ఒంటరిగా ఉంటే డయాబెటీస్ వస్తుందా?

ఈ రోజుల్లో డయాబెటీస్ వ్యాధి సర్వసాధారణ సమస్యగా మారిపోయింది. అందుకే దీనిబారిన పడకుండా ముందస్తుగా జాగ్రత్తలు తీసుకోవడం చాలా ముఖ్యం.   

loneliness

షుగర్ వ్యాధి ప్రమాదకరమైన రోగం. దీనివల్ల శరీరం మొత్తం ప్రభావితమవుతుంది. ముఖ్యంగా రక్తంలో చక్కెర స్థాయిలు పెరగకుండా ఎన్నో జాగ్రత్తలు తీసుకోవాలి. లేదంటే ప్రాణాలు రిస్క్ లో పడతాయి. అయినా ఈ రోజుల్లో చిన్న వయసు వారు సైతం డయాబెటీస్ వ్యాధి బారిన పడతారు. చెడు జీవన శైలి, అనారోగ్యకరమైన ఆహారం, శారీరక శ్రమ లేకపోవడం వంటి కారణాల వల్ల టైప్ 2 డయాబెటీస్ బారిన పడుతున్నారు. లైఫ్ స్టైల్ బాగుంటేనే డయాబెటీస్ వచ్చే ప్రమాదం తగ్గుతుంది.  ఇక వీటికి తోడు ‘ఒంటరితనం’ కూడా డయాబెటీస్ కు కారణమవుతుందని ఓ కొత్త అధ్యయనం వెల్లడిస్తోంది.  

డయాబెటోలోజియా అనే జర్నల్ లోప్రచురించబడిన ఈ అధ్యయనం  ప్రకారం.. ఒంటరిగా ఉండే వాళ్లు కూడా డయాబెటీస్ బారిన పడే అవకాశం ఎక్కువగా ఉందని వెల్లడైంది. అంతేకాదు లోన్లీనెస్ నిద్రలేమి, డిప్రెషన్ వంటి సమస్యలకు కూడా దారితీస్తుందని పరిశోధకులు చెబుతున్నారు. 

జీవితంలో ఒంటరిగా ఉండటం వల్ల ఎన్నో అనారోగ్య సమస్యలను ఎదుర్కోకతప్పదంటున్నారు నిపుణులు. లోన్లీగా ఉండటం వల్ల విపరీతమైన ఒత్తిడికి గురవుతారు. ఈ స్ట్రెస్ వల్లే టైప్ 2 డయాబెటీస్ ప్రమాదం పెరుగుతుందని పరిశోధకులు వెల్లడిస్తున్నారు. లోన్లీగా ఉండటం వల్ల మానసిక స్థితి దిగజారుతుంది. శారీరక ఆరోగ్యం కూడా దెబ్బతింటుందని పరిశోధకులు చెబుతున్నారు. కార్టిసోలో అనే హార్మోన్ వల్ల ఒత్తిడి కలుగుతుంది. ఈ హార్మోన్ ఎక్కువ మొత్తంలో ఉత్పత్తి అయినప్పుడు ఇన్సులిన్ నిరోధకత పెరుగుతుంది. దీనివల్ల బ్రెయిన్ లో ఎన్నో మార్పులొస్తాయి.  దీంతో ఆకలి ఎక్కువైతుంది. అందులోనూ కార్భోహైడ్రేట్లు ఉండే ఆహారాన్నే తినాలనిపిస్తుందట. ఇక వీటిని తినడం వల్ల బ్లడ్ షుగర్ లెవెల్స్ విపరీతంగా పెరుగుతాయి. ఇలా పెరిగి పెరిగి ఆఖరకు మధుమేహం వస్తుంది. 

లోన్లీనెస్ ఒక షుగర్ వ్యాధినే కాదు.. యాంగ్జైటీ, డిప్రెషన్, వంటి ఎన్నో అనారోగ్య సమస్యలకు దారితీస్తుందని నిపుణులు చెబుతున్నారు. అందుకే ఒంటరితనానికి గుడ్ బాయ్ చెప్పండి. మీకోసం.. మీ ఆరోగ్యం కోసం.. మంచి కుటుంబం కోసం జంటగా ఉండండి. జంటగా ఉంటేనే మీ భావాలను స్వేచ్ఛగా అవతలి వ్యక్తికి చెప్పగలుతారు. మనసులో ఎలాంటి బాధా ఉండదు. ఆరోగ్యం కూడా బాగుంటుంది. అందమైన ఫ్యామిలీకి మించిన ఆనందం మరెక్కడా లేదుకదా..