్ట్ సమతుల్యతను పునరుద్ధరిస్తుంది.
తద్వారా జీవక్రియ మరింత పెరుగుతుంది. జీవక్రియ మెరుగ్గా ఉంటే బరువు తగ్గే ప్రక్రియను సులభతరం అవుతుంది. ఇందుకోసం పెరుగులో ఒక టేబుల్ స్పూన్ తేనె కలిపి తీసుకోవడం మంచిది. పెరుగు ఒక గొప్ప ప్రోబయోటిక్. పేగు పనితీరును మెరుగుపరచడానికి, కడుపు నొప్పిని తగ్గించడానికి పెరుగులో ఉండే మంచి బ్యాక్టీరియా బాగా పనిచేస్తుంది.
ఒక కప్పు పెరుగులో 275 మిల్లీగ్రాముల క్యాల్షియం ఉంటుంది. రోజువారీ కాల్షియం ఎముక సాంద్రతను నిర్వహించడానికి సహాయపడటమే కాకుండా వాటిని బలోపేతం చేస్తుంది. ఇందులో కొవ్వు, కేలరీలు తక్కువగా ఉంటాయి. పెరుగులో విటమిన్ సి కూడా పుష్కలంగా ఉంటుంది. ఇది మన ఇమ్యూనిటీ పవర్ పెంచుతుంది. శరీరాన్ని ఆరోగ్యంగా ఉంచుతుంది.